|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 1 : PALI ROMAN Vinaya Pitaka Vol 1 : Vinaya. Mahāvi (1)
[84] Tena kho pana samayena chabbaggiya bhikkhu rajakattharanam gantva rajakabhandikam avaharitva aramam avaharitva bhajesum . Bhikkhu evamahamsu mahapunnattha tumhe avuso bahum tumhakam civaram uppannanti . kuto avuso amhakam punnam idani mayam rajakattharanam gantva rajakabhandikam avaharimhati . nanu avuso bhagavata sikkhapadam pannattam kissa tumhe avuso rajakabhandikam--------------------------------------------------------------------------------------------- page84.
Avaharitthati . saccam avuso bhagavata sikkhapadam pannattam tanca kho game no aranneti . nanu avuso tatheva tam hoti ananucchavikam avuso ananulomikam appatirupam assamanakam akappiyam akaraniyam katham hi nama tumhe avuso rajakabhandikam avaharissatha netam avuso appasannanam va pasadaya pasannanam va bhiyyobhavaya athakhvetam avuso appasannananceva appasadaya pasannananca ekaccanam annathattayati . athakho te bhikkhu chabbaggiye bhikkhu anekapariyayena vigarahitva bhagavato etamattham arocesum. {84.1} Athakho bhagava etasmim nidane etasmim pakarane bhikkhusangham sannipatapetva chabbaggiye bhikkhu patipucchi saccam kira tumhe bhikkhave rajakattharanam gantva rajakabhandikam avaharitthati . saccam bhagavati . Vigarahi buddho bhagava ananucchavikam moghapurisa ananulomikam appatirupam assamanakam akappiyam akaraniyam katham hi nama tumhe moghapurisa rajakabhandikam avaharissatha netam moghapurisa appasannanam va pasadaya .pe. Pasannananca ekaccanam annathattayati. {84.2} Athakho bhagava chabbaggiye bhikkhu anekapariyayena vigarahitva dubbharataya .pe. viriyarambhassa vannam bhasitva bhikkhunam tadanucchavikam tadanulomikam dhammim katham katva bhikkhu amantesi .pe. evanca pana bhikkhave imam sikkhapadam uddiseyyatha yo pana bhikkhu gama va aranna va adinnam theyyasankhatam adiyeyya yatharupe--------------------------------------------------------------------------------------------- page85.
Adinnadane rajano coram gahetva haneyyum va bandheyyum va pabbajeyyum va corosi balosi mulhosi thenositi tatharupam bhikkhu adinnam adiyamano ayampi parajiko hoti asamvasoti.The Pali Tipitaka in Roman Character Volume 1 page 83-85. https://84000.org/tipitaka/read/roman_read.php?B=1&A=1605&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=1&A=1605&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=1&item=84&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=1&siri=15 Study Atthakatha :- https://84000.org/tipitaka/attha/attha.php?b=1&i=84 The Pali Atthakatha in Thai :- https://84000.org/tipitaka/atthapali/read_th.php?B=1&A=7524 The Pali Atthakatha in Roman :- https://84000.org/tipitaka/atthapali/read_rm.php?B=1&A=7524 Contents of The Tipitaka Volume 1 https://84000.org/tipitaka/read/?index_1 https://84000.org/tipitaka/english/?index_1
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]