ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 12 : PALI ROMAN Sutta Pitaka Vol 4 : Sutta. Ma. Mū.

                     Pasarasisuttam 1-
     [312]   Evamme   sutam   ekam  samayam  bhagava  savatthiyam  viharati
jetavane   anathapindikassa   arame  .  atha  kho  bhagava  pubbanhasamayam
nivasetva     pattacivaramadaya    savatthim    pindaya    pavisi   .
Atha   kho   sambahula   bhikkhu   yena  ayasma  anando  tenupasankamimsu
upasankamitva   ayasmantam   anandam  etadavocum  cirassuta  no  avuso
ananda   bhagavata   sammukha   dhammi  katha  sadhu  mayam  avuso  ananda
labheyyama  bhagavato  sammukha  dhammim  katham  savanayati  .  tenahayasmanto
yena    rammakassa   brahmanassa   assamo   tenupasankamatha   appevanama
labheyyatha   bhagavato   sammukha  dhammim  katham  savanayati  .  evamavusoti
kho te bhikkhu ayasmato anandassa paccassosum.
     {312.1}  Atha  kho  bhagava  savatthiyam  pindaya caritva pacchabhattam
pindapatapatikkanto    ayasmantam    anandam   amantesi   ayamananda
yena  pubbaramo migaramatu pasado tenupasankamissama divaviharayati.
Evam  bhanteti  kho  ayasma  anando  bhagavato  paccassosi . Atha kho
bhagava   ayasmata   anandena   saddhim   yena  pubbaramo  migaramatu
pasado   tenupasankami  divaviharaya  .  atha  kho  bhagava  sayanhasamayam
patisallana   vutthito   ayasmantam   anandam   amantesi  ayamananda
@Footnote: 1 Yu. ariyapariyesanasuttanti dissati.
Yena    pubbakotthako    tenupasankamissama   gattani   parisincitunti  .
Evam   bhanteti   kho  ayasma  anando  bhagavato  paccassosi  .  atha
kho    bhagava    ayasmata   anandena   saddhim   yena   pubbakotthako
tenupasankami   gattani   parisincitum   pubbakotthake   gattani  parisincitva
paccuttaritva ekacivaro atthasi gattani pubbapayamano.
     {312.2}  Atha  kho  ayasma  anando  bhagavantam  etadavoca ayam
bhante  rammakassa  brahmanassa  assamo  avidure  ramaniyo bhante rammakassa
brahmanassa    assamo    pasadiko   bhante   rammakassa   brahmanassa
assamo    sadhu    bhante    bhagava    yena   rammakassa   brahmanassa
assamo   tenupasankamatu   anukampam   upadayati   .  adhivasesi  bhagava
tunhibhavena   .   atha   kho   bhagava   yena   rammakassa   brahmanassa
assamo   tenupasankami   .   tena   kho  pana  samayena  sambahula  bhikkhu
rammakassa    brahmanassa    assame    dhammiya    kathaya    sannisinna
honti   .  atha  kho  bhagava  bahidvarakotthake  atthasi  kathapariyosanam
agamayamano.
     [313]   Atha   kho  bhagava  kathapariyosanam  viditva  ukkasitva
aggalam  akotesi  .  vivarimsu  kho  te  bhikkhu  bhagavato dvaram. Atha kho
bhagava     rammakassa    brahmanassa    assamam    pavisitva    pannatte
asane   nisidi   .  nisajja  kho  bhagava  bhikkhu  amantesi  kaya  nuttha
bhikkhave   etarahi  kathaya  sannisinna  ka  ca  pana  vo  antara  katha
Vippakatati   .   bhagavantameva   kho   no  bhante  arabbha  dhammi  katha
vippakata   atha   bhagava   anuppattoti   .   sadhu  bhikkhave  etam  kho
bhikkhave   tumhakam   patirupam   kulaputtanam   saddha   agarasma  anagariyam
pabbajitanam    yam    tumhe    dhammiya    kathaya    sannisideyyatha  .
Sannipatitanam   vo  bhikkhave  dvayam  karaniyam  dhammi  va  katha  ariyo  va
tunhibhavo  .  dvema  bhikkhave  pariyesana  1-  anariya  ca pariyesana
ariya ca pariyesana.
     [314]  Katama  ca  bhikkhave  anariya  pariyesana  .  idha bhikkhave
ekacco    attana   jatidhammo   samano   jatidhammanneva   pariyesati
attana    jaradhammo    samano   jaradhammanneva   pariyesati   attana
byadhidhammo     samano     byadhidhammanneva     pariyesati     attana
maranadhammo   samano   maranadhammanneva   pariyesati   attana   sokadhammo
samano   sokadhammanneva   pariyesati   attana   sankilesadhammo  samano
sankilesadhammanneva pariyesati.
     {314.1}  Kinca  bhikkhave  jatidhammam  vadetha  .  puttabhariyam bhikkhave
jatidhammam    dasidasam    jatidhammam    ajelakam    jatidhammam   kukkutasukaram
jatidhammam    hatthigavassavalavam    jatidhammam   jataruparajatam   jatidhammam  .
Jatidhamma    hete   bhikkhave   upadhayo   etthayam   gadhito   mucchito
ajjhapanno     attana     jatidhammo     samano     jatidhammanneva
pariyesati.
     {314.2}   Kinca   bhikkhave   jaradhammam   vadetha   .   puttabhariyam
bhikkhave     jaradhammam    dasidasam    jaradhammam    ajelakam    jaradhammam
@Footnote: 1 Ma. Yu. ariya ca pariyesana anariya ca pariyesana.
Kukkutasukaram     jaradhammam    hatthigavassavalavam    jaradhammam    jataruparajatam
jaradhammam   .   jaradhamma   hete  bhikkhave  upadhayo  etthayam  gadhito
mucchito   ajjhapanno   attana   jaradhammo   samano   jaradhammanneva
pariyesati.
     {314.3}   Kinca   bhikkhave   byadhidhammam   vadetha   .  puttabhariyam
bhikkhave    byadhidhammam    dasidasam    byadhidhammam   ajelakam   byadhidhammam
kukkutasukaram    byadhidhammam    hatthigavassavalavam    byadhidhammam   jataruparajatam
byadhidhammam   .  byadhidhamma  hete  bhikkhave  upadhayo  etthayam  gadhito
mucchito   ajjhapanno   attana   byadhidhammo  samano  byadhidhammanneva
pariyesati.
     {314.4}  Kinca  bhikkhave  maranadhammam  vadetha  .  puttabhariyam bhikkhave
maranadhammam    dasidasam   maranadhammam   aje   lakam   maranadhammam   kukkutasukaram
maranadhammam    hatthigavassavalavam    maranadhammam   jataruparajatam   maranadhammam  .
Maranadhamma    hete   bhikkhave   upadhayo   etthayam   gadhito   mucchito
ajjhapanno     attana     maranadhammo     samano     maranadhammanneva
pariyesati.
     {314.5}  Kinca  bhikkhave  sokadhammam  vadetha  .  puttabhariyam bhikkhave
sokadhammam    dasi   dasam   sokadhammam   ajelakam   sokadhammam   kukkutasukaram
sokadhammam   hatthigavassavalavam   sokadhammam   jataruparajatam  1-  sokadhammam .
Sokadhamma  hete  bhikkhave  upadhayo  etthayam gadhito mucchito ajjhapanno
attana sokadhammo samano sokadhammanneva pariyesati.
     {314.6}   Kinca   bhikkhave   sankilesadhammam  vadetha  .  puttabhariyam
bhikkhave      sankilesadhammam     dasidasam     sankilesadhammam     ajelakam
@Footnote: 1 Ma. Yu. jataruparajatam sokadhammanti ime patha na dissanti.
Sankilesadhammam       kukkutasukaram      sankilesadhammam      hatthigavassavalavam
sankilesadhammam   jataruparajatam   sankilesadhammam   .   sankilesadhamma  hete
bhikkhave   upadhayo   etthayam   gadhito   mucchito   ajjhapanno  attana
sankilesadhammo    samano    sankilesadhammanneva    pariyesati   .   ayam
bhikkhave anariya pariyesana.
     [315]  Katama  ca  bhikkhave  ariya  pariyesana  .  idha  bhikkhave
ekacco   attana   jatidhammo   samano  jatidhamme  adinavam  viditva
ajatam   anuttaram   yogakkhemam   nibbanam   pariyesati  attana  jaradhammo
samano   jaradhamme   adinavam   viditva   ajaram   anuttaram   yogakkhemam
nibbanam    pariyesati    attana    byadhidhammo   samano   byadhidhamme
adinavam   viditva   abyadhim   anuttaram   yogakkhemam   nibbanam  pariyesati
attana   maranadhammo   samano   maranadhamme   adinavam   viditva   amatam
anuttaram   yogakkhemam   nibbanam   pariyesati  attana  sokadhammo  samano
sokadhamme   adinavam   viditva   asokam   anuttaram   yogakkhemam  nibbanam
pariyesati   attana   sankilesadhammo   samano   sankilesadhamme  adinavam
viditva    asankilittham   anuttaram   yogakkhemam   nibbanam   pariyesati  .
Ayampi bhikkhave ariya pariyesana.
     [316]   Ahampi   sudam  bhikkhave  pubbeva  sambodha  anabhisambuddho
bodhisattova   samano   attana   jatidhammo   samano   jatidhammanneva
pariyesami   attana   jaradhammo   samano   jaradhammanneva  pariyesami
Attana   byadhidhammo   samano   byadhidhammanneva   pariyesami  attana
maranadhammo   samano   maranadhammanneva   pariyesami   attana  sokadhammo
samano   sokadhammanneva   pariyesami   attana  sankilesadhammo  samano
sankilesadhammanneva   pariyesami   tassa  mayham  bhikkhave  etadahosi  kinnu
kho   aham   attana   jatidhammo   samano   jatidhammanneva  pariyesami
attana  jaradhammo  samano  ...  byadhidhammo  samano ... Maranadhammo
samano  ...  sokadhammo  samano  ...  attana sankilesadhammo samano
sankilesadhammanneva     pariyesami    yannunaham    attana    jatidhammo
samano   jatidhamme   adinavam   viditva   ajatam   anuttaram  yogakkhemam
nibbanam    pariyeseyyam    attana    jaradhammo   samano   jaradhamme
adinavam   viditva   ajaram   anuttaram   yogakkhemam   nibbanam  pariyeseyyam
attana   byadhidhammo   samano  byadhidhamme  adinavam  viditva  abyadhim
anuttaram   yogakkhemam  nibbanam  pariyeseyyam  attana  maranadhammo  samano
maranadhamme   adinavam   viditva   amatam   anuttaram   yogakkhemam   nibbanam
pariyeseyyam   attana  sokadhammo  samano  sokadhamme  adinavam  viditva
asokam  anuttaram  yogakkhemam  nibbanam  pariyeseyyam  attana sankilesadhammo
samano  sankilesadhamme  adinavam  viditva  asankilittham  anuttaram yogakkhemam
nibbanam pariyeseyyanti.
     [317]  So  kho  aham  bhikkhave  aparena  samayena daharova samano
Susukalakeso    bhadrena    yobbanena   samannagato   pathamena   vayasa
akamakanam   matapitunam   assumukhanam  rodantanam  kesamassum  oharetva
kasayani    vatthani    acchadetva   agarasma   anagariyam   pabbajim
so    evam   pabbajito   samano   kimkusalagavesi   anuttaram   santivarapadam
pariyesamano   yena   alaro   kalamo   tenupasankamim  upasankamitva
alaram   kalamam   etadavocam   icchamaham   avuso   kalama   imasmim
dhammavinaye brahmacariyam caritunti.
     {317.1}  Evam  vutte  bhikkhave  alaro kalamo mam etadavoca
viharatayasma  tadiso  ayam  dhammo  yattha  vinnu  puriso  nacirasseva  sakam
acariyakam   sayam   abhinna   sacchikatva  upasampajja  vihareyyati  .  so
kho  aham  bhikkhave  nacirasseva  khippameva  tam  dhammam  pariyapunim so kho aham
bhikkhave      tavatakeneva      otthapahatamattena     lapitalapanamattena
nanavadanca   vadami   theravadanca   janami   passamiti  ca  patijanami
ahanceva  anne  ca  .  tassa  mayham  bhikkhave etadahosi na kho alaro
kalamo   imam   dhammam  kevalam  saddhamattakena  sayam  abhinna  sacchikatva
upasampajja  viharamiti  pavedeti  addha  alaro kalamo imam dhammam janam
passam viharatiti.
     {317.2}   Atha   khvaham   bhikkhave   yena   alaro  kalamo
tenupasankamim      upasankamitva     alaram     kalamam     etadavocam
kittavata   no  avuso  kalama  imam  dhammam  sayam  abhinna  sacchikatva
upasampajja   pavedesiti  .   evam  vutte  bhikkhave  alaro  kalamo
Akincannayatanam   pavedesi   .   tassa   mayham  bhikkhave  etadahosi  na
kho   alarasseva  kalamassa  atthi  saddha  mayhampatthi  saddha  na  kho
alarasseva   kalamassa   atthi   viriyam   mayhampatthi   viriyam   na   kho
alarasseva    kalamassa    atthi   sati   mayhampatthi   sati   na   kho
alarasseva   kalamassa   atthi   samadhi   mayhampatthi   samadhi  na  kho
alarasseva   kalamassa   atthi   panna   mayhampatthi  panna  yannunaham
yam   dhammam   alaro   kalamo   sayam  abhinna  sacchikatva  upasampajja
viharamiti   pavedeti   .   tassa  dhammassa  sacchikiriyaya  padaheyyanti .
So   kho   aham  bhikkhave  nacirasseva  khippameva  tam  dhammam  sayam  abhinna
sacchikatva upasampajja vihasim.
     {317.3}  Atha  khvaham bhikkhave yena alaro kalamo tenupasankamim
upasankamitva   alaram   kalamam  etadavocam  ettavata  kho  avuso
kalama  imam  dhammam  sayam  abhinna  sacchikatva  upasampajja  pavedesiti .
Ettavata   kho   aham   avuso  imam  dhammam  sayam  abhinna  sacchikitva
upasampajja   pavedemiti   .  ahampi  kho  avuso  kalama  ettavata
imam   dhammam   sayam  abhinna  sacchikatva  upasampajja  viharamiti  .  labha
no  avuso  suladdham  no  avuso  ye mayam ayasmantam tadisam sabrahmacarim
passama  iti  yaham  dhammam  sayam  abhinna  sacchikatva  upasampajja pavedemi
tam  tvam  dhammam  sayam  abhinna  sacchikatva  upasampajja  viharasi  yam tvam dhammam
sayam    abhinna   sacchikatva   upasampajja   viharasi   tamaham   dhammam   sayam
@Footnote: 1 Ma. Yu. ayam patho natthi.
Abhinna    sacchikatva    upasampajja    pavedemi    iti   yaham   dhammam
janami   tam   tvam  dhammam  janasi  yam  tvam  dhammam  janasi  tamaham  dhammam
janami   iti   yadiso   aham   tadiso   tvam   yadiso  tvam  tadiso
aham   ehidani   avuso   ubho   vasanta   imam  ganam  pariharamati .
Iti  kho  bhikkhave  alaro  kalamo  acariyo  me samano antevasim
mam  samanam  attana  samasamam  thapeti  ularaya  ca  mam  pujaya  pujesi .
Tassa    mayham    bhikkhave   etadahosi   nayam   dhammo   nibbidaya   na
viragaya   na   nirodhaya   na   upasamaya  na  abhinnaya  na  sambodhaya
na    nibbanaya    samvattati   yavadeva   akincannayatanupapattiyati  .
So   kho   aham   bhikkhave   tam   dhammam   analankaritva   tamha  dhamma
nibbijja apakkamim.
     [318]  So  kho  aham  bhikkhave  kimkusalagavesi  anuttaram  santivarapadam
pariyesamano   yena   uddako   ramaputto   tenupasankamim  upasankamitva
uddakam    ramaputtam    etadavocam   icchamaham   avuso   rama   imasmim
dhammavinaye   brahmacariyam   caritunti   .   evam  vutte  bhikkhave  uddako
ramaputto   mam   etadavoca   viharatayasma  tadiso  ayam  dhammo  yattha
vinnu   puriso   nacirasseva   sakam   acariyakam   sayam  abhinna  sacchikatva
upasampajja   vihareyyati   .   so   kho   aham   bhikkhave   nacirasseva
khippameva  tam  dhammam  pariyapunim  .  so  kho  aham  bhikkhave  tavatakeneva
otthapahatamattakena           lapitalapanamattakena          nanavadanca
Vadami    theravadanca    pajanami    passamiti   patijanami   ahanceva
anne   ca   .   tassa   mayham   bhikkhave   etadahosi  na  kho  ramo
imam    dhammam    kevalam    saddhamattakena    sayam   abhinna   sacchikatva
upasampajja   viharamiti   pavedesi   .  addha  ramo  imam  dhammam  janam
passam   vihasiti   .    atha  khvaham  bhikkhave  yena  uddako  ramaputto
tenupasankamim      upasankamitva     uddakam     ramaputtam     etadavocam
kittavata   no   avuso   rama  imam  dhammam  sayam  abhinna  sacchikatva
upasampajja pavedesiti.
     Evam  vutte  bhikkhave  uddako  ramaputto  nevasannanasannayatanam
pavedesi  .  tassa  mayham  bhikkhave  etadahosi  na  kho ramasseva ahosi
saddha  mayhampatthi  saddha  na  kho  ramasseva ahosi viriyam .pe. Sati ...
Samadhi  ...  panna  mayhampatthi  panna  yannunaham  yam  dhammam  ramo  sayam
abhinna   sacchikatva   upasampajja   viharamiti   pavedeti  tassa  dhammassa
sacchikiriyaya padaheyyanti.
     {318.1}  So  kho  aham  bhikkhave nacirasseva khippameva tam dhammam sayam
abhinna   sacchikatva  upasampajja  vihasim  .  atha  khvaham  bhikkhave  yena
uddako    ramaputto   tenupasankamim   upasankamitva   uddakam   ramaputtam
etadavocam  ettavata  no  avuso  rama  1-  imam  dhammam sayam abhinna
sacchikatva  upasampajja  pavedesiti  .  ettavata  kho  aham 2- avuso
imam  dhammam  sayam  abhinna  sacchikatva  upasampajja  pavedemiti 3-. Ahampi
kho avuso ettavata
@Footnote: 1 Ma. Yu. ramo 2 Ma. Yu. ayam patho natthi. 3 Ma. Yu. pavedesiti.
Imam    dhammam   sayam   abhinna   sacchikatva   upasampajja   viharamiti  .
Labha  no  avuso  suladdham  no  avuso  ye  mayam  ayasmantam  tadisam
sabrahmacarim   passama   iti  yam  dhammam  ramo  sayam  abhinna  sacchikatva
upasampajja  pavedeti  tam  tvam  dhammam  sayam  abhinna  sacchikatva upasampajja
viharasi  1-  yam  tvam  dhammam  sayam  abhinna sacchikatva upasampajja viharasi 2-
tam  dhammam  ramo  sayam  abhinna  sacchikatva  upasampajja  pavedesi iti 3-
yam  dhammam  ramo  annasi  4-  tvam  dhammam janasi yam tvam dhammam janasi tam
dhammam  ramo  annasi  5-  iti yadiso ramo ahosi tadiso tvam yadiso
tvam tadiso ramo ahosi ehidani avuso tuvam [6]- ganam pariharati.
     {318.2}  Iti  kho  bhikkhave  uddako  ramaputto sabrahmacari me
samano  acariyatthane  ca  mam  thapesi  ularaya  ca  mam pujaya pujesi.
Tassa   mayham  bhikkhave  etadahosi  nayam  dhammo  nibbidaya  na  viragaya
na  nirodhaya  na  upasamaya  na  abhinnaya  na  sambodhaya  na  nibbanaya
samvattati    yavadeva   nevasannanasannayatanupapattiyati   .   so   kho
aham bhikkhave tam dhammam analankaritva tasma dhamma nibbijja apakkamim.
     [319]  So  kho  aham  bhikkhave  kimkusalagavesi  anuttaram  santivarapadam
pariyesamano   magadhesu   anupubbena   carikancaramano   yena  uruvela
senanigamo   tadavasarim   .   tatthaddasam   ramaniyam   bhumibhagam   pasadikanca
vanasandam    nadinca   sandantim   setakam   supatittham   ramaniyam   samanta   ca
@Footnote: 1-2 Po. pavedesi. 3 Po. itisaddo natthi. 4-5 Po. Ma. abhinnasi.
@6 Ma. Yu. imam.
Gocaragamam    .   tassa   mayham   bhikkhave   etadahosi   ramaniyo   vata
bhumibhago   pasadiko  ca  vanasando  nadi  ca  sandati  setaka  supatittha
ramaniya   samanta  ca  gocaragamo  alam  vatidam  kulaputtassa  padhanatthikassa
padhanayati   .   so   kho   aham   bhikkhave   tattheva   nisidim  alamidam
padhanayati.
     [320]   So   kho   aham  bhikkhave  attana  jatidhammo  samano
jatidhamme   adinavam   viditva   ajatam   anuttaram   yogakkhemam  nibbanam
pariyesamano   ajatam   anuttaram   yogakkhemam  nibbanam  ajjhagamam  attana
jaradhammo  samano  ...  attana  byadhidhammo  samano  ...  attana
maranadhammo   samano  ...  attana  sokadhammo  samano  ...  attana
sankilesadhammo   samano   sankilesadhamme   adinavam  viditva  asankilittham
anuttaram    yogakkhemam    nibbanam   pariyesamano   asankilittham   anuttaram
yogakkhemam   nibbanam   ajjhagamam   nananca   pana   me   dassanam  udapadi
akuppa me vimutti ayamantima jati natthidani punabbhavoti.
     [321]  Tassa  mayham  bhikkhave  etadahosi adhigato kho myayam dhammo
gambhiro   duddaso   duranubodho   santo   panito   atakkavacaro  nipuno
panditavedaniyo  alayarama  kho  panayam  paja  alayarata alayasammudita
alayaramaya   kho   1-   pajaya  alayarataya  alayasammuditaya  duddasam
idam   thanam   yadidam   idappaccayatapaticcasamuppado   idampi   kho   thanam
duddasam        yadidam        sabbasankharasamatho       sabbupadhipatinissaggo
@Footnote: 1 Ma. Yu. kho pana.
Tanhakkhayo   virago   nirodho   nibbanam   ahanceva   kho   pana  dhammam
deseyyam   pare   ca   me  na  ajaneyyum  so  mamassa  kilamatho  sa
mamassa   vihesati   .   apissu   mam  bhikkhave  ima  anacchariya  gatha
patibhamsu pubbe assutapubba
       kicchena me adhigatam      halandani pakasitum
       ragadosaparetehi       nayam dhammo susambudho
       patisotagamim nipunam       gambhiram duddasam anum
       ragaratta na dakkhanti    tamokkhandhena avutati.
Itiha    me   bhikkhave   patisancikkhato   appossukkataya   cittam   namati
no dhammadesanayati.
     [322]   Atha   kho  bhikkhave  brahmuno  sahampatissa  mama  cetasa
cetoparivitakkamannaya   etadahosi   nassati   vata   bho  loko  vinassati
vata   bho  loko  yatra  hi  nama  tathagatassa  arahato  sammasambuddhassa
appossukkataya   cittam   namati   no   dhammadesanayati   .   atha  kho
bhikkhave   brahma   sahampati  seyyathapi  nama  balava  puriso  samminjitam
va  baham  pasareyya  pasaritam va baham samminjeyya evameva 1- kho 2-
brahmaloke   antarahito  mama  purato  paturahosi  .  atha  kho  bhikkhave
brahma     sahampati     ekamsam     uttarasangam    karitva    yenaham
tenanjalimpanametva  mam  etadavoca  desetu  me  bhante  bhagava  dhammam
@Footnote: 1 Si. Yu. evamevam. 2 Ma. Yu. khoti saddo natthi.
Desetu   sugato   dhammam   santi   satta   apparajakkhajatika  assavanata
dhammassa   parihayanti   bhavissanti   dhammassa   annataroti  .  idamavoca
bhikkhave brahma sahampati idam vatvana athaparam etadavoca
            paturahosi magadhesu pubbe
            dhammo asuddho samalehi cintito
            apapuretam amatassa dvaram
            sunantu dhammam vimalenanubuddham
            sele yatha pabbatamuddhanitthito
            yathapi passe janatam samantato
            tathupamam dhammamayam sumedha
            pasadamaruyha samantacakkhu
            sokavakinnam 1- janatamapetasoko
            avekkhassu jatijarabhibhutam
            utthehi vira vijitasangama
            satthavaha anana vicara loke
     desetu 2- bhagava dhammam annataro bhavissantiti.
     [323]   Atha   khvaham  bhikkhave  brahmuno  ca  ajjhesanam  viditva
sattesu   ca   karunnatam   paticca   buddhacakkhuna   lokam   volokesim .
Addasam   kho   aham   bhikkhave   buddhacakkhuna  lokam  volokento  satte
@Footnote: 1 Si. Ma. Yu. sokavatinnam. 2 Si. Ma. Yu. desassu.
Apparajakkhe  maharajakkhe  tikkhindriye  mudindriye  svakare  dvakare
suvinnapaye   duvinnapaye   appekacce   paralokavajjabhayadassavino   1-
viharante  2-  .  seyyathapi  nama  uppaliniyam va paduminiyam va pundarikiniyam
va   appekaccani   uppalani   va   padumani   va   pundarikani  va
udake   jatani   udake  samvaddhani  udakanuggatani  antonimuggapositani
appekaccani   uppalani   va   padumani   va  pundarikani  va  udake
jatani   udake  samvaddhani  udakanuggatani  samodakanthitani  appekaccani
uppalani   va   padumani  va  pundarikani  va  udake  jatani  udake
samvaddhani   udakam   accuggamma   titthanti   3-   anuppalittani   udakena
evameva  kho  aham  bhikkhave  buddhacakkhuna lokam volokento addasam satte
apparajakkhe  maharajakkhe  tikkhindriye  mudindriye  svakare  dvakare
suvinnapaye     duvinnapaye     appekacce    paralokavajjabhayadassavino
viharante. Atha khvaham bhikkhave brahmanam sahampatim gathaya ajjhabhasim 4-
           aparuta tesam amatassa dvara
           ye sotavanto pamuncantu saddham
           vihimsasanni pagunam na bhasim
           dhammam panitam manujesu brahmeti.
Atha   kho   bhikkhave   brahma   sahampati   katavakaso  khomhi  bhagavata
dhammadesanayati mam abhivadetva padakkhinam katva tatthevantaradhayi.
@Footnote: 1 Ma. Yu. paralokavajjabhayadassavine. 2 Ma. ito param appekacce na
@paralokavajjabhayadassavine viharanteti dissati. 3 Ma. thitani .  4 Ma. Yu. paccabhasim.
     [324]   Tassa   mayham   bhikkhave  etadahosi  kassa  nu  kho  aham
pathamam   dhammam   deseyyam   ko   imam  dhammam  khippameva  ajanissatiti .
Tassa   mayham   bhikkhave   etadahosi   ayam   kho   alaro   kalamo
pandito    viyatto    medhavi   digharattam   apparajakkhajatiko   yannunaham
alarassa  kalamassa  pathamam  dhammam  deseyyam  so  imam  dhammam  khippameva
ajanissatiti  .  atha  kho mam bhikkhave devata upasankamitva etadavoca 1-
sattahakalakato   bhante   alaro   kalamoti  .  nananca  pana  me
dassanam   udapadi   sattahakalakato   alaro   kalamoti   .   tassa
mayham   bhikkhave   etadahosi   mahajaniyo   kho   alaro   kalamo
sace hi so imam dhammam suneyya khippameva ajaneyyati.
     {324.1}  Tassa  mayham  bhikkhave  etadahosi kassa nu kho pathamam dhammam
deseyyam  ko  imam  dhammam  khippameva  ajanissatiti . Tassa mayham bhikkhave
etadahosi   ayam   kho   uddako  ramaputto  pandito  viyatto  medhavi
digharattam     apparajakkhajatiko     yannunaham    uddakassa    ramaputtassa
pathamam  dhammam  deseyyam  so  imam  dhammam  khippameva ajanissatiti. Atha kho
mam   bhikkhave   devata   upasankamitva  etadavoca  2-  abhidosakalakato
bhante   uddako   ramaputtoti   .  nananca  pana  me  dassanam  udapadi
abhidosakalakato    uddako   ramaputtoti   .   tassa   mayham   bhikkhave
etadahosi   mahajaniyo   kho  uddako  ramaputto  sace  hi  so  imam
dhammam suneyya khippameva ajaneyyati.
@Footnote: 1-2 Yu. etadavocum.
     {324.2}   Tassa   mayham   bhikkhave   etadahosi  kassa  nu  kho  aham
pathamam  dhammam  deseyyam  ko  imam  dhammam  khippameva  ajanissatiti . Tassa
mayham   bhikkhave   etadahosi   bahukara   kho   me  pancavaggiya  bhikkhu
ye   mam   padhanapahitattam   upatthahimsu   yannunaham   pancavaggiyanam   bhikkhunam
pathamam   dhammam   deseyyanti   .   tassa  mayham  bhikkhave  etadahosi  kaham
nu  kho  etarahi  pancavaggiya  bhikkhu  viharantiti  .  addasam  kho  bhikkhave
dibbena     cakkhuna     visuddhena    atikkantamanusakena    pancavaggiye
bhikkhu  baranasiyam  viharante  isipatane  migadaye  .  atha  khvaham bhikkhave
uruvelayam yathabhirantam viharitva yena baranasi tena carikam pakkamim.
     [325]  Addasa  kho  mam  bhikkhave  upako ajivako antara ca gayam
antara    ca   bodhim   addhanamaggapatipannam   disvana   mam   etadavoca
vippasannani   kho   te   avuso   indriyani   parisuddho   chavivanno
pariyodato  kamsi  tvam  avuso  uddissa  pabbajito  ko  va te sattha
kassa  va  tam  dhammam  rocesiti . Evam vutte aham bhikkhave upakam ajivakam
gathaya 1- ajjhabhasim
             sabbabhibhu sabbaviduhamasmi
             sabbesu dhammesu anupalitto
             sabbanjaho tanhakkhaye vimutto
             sayam abhinnaya kamuddiseyyam
@Footnote: 1 Ma. Yu. gathahi.
         Na me acariyo atthi          sadiso me na vijjati
         sadevakasmi lokasmim         natthi me patipuggalo
         ahanhi araha loke        aham sattha anuttaro
         ekomhi sammasambuddho    sitibhutosmi nibbuto
         dhammacakkam pavattetum                gacchami kasinam puram
         andhabhutasmi lokasmim              ahannim 1- amatadundubhinti.
         Yatha kho tvam avuso patijanasi    arahasi anantajinoti.
         Madisa ve jina honti                  ye patta asavakkhayam
         jita me papaka dhamma                    tasmaham upaka jinoti.
Evam  vutte bhikkhave so upako huveyyavusoti 2- vatva sisam okampetva
ummaggam gahetva pakkami.
     [326]   Atha  khvaham  bhikkhave  anupubbena  carikancaramano  yena
baranasi    yena    isipatanam    migadayo   yena   pancavaggiya   bhikkhu
tenupasankamim   .   addasamsu   3-  kho  mam  bhikkhave  pancavaggiya   bhikkhu
duratova    agacchantam    disvava    annamannam    santhapesum   ayam   kho
avuso    samano    gotamo    agacchati   bahulliko   padhanavibbhanto
avatto   bahullaya   so   neva   abhivadetabbo  na  paccutthatabbo
nassa   pattacivaram   patiggahetabbam   apica   kho  asanam  thapetabbam  sace
akankhissati  nisidissatiti  .  yatha  yatha  kho  aham  bhikkhave upasankamim 4-
@Footnote: 1 Ma. Yu. ahancham. 2. Ma. hupeyyapavusoti. Yu. huveyyapavusoti.
@3 Yu. addasasum. 4 Yu. upasankamami.
Tatha   tatha   pancavaggiya   bhikkhu   nasakkhimsu  sakaya  katikaya  santhatum
appekacce    mam   paccuggantva   pattacivaram   patiggahesum   appekacce
asanam   pannapesum   appekacce   padodakam  upatthapesum  apica  kho  mam
namena   ca   avusovadena  ca  samudacaranti  .  [1]-  aham  bhikkhave
pancavaggiye   bhikkhu   etadavocam   ma   bhikkhave   tathagatam  namena  ca
avusovadena     ca   samudacarittha   2-   araham   bhikkhave   tathagato
sammasambuddho    odahatha   bhikkhave   sotam   amatamadhigatam   ahamanusasami
aham    dhammam    desemi   yathanusittham   3-   patipajjamana   nacirasseva
yassatthaya    kulaputta    sammadeva   agarasma   anagariyam   pabbajanti
tadanuttaram    brahmacariyapariyosanam    dittheva    dhamme    sayam   abhinna
sacchikatva upasampajja viharissathati.
     {326.1}    Evam   vutte   bhikkhave   pancavaggiya   bhikkhu   mam
etadavocum    tayapi   kho   tvam   avuso   gotama   ariyaya   taya
patipadaya    taya   dukkarakarikaya   najjhagama   uttari   manussadhamma
alamariyananadassanavisesam     kim     pana    tvam    etarahi    bahulliko
padhanavibbhanto      avatto     bahullaya     adhigamissasi     uttari
manussadhamma   alamariyananadassanavisesanti   .  evam  vutte  aham  bhikkhave
pancavaggiye   bhikkhu   etadavocam   na  bhikkhave  tathagato  bahulliko  na
padhanavibbhanto   na   avatto   bahullaya   araham   bhikkhave  tathagato
sammasambuddho    odahatha   bhikkhave   sotam   amatamadhigatam   ahamanusasami
aham   dhammam   desemi   yathanusittham  patipajjamana  nacirasseva  yassatthaya
@Footnote: 1 Ma. Yu. evam vutteti dve patha dissanti. 2 Ma. samudacaratha.
@3 Ma. Yu. ito param tathasaddo dissati.
Kulaputta    sammadeva    agarasma    anagariyam   pabbajanti   tadanuttaram
brahmacariyapariyosanam    dittheva    dhamme    sayam   abhinna   sacchikatva
upasampajja    viharissathati   .   dutiyampi   kho   bhikkhave   pancavaggiya
bhikkhu  mam  etadavocum  tayapi  kho  tvam  *-  avuso gotama ariyaya taya
patipadaya    taya    dukkarakarikaya   najjhagama   uttari   manussadhamma
alamariyananadassanavisesam     kim     pana    tvam    etarahi    bahulliko
padhanavibbhanto      avatto     bahullaya     adhigamissasi     uttari
manussadhamma      alamariyananadassanavisesanti     .     dutiyampi     kho
aham   bhikkhave   pancavaggiye   bhikkhu   etadavocam  na  bhikkhave  tathagato
bahulliko .pe. Upasampajja viharissathati.
     {326.2}  Tatiyampi  kho  bhikkhave  pancavaggiya  bhikkhu mam etadavocum
tayapi  kho  tvam avuso gotama ariyaya taya patipadaya taya dukkarakarikaya
najjhagama    uttari    manussadhamma   alamariyananadassanavisesam   kim   pana
tvam  etarahi  bahulliko  padhanavibbhanto  avatto  bahullaya adhigamissasi
uttari   manussadhamma   alamariyananadassanavisesanti   .  evam  vutte  aham
bhikkhave  pancavaggiye  bhikkhu  etadavocam  abhijanatha me no tumhe bhikkhave
ito  pubbe  evarupam  bhasitametanti  .  no  hetam  bhante. Na bhikkhave
tathagato  bahulliko  na  padhanavibbhanto  na  avatto  bahullaya  araham
bhikkhave   tathagato   sammasambuddho  odahatha  bhikkhave  sotam  amatamadhigatam
ahamanusasami    aham    dhammam    desemi    yathanusittham    patipajjamana
@Footnote:* mikar—kr khagoe tavam peDna tvam
Nacirasseva    yassatthaya   kulaputta   sammadeva   agarasma   anagariyam
pabbajanti    tadanuttaram    brahmacariyapariyosanam    dittheva   dhamme   sayam
abhinna   sacchikatva   upasampajja   viharissathati   .   asakkhim  kho  aham
bhikkhave   pancavaggiye   bhikkhu   sannapetum   .   dvepi   sudam  bhikkhave
bhikkhu   ovadami   tayo   bhikkhu   pindaya   caranti   yam   tayo   bhikkhu
pindaya   caritva  aharanti  tena  chabbagga  1-   yapema  .  tayopi
sudam   bhikkhave   bhikkhu   ovadami   dvepi   bhikkhu   pindaya  caranti  yam
dvepi bhikkhu pindaya caritva aharanti tena chabbagga yapema.
     {326.3}   Atha   kho   bhikkhave  pancavaggiya  bhikkhu  maya  evam
ovadiyamana    evam   anusasiyamana   attana   jatidhamma   samana
jatidhamme   adinavam   viditva   ajatam   anuttaram   yogakkhemam  nibbanam
pariyesamana   ajatam   anuttaram  yogakkhemam  nibbanam  ajjhagamamsu  attana
jaradhamma  samana  jaradhamme  adinavam  viditva ajaram anuttaram yogakkhemam
nibbanam   pariyesamana   ajaram   anuttaram  yogakkhemam  nibbanam  ajjhagamamsu
attana  byadhidhamma  samana  .pe.  attana  maranadhamma  samana ...
Attana   sokadhamma   samana   ...  attana  sankilesadhamma  samana
sankilesadhamme    adinavam   viditva   asankilittham   anuttaram   yogakkhemam
nibbanam    pariyesamana    asankilittham   anuttaram   yogakkhemam   nibbanam
ajjhagamamsu    .    nananca    pana   nesam   dassanam   udapadi   akuppa
@Footnote: 1 Ma. chabbaggiya. Yu. chabbaggo.
No vimutti ayamantima jati natthidani punabbhavoti.
     [327]  Pancime  bhikkhave  kamaguna  katame  panca  cakkhuvinneyya
rupa    ittha    kanta   manapa   piyarupa   kamupasanhita   rajaniya
sotavinneyya    sadda    .pe.    ghanavinneyya    gandha    ...
Jivhavinneyya   rasa  ...  kayavinneyya  photthabba  ittha  kanta
manapa   piyarupa   kamupasanhita   rajaniya   ime  kho  bhikkhave  panca
kamaguna   .   yekeci   bhikkhave   samana  va  brahmana  va  ime
panca    kamagune   gadhita   mucchita   ajjhapanna   anadinavadassavino
anissaranapanna      paribhunjanti      te      evamassu     veditabba
anayamapanna byasanamapanna yathakamakaraniya papimato.
     [328]  Seyyathapi  bhikkhave  arannako  migo 2- bandho pasarasim
adhisayeyya   so   evamassa   veditabbo   anayamapanno  byasanamapanno
yathakamakaraniyo    luddassa   agacchante   ca   ludde   na   yenakamam
pakkamissatiti  evameva  kho  bhikkhave  yekeci  samana  va brahmana va
ime   panca  kamagune  gadhita  mucchita  ajjhapanna  anadinavadassavino
anissaranapanna   paribhunjanti   te   evamassu   veditabba  anayamapanna
byasanamapanna    yathakamakaraniya    papimato   .   yekeci   bhikkhave
samana   va  brahmana  va  ime  panca  kamagune  agadhita  amucchita
anajjhapanna      adinavadassavino      nissaranapanna      paribhunjanti
te    evamassu   veditabba   na   anayamapanna   na   byasanamapanna
@Footnote: 1 Ma. Yu. mago.
Na yathakamakaraniya papimato.
     {328.1}   Seyyathapi   bhikkhave  arannako  migo  abandho  1-
pasarasim   adhisayeyya   so   evamassa   veditabbo   na  anayamapanno
na    byasanamapanno    na    yathakamakaraniyo    luddassa   agacchante
ca  pana  ludde  yenakamam  pakkamissatiti  evameva  kho  bhikkhave  yekeci
samana    va    brahmana   va   ime   panca   kamagune   agadhita
amucchita       anajjhapanna      adinavadassavino      nissaranapanna
paribhunjanti    te    evamassu    veditabba    na   anayamapanna   na
byasanamapanna na yathakamakaraniya papimato.
     {328.2}  Seyyathapi  bhikkhave  arannako  migo  aranne  pavane
caramano  visattho  gacchati  visattho  titthati  visattho nisidati visattho seyyam
kappeti   tam   kissa   hetu   anapathagato  bhikkhave  luddassa  evameva
kho   bhikkhave   bhikkhu   vivicceva   kamehi   vivicca  akusalehi  dhammehi
savitakkam   savicaram   vivekajam   pitisukham   pathamam   jhanam  upasampajja  viharati
ayam   vuccati  bhikkhave  bhikkhu  andhamakasi  maram  apadam  vadhitva  maracakkhum
adassanam gato papimato.
     {328.3}   Puna   caparam   bhikkhave  bhikkhu  vitakkavicaranam  vupasama
ajjhattam    sampasadanam    cetaso    ekodibhavam    avitakkam    avicaram
samadhijam   pitisukham   dutiyam   jhanam  ...  tatiyam  jhanam  ...  catuttham  jhanam
upasampajja   viharati   ayam   vuccati   bhikkhave   bhikkhu   andhamakasi  maram
apadam   vadhitva   maracakkhum   adassanam   gato   papimato  .  puna  caparam
bhikkhave    bhikkhu    sabbaso    rupasannanam    samatikkama    patighasannanam
@Footnote: 1 Ma. Yu. abaddho.
Atthangama     nanattasannanam     amanasikara    ananto    akasoti
akasanancayatanam   upasampajja   viharati   ayam   vuccati   bhikkhave  bhikkhu
andhamakasi  maram  apadam  vadhitva  maracakkhum  adassanam  gato  papimato .
Puna   caparam   bhikkhave   bhikkhu   sabbaso   akasanancayatanam  samatikkamma
anantam    vinnananti    vinnanancayatanam    upasampajja   viharati   .pe.
Puna    caparam   bhikkhave   bhikkhu   sabbaso   vinnanancayatanam   samatikkamma
natthi    kinciti    akincannayatanam   upasampajja   viharati   .pe.   puna
caparam     bhikkhave    bhikkhu    sabbaso    akincannayatanam    samatikkamma
nevasannanasannayatanam    upasampajja    viharati    .pe.    puna   caparam
bhikkhave     bhikkhu     sabbaso     nevasannanasannayatanam    samatikkamma
sannavedayitanirodham    upasampajja    viharati    .   pannayapassa   disva
asava   parikkhina   honti   ayam   vuccati   bhikkhave  bhikkhu  andhamakasi
maram   apadam   vadhitva   maracakkhum  adassanam  gato  papimato  .  tinno
loke   visattikam   so   visattho   gacchati   visattho   titthati   visattho
nisidati   visattho   seyyam   kappeti   tam   kissa   hetu   anapathagato
bhikkhave papimatoti.
     Idamavoca    bhagava    attamana   te   bhikkhu   bhagavato   bhasitam
abhinandunti.
                 Pasarasisuttam nitthitam chattham.
                     ------------



             The Pali Tipitaka in Roman Character Volume 12 page 312-335. http://84000.org/tipitaka/read/roman_read.php?B=12&A=6328&modeTY=2              Compare with The Pali Tipitaka in Thai Character :- http://84000.org/tipitaka/read/pali_read.php?B=12&A=6328&modeTY=2              Compare with The Royal Version of Thai Tipitaka :- http://84000.org/tipitaka/read/byitem.php?book=12&item=312&items=17              Compare with The MCU Version of Thai Tipitaka :- http://84000.org/tipitaka/pitaka_item/m_siri.php?B=12&siri=26              Study Atthakatha :- http://84000.org/tipitaka/attha/attha.php?b=12&i=312              The Pali Atthakatha in Thai :- http://84000.org/tipitaka/atthapali/read_th.php?B=8&A=1831              The Pali Atthakatha in Roman :- http://84000.org/tipitaka/atthapali/read_rm.php?B=8&A=1831              Contents of The Tipitaka Volume 12 http://84000.org/tipitaka/read/?index_12

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com