|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
Dutiyasikkhapadam [738] Tena samayena buddho bhagava savatthiyam viharati jetavane anathapindikassa arame . tena kho pana samayena annataro bhikkhu aciravatiya nadiya nhayati . annataropi brahmano pancasatanam thavikam thale nikkhipitva aciravatiya nadiya nhayitva 1- vissaritva agamasi . athakho so bhikkhu tassayam brahmanassa thavika ma [2]- nassiti aggahesi . athakho so brahmano saritva turito adhavitva tam bhikkhum etadavoca api me bho thavikam passeyyasiti. Handa brahmanati adasi. {738.1} Athakho tassa brahmanassa etadahosi kena nu kho aham upayena imassa bhikkhuno punnapattam na dadeyyanti . na me bho pancasatani sahassam meti palibuddhitva munci . athakho so bhikkhu aramam gantva bhikkhunam etamattham arocesi . ye te bhikkhu appiccha .pe. te ujjhayanti khiyanti vipacenti katham hi nama bhikkhu ratanam uggahessatiti .pe. saccam kira tvam bhikkhu ratanam uggahesiti. Saccam bhagavati . vigarahi buddho bhagava katham hi nama tvam moghapurisa ratanam uggahessasi netam moghapurisa appasannanam va pasadaya pasannanam va bhiyyobhavaya .pe. evanca pana bhikkhave @Footnote: 1 Ma. Yu. nhayanto . 2 Ma. idha.--------------------------------------------------------------------------------------------- page489.
Imam sikkhapadam uddiseyyatha {738.2} yo pana bhikkhu ratanam va ratanasammatam va ugganheyya va ugganhapeyya va pacittiyanti. {738.3} Evancidam bhagavata bhikkhunam sikkhapadam pannattam hoti. [739] Tena kho pana samayena savatthiya ussavo hoti. Manussa alankatapatiyatta uyyanam gacchanti . visakhapi migaramata alankatapatiyatta uyyanam gamissamiti gamato nikkhamitva kyaham karissami uyyanam gantva yannunaham bhagavantam payirupaseyyanti abharanam omuncitva uttarasangena bhandikam bandhitva dasiya adasi handa je imam bhandikam ganhahiti . athakho visakha migaramata yena bhagava tenupasankami upasankamitva bhagavantam abhivadetva ekamantam nisidi. {739.1} Ekamantam nisinnam kho visakham migaramataram bhagava dhammiya kathaya sandassesi samadapesi samuttejesi sampahamsesi . Athakho visakha migaramata bhagavata dhammiya kathaya sandassita samadapita samuttejita sampahamsita utthayasana bhagavantam abhivadetva padakkhinam katva pakkami . athakho sa dasi tam bhandikam vissaritva agamasi . bhikkhu passitva bhagavato etamattham arocesum . tenahi bhikkhave uggahetva nikkhipathati . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave ratanam va ratanasammatam va ajjharame uggahetva va uggahapetva va nikkhipitum yassa--------------------------------------------------------------------------------------------- page490.
Bhavissati so harissatiti . evanca pana bhikkhave imam sikkhapadam uddiseyyatha {739.2} yo pana bhikkhu ratanam va ratanasammatam va annatra ajjharama ugganheyya va ugganhapeyya va pacittiyanti. {739.3} Evancidam bhagavata bhikkhunam sikkhapadam pannattam hoti. [740] Tena kho pana samayena kasisu janapadesu 1- anathapindikassa gahapatissa kammantagamo hoti . tena ca gahapatina antevasi anatto hoti sace bhaddanta agacchanti bhattam kareyyasiti . Tena kho pana samayena sambahula bhikkhu kasisu janapadesu carikam caramana yena anathapindikassa gahapatissa kammantagamo tenupasankamimsu . addasa kho so puriso te bhikkhu durato va agacchante disvana yena te bhikkhu tenupasankami upasankamitva te bhikkhu abhivadetva etadavoca adhivasentu bhante ayya svatanaya gahapatino bhattanti . adhivasesum kho te bhikkhu tunhibhavena . athakho so puriso tassa rattiya accayena panitam khadaniyam bhojaniyam patiyadapetva kalam arocapetva angulimuddikam omuncitva te bhikkhu bhattena parivisitva ayya bhunjitva gacchantu ahampi kammantam gamissamiti angulimuddikam vissaritva agamasi . bhikkhu passitva sace mayam gamissama nassissatayam angulimuddikati tattheva acchimsu . athakho so puriso kammanta agacchanto te bhikkhu passitva etadavoca kissa bhante ayya @Footnote: 1 Ma. janapade. evamuparipi.--------------------------------------------------------------------------------------------- page491.
Idheva acchantiti . athakho te bhikkhu tassa purisassa etamattham arocetva savatthim gantva bhikkhunam etamattham arocesum . bhikkhu bhagavato etamattham arocesum . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave ratanam va ratanasammatam va ajjharame va ajjhavasathe va uggahetva va uggahapetva va nikkhipitum yassa bhavissati so harissatiti. Evanca pana bhikkhave imam sikkhapadam uddiseyyatha {740.1} yo pana bhikkhu ratanam va ratanasammatam va annatra ajjharama va ajjhavasatha va ugganheyya va ugganhapeyya va pacittiyam . ratanam va pana bhikkhuna ratanasammatam va ajjharame va ajjhavasathe va uggahetva va uggahapetva va nikkhipitabbam yassa bhavissati so harissatiti. Ayam tattha samiciti. [741] Yo panati yo yadiso .pe. bhikkhuti .pe. ayam imasmim atthe adhippeto bhikkhuti . ratanam nama mutta mani veluriyo sankho sila pavalam rajatam jatarupam lohitanko masaragallam etam ratanam nama 1- . ratanasammatam nama yam manussanam upabhogaparibhogam etam ratanasammatam nama . annatra ajjharama va ajjhavasatha vati thapetva ajjharamam ajjhavasatham . ajjharamo nama parikkhittassa aramassa antoaramo aparikkhittassa upacaro . ajjhavasatho nama parikkhittassa avasathassa @Footnote: 1 Ma. etam ratanam namati idam pathattayam natthi.--------------------------------------------------------------------------------------------- page492.
Antoavasatho aparikkhittassa upacaro . ugganheyyati ayam ganhati apatti pacittiyassa . ugganhapeyyati annam ganhapeti apatti pacittiyassa. [742] Ratanam va pana bhikkhuna ratanasammatam va ajjharame va ajjhavasathe va uggahetva va uggahapetva va nikkhipitabbanti rupena va nimittena va sannanam katva nikkhipitva acikkhitabbam yassa bhandam nattham so agacchatuti . sace tattha agacchati so vattabbo avuso kidisante bhandanti . sace rupena va nimittena va sampadeti databbam . no ce sampadeti vicinahi avusoti vattabbo . tamha avasa pakkamantena ye tattha honti bhikkhu patirupa tesam hatthe nikkhipitva pakkamitabbam . no ce honti bhikkhu patirupa ye tattha honti gahapatika patirupa tesam hatthe nikkhipitva pakkamitabbam. Ayam tattha samiciti ayam tattha anudhammata. [743] Anapatti ratanam va ratanasammatam va ajjharame va ajjhavasathe va uggahetva va uggahapetva va nikkhipati yassa bhavissati so harissatiti ratanasammatam vissasam ganhati tavakalikam ganhati pamsukulasannissa ummattakassa adikammikassati. Dutiyasikkhapadam nitthitam. ---------The Pali Tipitaka in Roman Character Volume 2 page 488-492. https://84000.org/tipitaka/read/roman_read.php?B=2&A=8783&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=8783&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=738&items=6 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=120 Study Atthakatha :- https://84000.org/tipitaka/attha/attha.php?b=2&i=738 The Pali Atthakatha in Thai :- https://84000.org/tipitaka/atthapali/read_th.php?B=2&A=10156 The Pali Atthakatha in Roman :- https://84000.org/tipitaka/atthapali/read_rm.php?B=2&A=10156 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]