PaliRoman Vol.21

Caravaggo dutiyo [11] Carato cepi bhikkhave bhikkhuno uppajjati kamavitakko va byapadavitakko va vihimsavitakko va tanca ^2- bhikkhu adhivaseti nappajahati na vinodeti na byantikaroti na anabhavam gameti carampi bhikkhave bhikkhu evambhuto anatapi anottappi satatam samitam kusito hinaviriyoti vuccati. {11.1} Thitassa cepi bhikkhave bhikkhuno uppajjati kamavitakko va byapadavitakko va vihimsavitakko va tanca ^2- bhikkhu adhivaseti nappajahati na vinodeti na byantikaroti na anabhavam gameti thitopi bhikkhave bhikkhu evambhuto anatapi anottappi satatam samitam @Footnote: ¹ Yu. yogatigaminoti . ² Po. Ma. Yu. tance. Kusito hinaviriyoti vuccati. {11.2} Nisinnassa cepi bhikkhave bhikkhuno uppajjati kamavitakko va byapadavitakko va vihimsavitakko va tanca bhikkhu adhivaseti nappajahati na vinodeti na byantikaroti na anabhavam gameti nisinnopi bhikkhave bhikkhu evambhuto anatapi anottappi satatam samitam kusito hinaviriyoti vuccati. {11.3} Sayanassa cepi bhikkhave bhikkhuno jagarassa uppajjati kamavitakko va byapadavitakko va vihimsavitakko va tanca bhikkhu adhivaseti nappajahati na vinodeti na byantikaroti na anabhavam gameti sayanopi bhikkhave bhikkhu jagaro evambhuto anatapi anottappi satatam samitam kusito hinaviriyoti vuccati. {11.4} Carato cepi bhikkhave bhikkhuno uppajjati kamavitakko va byapadavitakko va vihimsavitakko va tanca bhikkhu nadhivaseti pajahati vinodeti byantikaroti anabhavam gameti carampi bhikkhave bhikkhu evambhuto atapi ottappi satatam samitam araddhaviriyo pahitattoti vuccati. {11.5} Thitassa cepi bhikkhave bhikkhuno uppajjati kamavitakko va byapadavitakko va vihimsavitakko va tanca bhikkhu nadhivaseti pajahati vinodeti byantikaroti anabhavam gameti thitopi bhikkhave bhikkhu evambhuto atapi ottappi satatam samitam araddhaviriyo pahitattoti vuccati. {11.6} Nisinnassa cepi bhikkhave bhikkhuno uppajjati kamavitakko va byapadavitakko va vihimsavitakko va tanca bhikkhu nadhivaseti pajahati Vinodeti byantikaroti anabhavam gameti nisinnopi bhikkhave bhikkhu evambhuto atapi ottappi satatam samitam araddhaviriyo pahitattoti vuccati. {11.7} Sayanassa cepi bhikkhave bhikkhuno jagarassa uppajjati kamavitakko va byapadavitakko va vihimsavitakko va tanca bhikkhu nadhivaseti pajahati vinodeti byantikaroti anabhavam gameti sayanopi bhikkhave bhikkhu jagaro evambhuto atapi ottappi satatam samitam araddhaviriyo pahitattoti vuccatiti. Caram va yadi va tittham nisinno udava sayam yo vitakkam vitakketi papakam gehanissitam kummaggam patipanno so mohaneyyesu mucchito abhabbo tadiso bhikkhu phutthum sambodhimuttamam. Yo caram vapi tittham va nisinno udava sayam vitakkam samayitvana vitakkupasame rato bhabbo so tadiso bhikkhu phutthum sambodhimuttamanti.

The Pali Tipitaka in Roman Character Volume 21 page 16-18. https://84000.org/tipitaka/read/roman_read.php?B=21&A=330&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=21&A=330&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=21&item=11&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=21&siri=11 Study Atthakatha :- https://84000.org/tipitaka/attha/attha.php?b=21&i=11 The Pali Atthakatha in Thai :- https://84000.org/tipitaka/atthapali/read_th.php?B=15&A=6702 The Pali Atthakatha in Roman :- https://84000.org/tipitaka/atthapali/read_rm.php?B=15&A=6702 Contents of The Tipitaka Volume 21 https://84000.org/tipitaka/read/?index_21 https://84000.org/tipitaka/english/?index_21