|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 23 : PALI ROMAN Sutta Pitaka Vol 15 : Sutta. Aṅ. (4): sattaka-aṭṭhaka-navakanipātā
[167] 77 Ekam samayam bhagava vesaliyam viharati mahavane kutagarasalayam . athakho bhagava pubbanhasamayam nivasetva pattacivaramadaya vesalim pindaya pavisi vesaliyam pindaya caritva pacchabhattam pindapatapatikkanto ayasmantam anandam amantesi ganhahi ananda nisidanam yena pavalacetiyam 1- tenupasankamissama divaviharayati . evam bhanteti kho ayasma anando bhagavato patissunitva nisidanam adaya bhagavantam pitthito pitthito anubandhi. {167.1} Athakho bhagava yena pavalacetiyam tenupasankami upasankamitva pannatte asane nisidi nisajja kho bhagava ayasmantam anandam amantesi ramaniya ananda vesali ramaniyam udenacetiyam ramaniyam gotamakacetiyam ramaniyam bahuputtakacetiyam ramaniyam sattambacetiyam ramaniyam sarandadacetiyam ramaniyam pavalacetiyam yassa kassaci ananda cattaro iddhipada bhavita bahulikata yanikata vatthukata anutthita paricita susamaraddha akankhamano so ananda kappam va tittheyya kappavasesam va tathagatassa kho ananda cattaro iddhipada bhavita bahulikata yanikata vatthukata anutthita paricita susamaraddha akankhamano ananda tathagato kappam va tittheyya kappavasesam vati. Evampi kho ayasma anando bhagavata olarike nimitte kariyamane @Footnote: 1 Ma. capalam cetiyam. Yu. capalacetiyam. evamuparipi.--------------------------------------------------------------------------------------------- page319.
Olarike obhase kariyamane nasakkhi pativijjhitum na bhagavantam yaci titthatu bhante bhagava kappam titthatu bhante sugato kappam bahujanahitaya bahujanasukhaya lokanukampaya atthaya hitaya sukhaya devamanussananti yathatam marena pariyutthitacitto. {167.2} Dutiyampi kho bhagava . tatiyampi kho bhagava ayasmantam anandam amantesi ramaniya ananda vesali ramaniyam udenacetiyam ramaniyam gotamakacetiyam ramaniyam bahuputtakacetiyam ramaniyam sattambacetiyam ramaniyam sarandadacetiyam ramaniyam pavalacetiyam yassa kassaci ananda cattaro iddhipada bhavita bahulikata yanikata vatthukata anutthita paricita susamaraddha .pe. akankhamano ananda tathagato kappam va tittheyya kappavasesam vati evampi kho ayasma anando bhagavata olarike nimitte kariyamane olarike obhase kariyamane nasakkhi pativijjhitum na bhagavantam yaci titthatu bhante bhagava kappam titthatu bhante sugato kappam bahujanahitaya bahujanasukhaya lokanukampaya atthaya hitaya sukhaya devamanussananti yathatam marena pariyutthitacitto. {167.3} Athakho bhagava ayasmantam anandam amantesi gaccha tvam ananda yassa dani kalam mannasiti . evam bhanteti kho ayasma anando bhagavato patissunitva utthayasana bhagavantam abhivadetva padakkhinam katva bhagavato avidure annatarasmim rukkhamule nisidi. {167.4} Athakho maro papima acirapakkante ayasmante anande--------------------------------------------------------------------------------------------- page320.
Bhagavantam etadavoca {167.5} parinibbatudani bhante bhagava parinibbatu sugato parinibbanakalodani bhante bhagavato bhasita kho panesa bhante bhagavata vaca na tavaham papima parinibbayissami yava me bhikkhu na savaka bhavissanti viyatta vinita visarada pattayogakkhema bahussuta dhammadhara dhammanudhammapatipanna samicipatipanna anudhammacarino sakam acariyakam uggahetva acikkhissanti desissanti 1- pannapessanti patthapessanti vivarissanti vibhajissanti uttanikarissanti uppannam parappavadam sahadhammena suniggahitam niggahetva sappatihariyam dhammam desissantiti etarahi bhante bhikkhu bhagavato savaka viyatta vinita visarada pattayogakkhema bahussuta dhammadhara dhammanudhammapatipanna samicipatipanna anudhammacarino sakam acariyakam uggahetva acikkhanti desenti pannapenti patthapenti vivaranti vibhajanti uttanikaronti uppannam parappavadam sahadhammena suniggahitam niggahetva sappatihariyam dhammam desenti {167.6} parinibbatudani bhante bhagava parinibbatu sugato parinibbanakalodani bhante bhagavato bhasita kho panesa bhante bhagavata vaca na tavaham papima parinibbayissami yava me bhikkhuniyo na savika bhavissanti .pe. yava me upasaka na savaka bhavissanti .pe. yava me upasika na savika bhavissanti viyatta vinita visarada pattayogakkhema bahussuta dhammadhara dhammanu- dhammapatipanna samicipatipanna anudhammacariniyo sakam acariyakam @Footnote: 1 Ma. desessanti. evamuparipi.--------------------------------------------------------------------------------------------- page321.
Uggahetva acikkhissanti desissanti pannapessanti patthapessanti vivarissanti vibhajissanti uttanikarissanti uppannam parappavadam sahadhammena suniggahitam niggahetva sappatihariyam dhammam desissantiti etarahi bhante upasika bhagavato savika viyatta vinita visarada pattayogakkhema bahussuta dhammadhara dhammanudhammapatipanna samicipatipanna anudhammacariniyo sakam acariyakam uggahetva acikkhanti desenti pannapenti patthapenti vivaranti vibhajanti uttanikaronti uppannam parappavadam sahadhammena suniggahitam niggahetva sappatihariyam dhammam desenti {167.7} parinibbatudani bhante bhagava parinibbatu sugato parinibbanakalodani bhante bhagavato bhasita kho panesa bhante bhagavata vaca na tavaham papima parinibbayissami yava me idam brahmacariyam na iddhanceva bhavissati phitanca vittharikam bahujannam puthubhutam yava devamanussehi suppakasitanti etarahi bhante bhagavato brahmacariyam iddhanceva phitanca vittharikam bahujannam puthubhutam yava devamanussehi suppakasitam parinibbatudani bhante bhagava parinibbatu sugato parinibbanakalodani bhante bhagavatoti . appossuko tvam papima hohi naciram tathagatassa parinibbanam bhavissati ito tinnam masanam accayena tathagato parinibbayissatiti athakho bhagava pavalacetiye sato sampajano ayusankharam ossajji ossajjite--------------------------------------------------------------------------------------------- page322.
Bhagavata ayusankhare maha bhumicalo ahosi bhimsanako salomahamso devadundubhiyo ca phalimsu athakho bhagava etamattham viditva tayam velayam imam udanam udanesi tulamatulanca sambhavam bhavasankharamavassajji muni ajjhattarato samahito abhindi kavacamivattasambhavanti. {167.8} Athakho ayasmato anandassa etadahosi maha vatayam bhumicalo sumaha vatayam bhumicalo bhimsanako salomahamso devadundubhiyo ca phalimsu ko nu kho hetu ko paccayo mahato bhumicalassa patubhavayati athakho ayasma anando yena bhagava tenupasankami upasankamitva bhagavantam abhivadetva ekamantam nisidi ekamantam nisinno kho ayasma anando bhagavantam etadavoca maha vatayam bhante bhumicalo sumaha vatayam bhante bhumicalo bhimsanako salomahamso devadundubhiyo ca phalimsu ko nu kho bhante hetu ko paccayo mahato bhumicalassa patubhavayati. {167.9} Atthime ananda hetu attha paccaya mahato bhumicalassa patubhavaya katame attha yam ananda mahapathavi udake patitthita udakam vate patitthitam vato akasattho hoti so ananda samayo yam mahavata vayanti mahavata vayanta udakam kampenti udakam kampitam pathavim kampeti ayam ananda pathamo hetu pathamo paccayo mahato bhumicalassa patubhavaya . puna caparam ananda samano va--------------------------------------------------------------------------------------------- page323.
Brahmano va iddhima cetovasippatto devata va mahiddhika mahanubhava tassa paritta pathavisanna bhavita hoti appamana aposanna so imam pathavim kampeti samkampeti sampakampeti [1]- ayam ananda dutiyo hetu dutiyo paccayo mahato bhumicalassa patubhavaya. {167.10} Puna caparam ananda yada bodhisatto tusita kaya cavitva sato sampajano matu kucchim okkamati tadayam pathavi kampati samkampati sampakampati ayam ananda tatiyo hetu tatiyo paccayo mahato bhumicalassa patubhavaya. {167.11} Puna caparam ananda yada bodhisatto sato sampajano matu kucchisma nikkhamati tadayam pathavi kampati samkampati sampakampati ayam ananda catuttho hetu catuttho paccayo mahato bhumicalassa patubhavaya. {167.12} Puna caparam ananda yada tathagato anuttaram sammasambodhim abhisambujjhati tadayam pathavi kampati samkampati sampakampati ayam ananda pancamo hetu pancamo paccayo mahato bhumicalassa patubhavaya . puna caparam ananda yada tathagato anuttaram dhammacakkam pavatteti tadayam pathavi kampati samkampati sampakampati ayam ananda chattho hetu chattho paccayo mahato bhumicalassa patubhavaya. {167.13} Puna caparam ananda yada tathagato sato sampajano ayusankharam ossajjati tadayam pathavi kampati samkampati sampakampati ayam ananda sattamo hetu sattamo paccayo mahato bhumicalassa patubhavaya. {167.14} Puna caparam ananda yada tathagato anupadisesaya @Footnote: 1 Ma. sampavedeti. evamidisesu thanesupi.--------------------------------------------------------------------------------------------- page324.
Nibbanadhatuya parinibbayati tadayam pathavi kampati samkampati sampakampati ayam ananda atthamo hetu atthamo paccayo mahato bhumicalassa patubhavaya . ime kho ananda attha hetu attha paccaya mahato bhumicalassa patubhavayati. Calavaggo dutiyo tassuddanam iccha alanca sankhittam bhaya abhibhuna te 1- saha vimokkho dve ca vohara parisa bhumicalena cati. ----------The Pali Tipitaka in Roman Character Volume 23 page 318-324. https://84000.org/tipitaka/read/roman_read.php?B=23&A=6761&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=23&A=6761&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=23&item=167&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=23&siri=143 Study Atthakatha :- https://84000.org/tipitaka/attha/attha.php?b=23&i=167 The Pali Atthakatha in Thai :- https://84000.org/tipitaka/atthapali/read_th.php?B=16&A=6177 The Pali Atthakatha in Roman :- https://84000.org/tipitaka/atthapali/read_rm.php?B=16&A=6177 Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]