|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 23 : PALI ROMAN Sutta Pitaka Vol 15 : Sutta. Aṅ. (4): sattaka-aṭṭhaka-navakanipātā
[170] 80 Ekam samayam bhagava nadike 1- viharati ginjakavasathe. Tatra kho bhagava bhikkhu amantesi bhikkhavoti . bhadanteti te bhikkhu bhagavato paccassosum . bhagava etadavoca maranassati bhikkhave bhavita bahulikata mahapphala hoti mahanisamsa amatogadha amatapariyosana bhavetha no tumhe bhikkhave maranassatinti. {170.1} Evam vutte annataro bhikkhu bhagavantam etadavoca aham kho bhante bhavemi maranassatinti . yathakatham pana tvam bhikkhu bhavesi maranassatinti . idha mayham bhante evam hoti aho vataham rattindivam jiveyyam bhagavato sasanam manasi kareyyam bahu 2- vata me katamassati evam kho aham bhante bhavemi maranassatinti. {170.2} Annataropi kho bhikkhu bhagavantam etadavoca ahampi kho bhante bhavemi maranassatinti . yathakatham pana tvam bhikkhu bhavesi maranassatinti . idha mayham bhante evam hoti aho vataham divasam jiveyyam bhagavato sasanam manasi kareyyam bahu vata me katamassati evam kho aham bhante bhavemi maranassatinti. {170.3} Annataropi kho bhikkhu bhagavantam etadavoca ahampi kho bhante bhavemi maranassatinti . yathakatham pana tvam bhikkhu bhavesi maranassatinti. Idha mayham bhante evam hoti aho vataham upaddhadivasam jiveyyam @Footnote: 1 Ma. Yu. natike. evamuparipi . 2 Si. Yu. bahum. evamuparipi.--------------------------------------------------------------------------------------------- page328.
Bhagavato sasanam manasi kareyyam bahu vata me katamassati evam kho aham bhante bhavemi maranassatinti. {170.4} Annataropi kho bhikkhu bhagavantam etadavoca ahampi kho bhante bhavemi maranassatinti . yathakatham pana tvam bhikkhu bhavesi maranassatinti . idha mayham bhante evam hoti aho vataham tadantaram jiveyyam yadantaram ekam pindapatam bhunjami bhagavato sasanam manasi kareyyam bahu vata me katamassati evam kho aham bhante bhavemi maranassatinti. {170.5} Annataropi kho bhikkhu bhagavantam etadavoca ahampi kho bhante bhavemi maranassatinti . yathakatham pana tvam *- bhikkhu bhavesi maranassatinti . idha mayham bhante evam hoti aho vataham tadantaram jiveyyam yadantaram upaddhapindapatam bhunjami bhagavato sasanam manasi kareyyam bahu vata me katamassati evam kho aham bhante bhavemi maranassatinti. {170.6} Annataropi kho bhikkhu bhagavantam etadavoca ahampi kho bhante bhavemi maranassatinti . yathakatham pana tvam bhikkhu bhavesi maranassatinti. Idha mayham bhante evam hoti aho vataham tadantaram jiveyyam yadantaram cattaro panca alope sankhaditva ajjhoharami bhagavato sasanam manasi kareyyam bahu vata me katamassati evam kho aham bhante bhavemi maranassatinti. {170.7} Annataropi kho bhikkhu bhagavantam etadavoca ahampi kho bhante @Footnote:* mikarkr khagoe tavam peDna tvam--------------------------------------------------------------------------------------------- page329.
Bhavemi maranassatinti . yathakatham pana tvam bhikkhu bhavesi maranassatinti. Idha mayham bhante evam hoti aho vataham tadantaram jiveyyam yadantaram ekam alopam sankhaditva ajjhoharami bhagavato sasanam manasi kareyyam bahu vata me katamassati evam kho aham bhante bhavemi maranassatinti. {170.8} Annataropi kho bhikkhu bhagavantam etadavoca ahampi kho bhante bhavemi maranassatinti . yathakatham pana tvam bhikkhu bhavesi maranassatinti. Idha mayham bhante evam hoti aho vataham tadantaram jiveyyam yadantaram assasitva va passasami passasitva va assasami bhagavato sasanam manasi kareyyam bahu vata me katamassati evam kho aham bhante bhavemi maranassatinti. {170.9} Evam vutte bhagava te bhikkhu etadavoca yvayam bhikkhave bhikkhu evam maranassatim bhaveti aho vataham rattindivam jiveyyam bhagavato sasanam manasi kareyyam bahu vata me katamassati yo cayam 1- bhikkhave bhikkhu evam maranassatim bhaveti aho vataham divasam jiveyyam bhagavato sasanam manasi kareyyam bahu vata me katamassati yo cayam bhikkhave bhikkhu evam maranassatim bhaveti aho vataham upaddhadivasam jiveyyam bhagavato sasanam manasi kareyyam bahu vata me katamassati yo cayam bhikkhave bhikkhu evam maranassatim bhaveti aho vataham tadantaram jiveyyam yadantaram ekam pindapatam bhunjami @Footnote: 1 Ma. yopayam. evamuparipi.--------------------------------------------------------------------------------------------- page330.
Bhagavato sasanam manasi kareyyam bahu vata me katamassati yo cayam bhikkhave bhikkhu evam maranassatim bhaveti aho vataham tadantaram jiveyyam yadantaram upaddhapindapatam bhunjami bhagavato sasanam manasi kareyyam bahu vata me katamassati yo cayam bhikkhave bhikkhu evam maranassatim bhaveti aho vataham tadantaram jiveyyam yadantaram cattaro panca alope sankhaditva ajjhoharami bhagavato sasanam manasi kareyyam bahu vata me katamassati ime vuccanti bhikkhave bhikkhu pamatta viharanti dandham maranassatim bhaventi asavanam khayaya. {170.10} Yo cayam 1- bhikkhave bhikkhu evam maranassatim bhaveti aho vataham tadantaram jiveyyam yadantaram ekam alopam sankhaditva ajjhoharami bhagavato sasanam manasi kareyyam bahu vata me katamassati yo cayam bhikkhave bhikkhu evam maranassatim bhaveti aho vataham tadantaram jiveyyam yadantaram assasitva va passasami passasitva va assasami bhagavato sasanam manasi kareyyam bahu vata me katamassati ime vuccanti bhikkhave bhikkhu appamatta viharanti maranassatim bhaventi asavanam khayaya tasma tiha bhikkhave evam sikkhitabbam appamatta viharissama [2]- maranassatim bhavessama asavanam khayayati evanhi vo bhikkhave sikkhitabbanti.The Pali Tipitaka in Roman Character Volume 23 page 327-330. https://84000.org/tipitaka/read/roman_read.php?B=23&A=6953&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=23&A=6953&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=23&item=170&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=23&siri=146 Study Atthakatha :- https://84000.org/tipitaka/attha/attha.php?b=23&i=170 The Pali Atthakatha in Thai :- https://84000.org/tipitaka/atthapali/read_th.php?B=16&A=6305 The Pali Atthakatha in Roman :- https://84000.org/tipitaka/atthapali/read_rm.php?B=16&A=6305 Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]