|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 37 : PALI ROMAN Sutta Pitaka Vol 29 : Abhi. Kathāvatthu
Danakatha [1139] Cetasiko dhammo dananti . amanta . labbha cetasiko dhammo paresam datunti . na hevam vattabbe .pe. Labbha cetasiko dhammo paresam datunti . amanta . labbha phasso paresam datunti . na hevam vattabbe .pe. labbha vedana .pe. Sanna cetana saddha viriyam sati samadhi .pe. panna paresam datunti. Na hevam vattabbe .pe. [1140] Na vattabbam cetasiko dhammo dananti . amanta. Danam anitthaphalam akantaphalam amanunnaphalam secanakaphalam dukkhudrayam dukkhavipakanti . na hevam vattabbe .pe. nanu danam itthaphalam kantaphalam manunnaphalam asecanakaphalam sukhudrayam sukhavipakanti . amanta . Hanci danam itthaphalam kantaphalam manunnaphalam asecanakaphalam sukhudrayam @Footnote: 1 di. Si. 277.--------------------------------------------------------------------------------------------- page369.
Sukhavipakam tena vata re vattabbe cetasiko dhammo dananti . Danam itthaphalam vuttam bhagavata civaram dananti . amanta . Civaram itthaphalam kantaphalam manunnaphalam asecanakaphalam sukhudrayam sukhavipakanti . na hevam vattabbe .pe. danam itthaphalam vuttam bhagavata pindapato senasanam gilanapaccayabhesajjaparikkharo dananti . Amanta . gilanapaccayabhesajjaparikkharo itthaphalo kantaphalo manunnaphalo asecanakaphalo sukhudrayo sukhavipakoti . na hevam vattabbe .pe. [1141] Na vattabbam cetasiko dhammo dananti . amanta. Nanu vuttam bhagavata saddha hiriyam kusalanca danam dhamma ete sappurisanuyata etam hi maggam diviyam vadanti etena hi gacchati devalokanti 1- attheva suttantoti. Amanta. Tena hi cetasiko dhammo dananti. [1142] Na vattabbam cetasiko dhammo dananti . amanta. Nanu vuttam bhagavata pancimani bhikkhave danani mahadanani aggannani rattannani vamsannani poranani asankinnani asankinnapubbani na sankiyanti na sankiyissanti appatikkutthani @Footnote: 1 am. atthaka. 93.--------------------------------------------------------------------------------------------- page370.
Samanehi brahmanehi vinnuhi . katamani panca . idha bhikkhave ariyasavako panatipatam pahaya panatipata pativirato hoti panatipata pativirato bhikkhave ariyasavako aparimananam sattanam abhayam deti averam deti abyapajjham deti aparimananam sattanam abhayam datva averam datva abyapajjham datva aparimanassa abhayassa averassa abyapajjhassa bhagi hoti idam bhikkhave pathamam danam mahadanam aggannam rattannam vamsannam poranam asankinnam asankinnapubbam na sankiyati na sankiyissati appatikkuttham samanehi brahmanehi vinnuhi {1142.1} puna caparam bhikkhave ariyasavako adinnadanam pahaya .pe. kamesumicchacaram pahaya .pe. musavadam pahaya .pe. suramerayamajjapamadatthanam pahaya suramerayamajjapamadatthana pativirato hoti suramerayamajjapamadatthana pativirato bhikkhave ariyasavako aparimananam sattanam abhayam deti averam deti abyapajjham deti aparimananam sattanam abhayam datva averam datva abyapajjham datva aparimanassa abhayassa averassa abyapajjhassa bhagi hoti idam bhikkhave pancamam danam mahadanam aggannam rattannam vamsannam poranam asankinnam asankinnapubbam na sankiyati na sankiyissati appatikkuttham samanehi brahmanehi vinnuhi imani kho bhikkhave panca danani mahadanani aggannani rattannani vamsannani poranani asankinnani asankinnapubbani--------------------------------------------------------------------------------------------- page371.
Na sankiyanti na sankiyissanti appatikkutthani samanehi brahmanehi vinnuhiti 1- attheva suttantoti . amanta . tena hi cetasiko dhammo dananti. [1143] Na vattabbam deyyadhammo dananti . amanta . Nanu vuttam bhagavata idhekacco annam deti panam deti vattham deti yanam deti malam deti gandham deti vilepanam deti seyyam deti avasatham deti padipeyyam detiti attheva suttantoti. Amanta. Tena hi deyyadhammo dananti. [1144] Deyyadhammo dananti . amanta . deyyadhammo itthaphalo kantaphalo manunnaphalo asecanakaphalo sukhudrayo sukhavipakoti . Na hevam vattabbe .pe. danam itthaphalam vuttam bhagavata civaram dananti . amanta . civaram itthaphalam kantaphalam manunnaphalam asecanakaphalam sukhudrayam sukhavipakanti . na hevam vattabbe .pe. Danam itthaphalam vuttam bhagavata pindapato danam senasanam danam gilanapaccayabhesajjaparikkharo dananti . amanta . gilanapaccaya- bhesajjaparikkharo itthaphalo kantaphalo manunnaphalo asecanakaphalo sukhudrayo sukhavipakoti . na hevam vattabbe .pe. tena hi na vattabbam deyyadhammo dananti. Danakatha. @Footnote: 1 am. atthaka. 103 pariyayena.The Pali Tipitaka in Roman Character Volume 37 page 368-371. https://84000.org/tipitaka/read/roman_read.php?B=37&A=7357&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=37&A=7357&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=37&item=1139&items=6 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=37&siri=86 Study Atthakatha :- https://84000.org/tipitaka/attha/attha.php?b=37&i=1139 The Pali Atthakatha in Thai :- https://84000.org/tipitaka/atthapali/read_th.php?B=55&A=5019 The Pali Atthakatha in Roman :- https://84000.org/tipitaka/atthapali/read_rm.php?B=55&A=5019 Contents of The Tipitaka Volume 37 https://84000.org/tipitaka/read/?index_37 https://84000.org/tipitaka/english/?index_37
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]