|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 5 : PALI ROMAN Vinaya Pitaka Vol 5 : Vinaya. Mahā (2)
[159] Tena kho pana samayena rojo mallo ayasmato anandassa sahayo hoti . rojassa mallassa khomapilotika ayasmato anandassa hatthe nikkhitta hoti . ayasmato ca anandassa khomapilotikaya attho hoti . bhagavato etamattham arocesum . anujanami bhikkhave pancahangehi samannagatassa vissasam gahetum sandittho ca hoti sambhatto ca alapito ca jivati ca janati ca gahite me attamano bhavissatiti anujanami bhikkhave imehi pancahangehi samannagatassa vissasam gahetunti. [160] Tena kho pana samayena bhikkhunam paripunnam hoti ticivaram attho ca hoti parissavanehipi thavikahipi . bhagavato etamattham arocesum . anujanami bhikkhave parikkharacolanti 1- . athakho bhikkhunam etadahosi yani tani bhagavata anunnatani ticivaranti va vassikasatikati va nisidananti va paccattharananti va kandupaticchaditi va mukhapunchanacolanti 2- va parikkharacolanti va sabbani tani adhitthatabbani nu kho udahu vikappetabbaniti . Bhagavato etamattham arocesum . anujanami bhikkhave ticivaram adhitthatum na vikappetum vassikasatikam vassanam catummasam adhitthatum tato param vikappetum nisidanam adhitthatum na vikappetum paccattharanam @Footnote: 1 Ma. Yu. parikkharacolakanti. 2 Ma. Yu. mukhapunchanacolakanti.--------------------------------------------------------------------------------------------- page219.
Adhitthatum na vikappetum kandupaticchadim yava abadha adhitthatum tato param vikappetum mukhapunchanacolam adhitthatum na vikappetum parikkharacolam adhitthatum na vikappetunti . athakho bhikkhunam etadahosi kittakam pacchimam nu kho civaram vikappetabbanti . Bhagavato etamattham arocesum . anujanami bhikkhave ayamena atthangulam sugatangulena caturangulavitthatam pacchimam civaram vikappetunti. {160.1} Tena kho pana samayena ayasmato mahakassapassa pamsukulikato 1- garuko hoti . bhagavato etamattham arocesum . Anujanami bhikkhave suttalukham katunti . vikanno hoti . bhagavato etamattham arocesum . anujanami bhikkhave vikannam uddharitunti . Sutta okiriyanti . bhagavato etamattham arocesum . anujanami bhikkhave anuvatam paribhandam aropetunti . tena kho pana samayena sanghatiya patta lujjanti . bhagavato etamattham arocesum . Anujanami bhikkhave atthapadakam katunti. [161] Tena kho pana samayena annatarassa bhikkhuno civare kariyamane 2- sabbam chinnakam nappahoti. Bhagavato etamattham arocesum. Anujanami bhikkhave dve chinnakani ekam acchinnakanti . dve chinnakani ekam acchinnakam nappahoti . bhagavato etamattham arocesum. Anujanami bhikkhave dve acchinnakani ekam chinnakanti . dve @Footnote: 1 Ma. Yu. pamsukulakato. 2 Ma. Yu. kayiramane.--------------------------------------------------------------------------------------------- page220.
Acchinnakani ekam chinnakam nappahoti . bhagavato etamattham arocesum. Anujanami bhikkhave anvadhikampi aropetum na ca bhikkhave sabbam acchinnakam dharetabbam yo dhareyya apatti dukkatassati.The Pali Tipitaka in Roman Character Volume 5 page 218-220. https://84000.org/tipitaka/read/roman_read.php?B=5&A=4515&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=5&A=4515&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=5&item=159&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=5&siri=41 Study Atthakatha :- https://84000.org/tipitaka/attha/attha.php?b=5&i=159 The Pali Atthakatha in Thai :- https://84000.org/tipitaka/atthapali/read_th.php?B=3&A=4916 The Pali Atthakatha in Roman :- https://84000.org/tipitaka/atthapali/read_rm.php?B=3&A=4916 Contents of The Tipitaka Volume 5 https://84000.org/tipitaka/read/?index_5 https://84000.org/tipitaka/english/?index_5
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]