ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 7 : PALI ROMAN Vinaya Pitaka Vol 7 : Vinaya. Culla (2)

     [284]  Tena  kho  pana  samayena  bhagava  bhikkhunam  anekapariyayena
vinayakatham    katheti    vinayassa    vannam   bhasati   vinayapariyattiya   vannam
bhasati   adissa   adissa   ayasmato   upalissa   vannam   bhasati .
Bhikkhunam   etadahosi   4-  bhagava  kho  bhikkhunam  anekapariyayena  vinayakatham
katheti    vinayassa    vannam    bhasati    vinayapariyattiya   vannam   bhasati
adissa    adissa    ayasmato    upalissa    vannam   bhasati   handa
mayam   avuso   ayasmato  upalissa  santike  vinayam  pariyapunamati .
Te   ca  5-  bahu  bhikkhu  thera  ca  nava  ca  majjhima  ca  ayasmato
@Footnote: 1 Ma. muttam. 2 Ma. idha taya gahitam. Yu. idha gahitam kho. 3 Yu. patibahiro.
@4 Ma. Yu. bhikkhunam etadahositi ime patha natthi. tattha bhikkhu bhagava kho
@bhikkhunam anekapariyayena vinayakatham kathetitiadivacanamyeva agatam. 5 Yu. tedha.
Upalissa   santike   vinayam   pariyapunanti   .  ayasma  upali  thitako
va  1-  uddisati  theranam  bhikkhunam  garavena. Therapi bhikkhu thitaka va 1-
uddisapenti  dhammagaravena  .  tatra  2-  thera  ceva  bhikkhu  kilamanti
ayasma  ca  upali  3-  .  bhagavato  etamattham arocesum. Anujanami
bhikkhave   navakena   bhikkhuna   uddisantena  samake  va  asane  nisiditum
uccatarake   4-   va  dhammagaravena  therena  bhikkhuna  uddisapentena
samake va asane nisiditum nicatarake 5- va dhammagaravenati.
     [285]  Tena  kho  pana  samayena  bahu  bhikkhu  ayasmato upalissa
santike   thitaka   va   uddesam   patimanenta   kilamanti   .  bhagavato
etamattham   arocesum   .   anujanami   bhikkhave   samanasanikehi  saha
nisiditunti.
     [286]  Athakho  bhikkhunam  etadahosi  kittavata nu kho samanasaniko
hotiti   .   bhagavato   etamattham   arocesum   .  anujanami  bhikkhave
tivassantarena saha nisiditunti.
     [287]  Tena  kho  pana  samayena  sambahula bhikkhu 6- samanasanika
ekamance  7-  nisiditva  mancam  bhindimsu  .  ekapithe  8- nisiditva pitham
bhindimsu   .   bhagavato   etamattham   arocesum   .  anujanami  bhikkhave
@Footnote: 1 Yu. vasaddo na dissati. 2 Ma. Yu. tattha. 3 Ma. kilamati. 4 Ma. Yu. uttare.
@5 Ma. Yu. nicatare. 6 Yu. bhikkhuti na dissati. 7 Ma. Yu. mance. 8 Ma. Yu. pithe.
Tivaggassa   mancam   tivaggassa   pithanti   .   tivaggopi  mance  nisiditva
mancam   bhindi   .   pithe  nisiditva  pitham  bhindi  .  te  bhikkhu  bhagavato
etamattham    arocesum    .   anujanami   bhikkhave   duvaggassa   mancam
duvaggassa pithanti.
     [288]   Tena   kho   pana  samayena  bhikkhu  asamanasanikehi  saha
dighasane   nisiditum   kukkuccayanti  .  bhagavato  etamattham  arocesum .
Anujanami    bhikkhave    thapetva    pandakam   matugamam   ubhatobyanjanam
asamanasanikehi saha dighasane nisiditunti.
     [289]   Athakho  bhikkhunam  etadahosi  kittakam  pacchimam  1-  nu  kho
dighasanam    hotiti   .pe.   anujanami   bhikkhave   yam   tinnannam   2-
pahoti ettakam pacchimam 3- dighasananti.
     [290]   Tena  kho  pana  samayena  visakha  migaramata  sanghassa
atthaya    salindam   pasadam   karapetukama   hoti   hatthinakhakam  .
Athakho    bhikkhunam   etadahosi   kinnu   kho   bhagavata   pasadaparibhogo
anunnato   kim   ananunnatoti   .   bhagavato  etamattham  arocesum .
Anujanami bhikkhave sabbam pasadaparibhoganti.
     [291]   Tena   kho  pana  samayena  ranno  pasenadissa  kosalassa
ayyika   4-   kalakata   hoti  .  tassa  kalakiriyaya  sanghassa  bahum
akappiyabhandam     uppannam     hoti    seyyathidam    asandi    pallanko
@Footnote: 1 Yu. kittakapacchimam. 2 Ma. Yu. tinnam. 3 Yu. ettakapacchimam. 4 Yu. ayyaka.
Gonako    cittaka    patika    patalika   tulika   vikatika   uddhalomi
ekantalomi   katissam   koseyyam   kuttakam   hatthattharam  assattharam  rathattharam
ajinappaveni   kadalimigapavarapaccattharanam   sauttaracchadam  ubhatolohitakupadhanam .
Bhagavato   etamattham   arocesum   .   anujanami   bhikkhave  asandiya
pade     chinditva     paribhunjitum    pallankassa    vale    bhinditva
paribhunjitum   tulikam   vijatetva   bimbohanam   katum   avasesam   bhummattharanam
katunti.



             The Pali Tipitaka in Roman Character Volume 7 page 129-132. http://84000.org/tipitaka/read/roman_read.php?B=7&A=2584&modeTY=2              Compare with The Pali Tipitaka in Thai Character :- http://84000.org/tipitaka/read/pali_read.php?B=7&A=2584&modeTY=2              Compare with The Royal Version of Thai Tipitaka :- http://84000.org/tipitaka/read/byitem.php?book=7&item=284&items=8              Compare with The MCU Version of Thai Tipitaka :- http://84000.org/tipitaka/pitaka_item/m_siri.php?B=7&siri=39              Study Atthakatha :- http://84000.org/tipitaka/attha/attha.php?b=7&i=284              The Pali Atthakatha in Thai :- http://84000.org/tipitaka/atthapali/read_th.php?B=3&A=7781              The Pali Atthakatha in Roman :- http://84000.org/tipitaka/atthapali/read_rm.php?B=3&A=7781              Contents of The Tipitaka Volume 7 http://84000.org/tipitaka/read/?index_7

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com