บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[440] Tena kho pana samayena upajjhaya saddhiviharikesu na samma vattanti . ye te bhikkhu appiccha .pe. te ujjhayanti khiyanti vipacenti katham hi nama upajjhaya saddhiviharikesu na samma vattissantiti . athakho te bhikkhu bhagavato etamattham arocesum .pe. saccam kira bhikkhave upajjhaya saddhiviharikesu na samma vattantiti . saccam bhagavati .pe. vigarahitva dhammim katham katva bhikkhu amantesi tenahi bhikkhave upajjhayanam saddhiviharikesu vattam pannapessami yatha upajjhayehi saddhiviharikesu samma vattitabbam. [441] Upajjhayena bhikkhave saddhiviharikamhi samma vattitabbam. Tatrayam sammavattana upajjhayena bhikkhave saddhivihariko sangahetabbo anuggahetabbo uddesena paripucchaya ovadena anusasaniya sace upajjhayassa patto hoti saddhiviharikassa patto na hoti upajjhayena saddhiviharikassa patto databbo ussukkam va katabbam kinti nu kho saddhiviharikassa patto uppajjiyethati sace upajjhayassa civaram hoti saddhiviharikassa civaram na hoti upajjhayena saddhiviharikassa civaram databbam ussukkam va katabbam kinti nu kho saddhiviharikassa civaram uppajjiyethati sace upajjhayassa parikkharo hoti saddhiviharikassa parikkharo na hoti upajjhayena saddhiviharikassa parikkharo databbo ussukkam va katabbam kinti nu kho saddhiviharikassa parikkharo uppajjiyethati {441.1} sace saddhivihariko gilano hoti kalasseva utthaya dantakattham databbam mukhodakam databbam asanam pannapetabbam sace yagu hoti bhajanam dhovitva yagu upanametabba yagum pitassa udakam datva bhajanam patiggahetva nicam katva sadhukam aparighamsantena dhovitva patisametabbam saddhiviharikamhi vutthite asanam uddharitabbam sace so deso uklapo hoti so deso sammajjitabbo {441.2} sace saddhivihariko gamam pavisitukamo hoti nivasanam databbam patinivasanam patiggahetabbam kayabandhanam databbam sagunam katva sanghatiyo Databba dhovitva patto saudako databbo ettavata nivattissatiti asanam pannapetabbam padodakam padapitham padakathalikam upanikkhipitabbam paccuggantva pattacivaram patiggahetabbam patinivasanam databbam nivasanam patiggahetabbam sace civaram sinnam hoti muhuttam unhe otapetabbam na ca unhe civaram nidahitabbam civaram samharitabbam civaram samharantena caturangulam kannam ussadetva civaram samharitabbam ma majjhe bhango ahositi obhoge kayabandhanam katabbam {441.3} sace pindapato hoti saddhivihariko ca bhunjitukamo hoti udakam datva pindapato upanametabbo saddhivihariko paniyena pucchitabbo bhuttavissa udakam datva pattam patiggahetva nicam katva sadhukam aparighamsantena dhovitva vodakam katva muhuttam unhe otapetabbo na ca unhe patto nidahitabbo pattacivaram nikkhipitabbam pattam nikkhipantena ekena hatthena pattam gahetva ekena hatthena hetthamancam va hetthapitham va paramasitva patto nikkhipitabbo na ca anantarahitaya bhumiya patto nikkhipitabbo civaram nikkhipantena ekena hatthena civaram gahetva ekena hatthena civaravamsam va civararajjum va pamajjitva parato antam orato bhogam katva civaram nikkhipitabbam saddhiviharikamhi vutthite asanam uddharitabbam padodakam padapitham padakathalikam patisametabbam sace so deso uklapo hoti so deso Sammajjitabbo {441.4} sace saddhivihariko nahayitukamo hoti nahanam patiyadetabbam sace sitena attho hoti sitam patiyadetabbam sace unhena attho hoti unham patiyadetabbam sace saddhivihariko jantagharam pavisitukamo hoti cunnam sannetabbam mattika temetabba jantagharapitham adaya gantva jantagharapitham datva civaram patiggahetva ekamantam nikkhipitabbam cunnam databbam mattika databba sace ussahati jantagharam 1- pavisitabbam jantagharam pavisantena mattikaya mukham makkhetva purato ca pacchato ca paticchadetva jantagharam pavisitabbam na there bhikkhu anupakhajja nisiditabbam na nava bhikkhu asanena patibahitabba jantaghare saddhiviharikassa parikammam databbam jantagharam nikkhamantena jantagharapitham adaya purato ca pacchato ca paticchadetva jantaghara nikkhamitabbam udakepi saddhiviharikassa parikammam katabbam nahatena pathamataram uttaritva attano gattam vodakam katva nivasetva saddhiviharikassa gattato udakam pamajjitabbam nivasanam databbam sanghati databba jantagharapitham adaya pathamataram agantva asanam pannapetabbam padodakam padapitham padakathalikam upanikkhipitabbam saddhivihariko paniyena pucchitabbo {441.5} yasmim vihare saddhivihariko viharati sace so viharo uklapo hoti sace ussahati sodhetabbo viharam sodhentena pathamam pattacivaram @Footnote: 1 Ma. Yu. jantaghara. Niharitva ekamantam nikkhipitabbam .pe. sace acamanakumbhiya udakam na hoti acamanakumbhiya udakam asincitabbam {441.6} sace saddhiviharikassa anabhirati uppanna hoti upajjhayena vupakasetabbo vupakasapetabbo dhammakatha vassa katabba sace saddhiviharikassa kukkuccam uppannam hoti upajjhayena vinodetabbam vinodapetabbam dhammakatha vassa katabba sace saddhiviharikassa ditthigatam uppannam hoti upajjhayena vivecetabbam vivecapetabbam dhammakatha vassa katabba {441.7} sace saddhivihariko garudhammam ajjhapanno hoti parivasaraho upajjhayena ussukkam katabbam kinti nu kho sangho saddhiviharikassa parivasam dadeyyati sace saddhivihariko mulaya patikassanaraho hoti upajjhayena ussukkam katabbam kinti nu kho sangho saddhiviharikam mulaya patikasseyyati sace saddhivihariko manattaraho hoti upajjhayena ussukkam katabbam kinti nu kho sangho saddhiviharikassa manattam dadeyyati sace saddhivihariko abbhanaraho hoti upajjhayena ussukkam katabbam kinti nu kho sangho saddhiviharikam abbheyyati sace sangho saddhiviharikassa kammam kattukamo hoti tajjaniyam va niyassam va pabbajaniyam va patisaraniyam va ukkhepaniyam va upajjhayena ussukkam katabbam kinti nu kho sangho saddhiviharikassa kammam na kareyya lahukaya va parinameyyati katam va Panassa hoti sanghena kammam tajjaniyam va niyassam va pabbajaniyam va patisaraniyam va ukkhepaniyam va upajjhayena ussukkam katabbam kinti nu kho saddhivihariko samma vatteyya lomam pateyya nettharam vatteyya sangho tam kammam patippassambheyyati {441.8} sace saddhiviharikassa civaram dhovitabbam hoti upajjhayena acikkhitabbam evam dhoveyyasiti ussukkam va katabbam kinti nu kho saddhiviharikassa civaram dhoviyethati sace saddhiviharikassa civaram katabbam hoti upajjhayena acikkhitabbam evam kareyyasiti ussukkam va katabbam kinti nu kho saddhiviharikassa civaram kariyethati sace saddhiviharikassa rajanam pacitabbam hoti upajjhayena acikkhitabbam evam paceyyasiti ussukkam va katabbam kinti nu kho saddhiviharikassa rajanam paciyethati sace saddhiviharikassa civaram rajetabbam hoti upajjhayena acikkhitabbam evam rajeyyasiti ussukkam va katabbam kinti nu kho saddhiviharikassa civaram rajiyethati civaram rajentena sadhukam samparivattakam samparivattakam rajetabbam na ca acchinne theve pakkamitabbam {441.9} sace saddhivihariko gilano hoti yavajivam upatthatabbo vutthanassa agametabbam {441.10} idam kho bhikkhave upajjhayanam saddhiviharikesu vattam yatha upajjhayehi saddhiviharikesu samma vattitabbanti. Dutiyabhanavaram nitthitam.The Pali Tipitaka in Roman Character Volume 7 page 253-259. https://84000.org/tipitaka/read/roman_read.php?B=7&A=5091&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=7&A=5091&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=7&item=440&items=2 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=7&siri=69 Study Atthakatha :- https://84000.org/tipitaka/attha/attha.php?b=7&i=440 Contents of The Tipitaka Volume 7 https://84000.org/tipitaka/read/?index_7 https://84000.org/tipitaka/english/?index_7
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]