AtthaPali Vol.2

{140} Dasamasikkhapade. Janam sappanakanti sappanakam etanti yatha va tatha va jananto. Sinceyya va sincapeyya vati tena udakena sayam va sinceyya annam va anapetva sincapeyya. Paliyam pana sinceyyati sayam sincatiti idisanam vacananam attho pubbe vuttanayeneva veditabbo. Tattha dharam avicchinditva sincantassa ekasmim udakaghate ekava apatti. Esa nayo sabbabhajanesu. Dharam vicchindantassa pana payoge payoge apatti. Matikam sammukham karoti divasampi sandatu ekava apatti. Sace tattha tattha bandhitva annato annato neti payoge payoge apatti. Sakatabharamattancepi tinam ekappayogena udake Pakkhipati ekava apatti. Ekekam tinam va pannam va pakkhipantassa payoge payoge apatti. Mattikayapi annesupi katthakaddamagomayadisu eseva nayo. Idam pana mahaudakam sandhaya na vuttam. Yam tine va mattikaya va pakkhittaya pariyadanam gacchati avilam va hoti yattha panaka maranti tadisam udakam sandhaya vuttanti veditabbam. Sesamettha uttanamevati. Tisamutthanam kayacittato vacacittato kayavacacittato ca samutthati kiriya sannavimokkham sacittakam pannattivajjam kayakammam vacikammam ticittam tivedananti. Sappanakasikkhapadam dasamam samatto vannanakkamena senasanavaggo dutiyo.

The Pali Atthakatha in Roman Book 2 page 350-351. http://84000.org/tipitaka/atthapali/read_rm.php?B=2&A=7379&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=7379&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=1&i=614 เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=18863 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=8199 The Pali Tipitaka in Roman Character :- http://84000.org/tipitaka/read/roman_read.php?B=1&A=8199 Contents of The Tipitaka Volume 1 http://84000.org/tipitaka/read/?index_1