ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 26 : PALI ROMAN U.A. (paramatthadi.)

                        9. Upasenasuttavannana
    [39] Navame upasenassati ettha upasenoti tassa therassa namam,
vangantabrahmanassa pana puttatta "vangantaputto"ti ca nam voharanti.
    Ayam hi thero ayasmato sariputtassa kanitthabhata, sasane pabbajitva
appannatte sikkhapade upasampadaya dvivasso upajjhayo hutva ekam bhikkhum
upasampadetva tena saddhim bhagavato upatthanam gato, tassa bhikkhuno bhagavata
tassa saddhiviharikabhavam pucchitva khandhake agatanayena "atilahum kho tvam
@Footnote: Si.,ka. akarim
Moghapuparisa avatto, bahullaya yadidam ganabandhiyan"ti 1- vigarahito kasabhihato 2-
viya ajaniyo samviggamanaso "yadipaham idani parisam nissaya bhagavata
vigarahito, parisamyeva pana nissaya pasamsiyo bhaveyyan"ti ussahajato sabbe
dhutadhamme samadaya vattamano vipassanam arabhitva nacirasseva chalabhinno
patisambhidappatto mahakhinasavo hutva attano nissitake dhutangadhare eva
katva tehi saddhim bhagavantam upasankamitva sandhatasikkhapade 3- agatanayena
"pasadika kho tyayam upasena parisa"ti parisavasena bhagavato santika
laddhapasamso "etadaggam bhikkhave mama savakanam bhikkhunam samantapasadikanam
yadidam upaseno vangantaputto"ti 4- etadagge thapito asitiya mahasavakesu
abbhantaro.
    So ekadivasam pacchabhattam pindapatapatikkanto antevasikesu attano
divatthanam gatesu udakakumbhato udakam gahetva pade pakkhaletva gattani
attano siti katva cammakhandam attharitva divatthane divaviharam nisinno attano
gune avajjesi. Tassa te anekasata anekasahassa  ponkhanuponkham upatthahimsu.
So "mayham tava savakassa sato ime evarupa guna, kidisa nu kho mayham
satthu guna"ti bhagavato gunabhimukham manasikaram pesesi. Te tassa nanabalanurupam
anekakotisahassa upatthahimsu. So "evamsilo me sattha evamdhammo evampanno
evamvimutti"tiadina ca "itipi so bhagava araham sammasambuddho"tiadina
ca avibhavanurupam satthu gune anussaritva, tato "svakkhato"tiadina
dhammassa, "supatipanno"tiadina ariyasamghassa ca gune anussari. Evam mahathero
anekakaravokaram ratanattayagunesu avibhutesu attamano pamudito ularapitisomanassam
@Footnote: 1 vi.maha. 4/75/76  2 cha.Ma. patodabhitunno
@3 vi.mahavi. 2/565/50  4 an. ekaka. 20/213/24
Patisamvedento nisidi. Tamattham dassetum "ayasmato upasenassa vangantaputtassa
rahogatassa"tiadi vuttam.
    Tattha rahogatassati rahasi gatassa. Patisallinassati ekibhutassa. Evam
cetaso parivitakko udapaditi evam idani vuccamanakaro cittassa vitakko
uppajji. Labha vata meti ye ime manussattabuddhuppadasaddhasamadhigamadayo, aho
vata me ete labha. Suladdham vata meti yancidam maya bhagavato sasane
pabbajjupasampadaratanattayapayirupasanadi patiladdham, tam me aho vata sutthu
laddham. Tattha karanamaha "sattha ca me"tiadina.
    Tattha ditthadhammikasamparayikaparamatthehi yatharaham satte anusasatiti satta.
Bhagyavantatadihi karanehi bhagava. Arakatta kilesehi, kilesarinam hatatta
samsaracakkassa va aranam hatatta paccayadinam arahatta papakarane rahabhava
araham. Samma samanca sabbadhammanam buddhatta sammasambuddhoti ayamettha
sankhepo, vittharo pana visuddhimagge 1- buddhanussatiniddesato
    svakkhateti sutthu akkhate, ekantaniyyanikam katva bhasite. Dhammavinayeti
pavacane. Tam hi yathanusittham patipajjamananam samsaradukkhapatato dharanena,
ragadikilesavinayanena ca dhammavinayoti vuccati. Sabrahmacarinoti setthatthena
brahmasankhatam bhagavato sasanam ariyamaggam saha caranti 2- patipajjantiti
sabrahmacarino. Silavantoti maggaphalasilavasena silavanto. Kalyanadhammati
samadhipannavimuttivimuttinanadassanadayo kalyana sundara dhamma etesam
atthiti kalyanadhamma. Etena samghassa supatipattim dasseti. Silesu camhi
paripurakariti "ahampi pabbajitva na tiracchanakathakathiko kayadalhibahulo 3-
@Footnote: 1 visudadhi. 1/252 (sya)  2 Si.,ka. ariyamaggasaccam
@3 ka. viriyadalhabahlo
Hutva vihasim, atha kho patimokkhasamvaradim catubbidhampi silam akhandam acchiddam
asabalam akammasam bhujissam vinnuppasattham aparamattham katva paripurento
ariyamaggamyeva papesin"ti vadati. Etena hetthimaphaladvayasampattimattano dipeti.
Sotapannasakadagamino hi silesu paripurakarino. Susamahito camhi ekaggacittoti
upacarappanabhedena samadhina sabbatthapi samahito ca amhi avikkhittacitto.
Imina samadhismim paripurakaritavacanena tatiyaphalasampattimattano dipeti. Anagamino
hi samadhismim paripurakarino. Araha camhi khinasavoti kamasavadinam sabbaso khinatta
khinasavo, tato eva parikkhinabhavasamyojano sadevake loke aggadakkhineyyataya
araha camhi. Etena attano katakaraniyatam dasseti. Mahiddhiko camhi
mahanubhavoti adhitthanavikubbanadiiddhisu mahata vasibhavena samannagatatta
mahiddhiko, ularassa punnanubhavassa gunanubhavassa ca sampattiya mahanubhavo ca
asmi. Etena so lokiyabhinnanavanupubbaviharasamapattiyogamattano dipeti.
Abhinnasu vasibhavena hi ariya yathicchitanipphadanena mahiddhika, pubbussayasampattiya
nanaviharasamapattihi ca visodhitasantanatta mahanubhava ca hontiti.
    Bhaddakam me jivitanti evamvidhasiladigunasamannagatassa me yavayam kayo
dharati, tava sattanam hitasukhameva vaddhati, punnakkhettabhavato jivitampi me
bhaddakam sundaram. Bhaddakam marananti sace panidam khandhapancakam ajja va
imasmimyeva va khane anupadano viya jatavedo nibbayati, tam appatisandhikam
parinibbanasankhatam maranampi me bhaddakanti ubhayattha tadibhavam dipeti, iti 1-
mahathero appahinasomanassubbillavitavasanatta 2- ularasomanassito 3-
dhammabahumanena dhammapitipatisamvedanena parivitakkesi.
@Footnote: 1 cha.Ma. evam  2 Ma. appahinasomanassubbillavitattussannatta,
@cha. appahinasomanassuppillavitavasanussannatta  3 Si.,ka. ularasomanassatam
    Tam sattha gandhakutiyam nisinnoyeva 1- sabbannutananena janitva jivite
marane ca tassa tadibhavavibhavanam imam udanam udanesi. Tena vuttam "atha kho
bhagava .pe. Udanesi"ti.
    Tattha yam jivitam na tapatiti yam khinasavapuggalam jivitam ayatim khandhappavattiya
sabbena sabbam abhavato na tapati na badhati, vattamanameva va jivitam sabbaso
sankhatadhammatta 2- satipannavepullappattiya sabbattha satisampajannasamayogato na
badhati. Yo hi andhaputhujjano papajanasamsevi 3- ayonisomanasikarabahulo
akatakusalo 4- akatapunno, so "akatam vata me kalyanan"tiadina vippatisarena
tapatiti tassa jivitam tam tapati nama. Itare pana akatapapa katapunna
kalyanaputhujjanena saddhim satta sekkha va tapaniyadhammaparivajjanena
atapaniyadhammasamannagamena ca pacchanutapena na tapantiti na tesam jivitam tapati.
Khinasave pana vattabbameva natthiti. Pavattidukkhavasena atthavannana kata.
    Maranante na socatiti maranasankhate ante pariyosane maranasamipe va
na socati anagamimaggeneva sokassa samugghatitatta. Sa ve ditthapado dhiro,
sokamajjhe na socatiti so anabhijjhadinam 5- catunnam dhammapadanam nibbanasseva
va ditthatta ditthapado dhitisampannatta dhiro khinasavo socanadhammanam
"soka"ti laddhanamanam avitaraganam sattanam sokahetunam va lokadhammanam
majjhe thatvapi na socati.
    Idanissa sabbaso sokahetunam abhavam dipetum "ucchinnabhavatanhassa"tiadimaha.
Tattha yassa aggamaggena sabbaso ucchinna bhavatanha, so
@Footnote: 1 cha.Ma. nisinnova  2 ka. sankhatadhammatta  3 cha.Ma. papajanasevi
@4 ka. katakusalo  5 Si. dukkhadinam
Ucchinnabhavatanho. Tassa avasesakilesanam anavasesavupasamena santacittassa
khinasavabhikkhuno. Vikkhino jatisamsaroti jatiadiko:-
               "khandhananca patipati        dhatuayatanana ca
                abbocchinnam vattamana     `samsaro'ti pavuccati"ti 1-
vuttalakkhano samsaro visesato khino. Tasma 2- natthi tassa punabbhavoti yasma
tassa evarupassa ariyapuggalassa ayatim punabbhavo natthi, tasma tassa jatisamsaro
khino. Kasma panassa punabbhavo natthi? yasma ucchinnabhavatanho santacitto
ca hoti, tasmati avattetva vattabbam. Atha va vikkhino 3- jatisamsaro, tato
eva natthi tassa punabbhavoti attho yojetabbo.
                       Navamasuttavannana nitthita.
                           ----------



             The Pali Atthakatha in Roman Book 26 page 284-289. http://84000.org/tipitaka/atthapali/read_rm.php?B=26&A=6364&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=6364&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=108              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=2819              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=2909              The Pali Tipitaka in Roman Character :- http://84000.org/tipitaka/read/roman_read.php?B=25&A=2909              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com