บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
455. 5. Anopamatherigathavannana ucce kuletiadika anopamaya theriya gatha. Ayampi purimabuddhesu katadhikara tattha tattha bhave vivattupanissayam kusalam upacinanti anukkamena vimuttiparipacaniye dhamme paribruhitva imasmim buddhuppade saketanagare meghissa 2- nama setthino dhita hutva nibbatti, tassa rupasampattiya anopamati namam ahosi. Tassa vayappattakale bahu setthiputta rajamahamatta rajano ca pitu dutam pahesum "attano dhitaram anopamam dehi, idancidanca te dassama"ti. Sa tam sutva upanissayasampannataya "gharavasena mayham attho natthi"ti satthu santikam gantva dhammam sutva nanassa paripakam gatatta desananusarena vipassanam arabhitva tam ussukkapenti maggapatipatiya tatiyaphale patitthasi. Sa sattharam pabbajjam yacitva satthu anaya bhikkhunupassayam upagantva bhikkhuninam santike pabbajitva sattame divase arahattam sacchikatva attano patipattim paccavekkhitva udanavasena:- [151] "ucce kule aham jata bahuvitte mahaddhane vannarupena sampanna dhita meghissa atraja. @Footnote: 1 cha.Ma. ayam patho na dissati 2 Si. meghassa, cha.Ma. majjhassa [152] Patthita rajaputtehi setthiputtehi gijjhita pitu me pesayi dutam detha mayham anopamam. [153] Yattakam tulita esa tuyham dhita anopama tato atthagunam dassam hirannam ratanani ca. [154] Saham disvana sambuddham lokajettham anuttaram tassa padani vanditva ekamantam upavisim. [155] So me dhammamadesesi anukampaya gotamo nisinna asane tasmim phusayim tatiyam phalam. [156] Tato kesani chetvana pabbajim anagariyam sajja 1- me sattama ratti yato tanha visosita"ti ima gatha abhasi. Tattha ucce kuleti ularatame vessakule. Bahuvitteti alankaradi- pahutavittupakarane. Mahaddhaneti nidhanagatasseva cattarisakotiparimanassa mahato dhanassa atthibhavena mahaddhane aham jatati yojana. Vannarupena sampannati vannasanthana- sampanna 2- ceva rupasampanna ca, siniddhavanna suddhapabhassaraya chaviya sampattiya 3- vatthabharanadisariravayavasampattiya ca samannagatati attho. Dhita meghissa atrajati meghinamassa 4- setthino orasa dhita. Patthita rajaputtehiti "katham nu kho tam labheyyama"ti rajakumarehi abhipatthita. Setthiputtehi gijjhitati tatha setthikumarehipi abhigijjhita 5- paccasimsita. 6- Detha mayham @Footnote: 1 cha.Ma. ajja 2 cha.Ma. vannasampanna 3 cha.Ma. siniddhabhasuraya chavisampattiya @4 cha.Ma. majjhanamassa 5 Si. abhijjhita 6 cha.Ma. paccasisita Anopamanti rajaputtadayo "detha mayham anopamam detha mayhan"ti pitu santike dutam pesayimsu. Yattakam tulita esati "tuyham dhita anopama yattakam dhanam agghati"ti tulita lakkhanannuhi paricchinna, "tato atthagunam dassami"ti pitu me pesayi dutanti yojana. Sesam hettha vuttanayameva. Anopamatherigathavannana nitthita. ----------------------The Pali Atthakatha in Roman Book 34 page 175-177. http://84000.org/tipitaka/atthapali/read_rm.php?B=34&A=3765&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=34&A=3765&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=455 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=9337 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=9389 The Pali Tipitaka in Roman Character :- http://84000.org/tipitaka/read/roman_read.php?B=26&A=9389 Contents of The Tipitaka Volume 26 http://84000.org/tipitaka/read/?index_26
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]