|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Sambhavajatakam
rajjanca patipannasmati idam sattha jetavane viharanto
pannaparamim arabbha kathesi.
Paccuppannavatthu mahaummangajatake avibhavissati.
Atite pana kururatthe indapattanagare dhananjayakorabyo nama
---------------------------------------------------------------------------------------------
page256.
Raja rajjam karesi. Tassa sucirato nama brahmano purohito
atthadhammanusasako ahosi. Raja danadini punnani karonto
dhammena rajjam anusasi. So ekadivasam dhammayagam nama panham
abhisankharitva suciratabrahmanam asane nisidapetva sakkaram katva
panham pucchanto catasso gatha abhasi
rajjanca patipannasma adhipaccam sucirata
mahantam pattumicchami vijetum pathavim imam.
Dhammena no adhammena adhammo me na ruccati
kiccova dhammo carito ranno hoti sucirata.
Idha cevanindita yena pecca yena anindita
yasam devamanussesu yena pappomu brahmana.
Yoham atthanca dhammanca kattumicchami brahmana
tam tvam atthanca dhammanca brahmanakkhahi pucchitoti.
Tattha rajjanti acariya mayam imasmim sattayojanike indapattanagare
rajjanca tiyojanasatike kururatthe issarabhavasankhatam adhipaccanca.
Patipannati adhigata. Mahantanti idani mahantabhavam
pattumicchami. Vijetunti imam pathavim dhammena abhibhavitum ajjhottharitum
icchami. Kiccovati avasesajanehi rannova dhammo kicco
karaniyataro. Rajanuvattako hi loko so tasmim dhammike
sabbopi dhammiko hoti tasma esa dhammo nama rannova
kiccoti. Idha cevaninditati yena mayam idha loke ca paraloke
---------------------------------------------------------------------------------------------
page257.
Ca anindita. Yena pappemuti yena mayam nirayadisu anibbattitva
devesu ca manusesu ca yasam issariyam sobhaggappattam papuneyyama
tam no karanam kathehiti. Yohanti brahmana yo aham phalavipakasankhatam
atthanca tassa atthassa hetubhutam dhammanca kattum samadaya
vattitum uppadetunca icchami. Tam tvanti tassa mayham tvam sukheneva
nibbanagamimaggam aruyha appatisandhikabhavam patthentassa tam atthanca
dhammanca pucchito akkhahi pakatam katva kathehiti brahmanam
dhammayagapanham pucchi.
Ayam pana panho gambhiro buddhavisayo sabbannubuddhameva tam
pucchitum yuttam tasmim asati sabbannutapariyesakam bodhisattam pucchitum
vattatiti. Sucirato pana attano abodhisattataya panham kathetum
nasakkhi. Asakkonto ca panditamanam akatva attano asamatthabhavam
kathento gathamaha
nannatra vidhura raja etam akkhatumarahati
yam tvam atthanca dhammanca kattumicchasi khattiyati.
Tassattho avisayo esa maharaja panho madisanam aham
hi nevassa adim na pariyosanam passami andhakaram pavittho
viya homi baranasiranno pana purohito vidhuro nama brahmano
atthi sova tam acikkheyya tam thapetva yam tvam atthanca
dhammanca kattumicchasi etadakkhatum na anno arahatiti.
Raja tassa vacanam sutva tenahi brahmana khippam tassa
---------------------------------------------------------------------------------------------
page258.
Santikam gacchahiti pannakaram datva tam pesetukamo gathamaha
ehi kho pahito gaccha vidhurassa upantikam
nikkham rattasuvannassa haram gaccha sucirata
abhiharam imam dajja atthadhammanusitthiyati.
Tattha upantikanti santikam. Nikkhanti pancatula suvanna
eko nikkho ayam pana rattasuvannassa nikkhasahassam datva
evamaha. Imam dajjati tena imasmim dhammayagapanhe kathite tassa
atthadhammanusitthiya abhiharam pujam karonto imam nikkhasahassam
dadeyyasiti.
Evanca pana vatva so panhavisajjanassa likhanatthaya
satasahassagghanikam suvannapattam gamanatthaya yanam parivaratthaya
balanikayam pannakaram katva tam khananneva uyyojesi. So pana
indapattanagara nikkhamitva ujukameva baranasiyam agantva yattha
yattha pandita vasanti sabbani tani thanani upasankamitva
sakalajambudipe panhassa visajjanakaram alabhitva anupubbena baranasim
patva ekasmim thane nivasam gahetva katipayehi janehi saddhim
patarasabhunjanavelaya vidhurassa nivesanam gantva agatabhavam
arocapetva tena pakkosapito tam sake ghare bhunjamanam addasa.
Tamattham pakasento avikaronto sattha sattamam gathamaha
svadhippaga bharadvajo vidhurassa upantikam
tamaddasa mahabrahma asamanam sake ghareti.
---------------------------------------------------------------------------------------------
page259.
Tattha svadhippagati so bharadvajagotto sucirato adhippaga
gatoti attho. Mahabrahmati mahabrahmano. Asamananti
bhunjamanam.
So pana tassa balasahayako ekacariyakule uggahitasippo
tasma tena saddhim ekatova bhunjitva bhattakiccapariyosane sukhanisinno
samma kimattham agatositi puttho agamanakaranam acikkhanto atthamam
gathamaha
rannoham pahito duto korabyassa yasassino
attham dhammanca pucchesi iccabravi yudhitthilo
tam tvam atthanca dhammanca vidhurakkhahi pucchitoti.
Tattha rannohanti ranno aham korabyassa yasassino duto.
Pahitoti tena pesito idhagacchami. Pucchesiti so yudhitthilagotto
dhananjayaraja dhammayagapanham nama pucchi aham kathetum asakkonto
tvam sakkhissasiti natva tassa arocesi so pannakaram datva
panham pucchanatthaya mam tava santikam pesento vidhurassa santikam
gantva imassa panhassa atthanca palidhammanca puccheyyasi iti
abravi tam tvam idani maya pucchito akkhahiti.
Tada pana so brahmano mahajanassa cittam ganhissamiti
gangam pidahanto viya vinicchayam vicareti tassa panhassa visajjane
okaso natthi so tamattham acikkhanto navamam gathamaha
---------------------------------------------------------------------------------------------
page260.
Gangam me pidahissanti na tam sakkomi brahmana
apidhetum mahasaddam tam katham so bhavissati
na te sakkomi akkhatum attham dhammanca pucchitoti.
Tassattho brahmana mayham mahajanassa nanacittagatisankhatam
gangam pidahissanti byaparo uppanno tamaham mahasaddam apidhetum
na sakkomi tasma katham so okaso bhavissati tasmim asati
te aham panham na visajjeyyam iti cittekaggatanceva okasanca
alabhanto na te sakkomi akkhatum atthanca dhammanca pucchitoti.
Evanca pana vatva putto me pandito maya
nanavantataro so te byakarissati tassa santikam gacchahiti vatva
dasamam gathamaha
bhadrakaro ca me putto oraso mama atrajo
tam tvam atthanca dhammanca gantva pucchassu brahmanati.
Tattha orasoti ure samvaddho. Atrajoti attana jato.
Tam sutva sucirato vidhurassa ghara nikkhamitva bhadrakarassa
bhuttapatarasassa attano parisaya majjhe nisinnakale nivesanam
agamasi.
Tamattham pakasento sattha ekadasamam gathamaha
svadhippaga bharadvajo bhadrakarassa santikam
tamaddasa mahabrahma nisinnam samhi vesmaniti.
Tattha vesmaniti ghare.
---------------------------------------------------------------------------------------------
page261.
So tattha gantva bhadrakaramanavena katasanabhiharasakkaro
nisiditva agamanakaranam puttho dvadasamam gathamaha
rannoham pahito duto korabyassa yasassino
attham dhammanca pucchesi iccabravi yudhitthilo
tam tvam atthanca dhammanca bhadrakara bravihi meti.
Atha nam bhadrakaro tata aham imesu divasesu paradarikakamme
abhinivittho cittam me byakulam tena tyaham visajjetum na
sakkhissami mayham pana kanittho sanjayakumaro nama maya ativiya
nanavantataro tam puccha so te panham visajjessatiti tassa
santikam pesento dve gatha abhasi
mamsakajam avahaya godham anupatamaham
na te sakkomi akkhatum attham dhammanca pucchito
sanjayo nama me bhata kanittho me sucirata
tam tvam atthanca dhammanca gantva pucchassu brahmanati.
Tattha mamsakajanti yatha nama puriso thulamigamamsam kajenadaya
gacchanto antaramagge godhapotakam disva mamsakajam chaddetva tam
anubandheyya evameva attano ghare vasavattanim bhariyam chaddetva
parassa rakkhitagopitam itthim anubandhanto homiti dipento evamaha.
So tasmimyeva khane sanjayassa nivesanam gantva tena katasakkaro
agamanakaranam puttho acikkhi.
Tamattham pakasento sattha dve gatha abhasi
---------------------------------------------------------------------------------------------
page262.
Svadhippaga bharadvajo sanjayassa upantikam
tamaddasa mahabrahma nisinnam samhi vesmani.
Rannoham pahito duto korabyassa yasassino
attham dhammanca pucchesi iccabravi yudhitthilo
tam tvam atthanca dhammanca sanjayakkhahi pucchitoti.
Sanjayakumaro pana tada paradarameva sevati. Athassa
soham tata paradaram sevami sevanto ca pana gangam taritva
paratiram gacchami tam mam sayanca pato ca nadim tarantam maccu
gilati nama tena me cittam byakulam na tyaham acikkhitum
sakkhissami kanittho pana me sambhavakumaro nama atthi jatiya
sattavassiko maya satagunena sahassagunena satasahassagunena
adhikananataro so te acikkhissati gaccha tam pucchahiti imamattham
pakasento so dve gatha abhasi
sada mam gilati maccu sayam pato sucirata
na te sakkomi akkhatum attham dhammanca pucchito.
Sambhavo nama me bhata kanittho me sucirata
tam tvam atthanca dhammanca gantva pucchassu brahmanati.
Tam sutva sucirato ayam panho imasmim loke acchariyabbhuto
bhavissati imam visajjetum samattho nama natthi manneti cintetva
dve gatha abhasi
---------------------------------------------------------------------------------------------
page263.
Abbhuto vata bho dhammo nayam asmaka ruccati
tayo jana pitaputta te su pannaya no vidu.
Na nam sakkotha akkhatum attham dhammanca pucchita
katham nu daharo janna attham dhammanca pucchitoti.
Tattha nayanti ayam panhadhammo abbhuto imam kathetum samatthena
nama na bhavitabbam tasma yam tvam kumaro kathessatiti vadesi
nayam asmakam ruccati. Te suti ettha sukaro nipatamattam.
Pita vidhuro puttapi bhadrakaro ca sanjayo cati tepi tayo
pitaputta pannaya imam dhammam no vidu na vijananti anno
koci janissatiti attho. Na nanti tumhe tayo jana pucchita
etam akkhatum na sakkotha daharo sattavassiko kumaro pucchito
katham nu janna kena karanena janitum sakkhissatiti attho.
Tam sutva sanjayakumaro tata sambhavakumaro daharoti
mannasi sacepi panhavisajjanena atthiko gaccha tam pucchati
atthadipanahi kumarassa vannam pakasento dvadasa gatha
abhasi
ma nam daharoti mannasi apucchitvana sambhavam
pucchitva sambhavam janna attham dhammanca brahmana.
Yathapi cando vimalo gaccham akasadhatuya
sabbe taragane loke abhaya atirocati.
---------------------------------------------------------------------------------------------
page264.
Evampi daharupeto pannayogena sambhavo
ma nam daharoti mannasi apucchitvana sambhavam
pucchitva sambhavam janna attham dhammanca brahmana.
Yathapi rammako maso gimhanam hoti brahmana
atevannehi masehi dumapupphehi sobhati.
Evampi daharupeto pannayogena sambhavo
ma nam daharoti mannasi apucchitvana sambhavam
pucchitva sambhavam janna attham dhammanca brahmana.
Yathapi himava brahme pabbato gandhamadano
nanarukkhehi sanchanno mahabhutaganalayo
osadhehi ca dibbehi disa bhati pavati ca.
Evampi daharupeto pannayogena sambhavo
ma nam daharoti mannasi apucchitvana sambhavam
pucchitva sambhavam janna attham dhammanca brahmana.
Yathapi pavako brahme accimali yasassima
jalamano vane gacche analo kanhavattani.
Ghatasano dhumaketu uttamahevanandaho
nissive pabbataggasmim bahutejo virocati.
Evampi daharupeto pannayogena sambhavo
ma nam daharoti mannasi apucchitvana sambhavam
pucchitva sambhavam janna attham dhammanca brahmana.
---------------------------------------------------------------------------------------------
page265.
Javena bhadram jananti balibaddanca vahiye
dohena dhenum jananti bhasamananca panditam.
Evampi daharupeto pannayogena sambhavo
ma nam daharoti mannasi apucchitvana sambhavam
pucchitva sambhavam janna attham dhammanca brahmanati.
Tattha jannati janissasi. Candoti punnacando. Vimaloti
abbhadimalarahito. Evampi daharupetoti evam sambhavakumaro
daharabhavena upetopi pannayogena sakalajambudipatale avasesapandite
atirocati atikkamitva virocati bhasati. Rammakoti cittamaso.
Atevannehiti ativiya annehi ekadasahi masehi. Evanti evam
sambhavopi pannayogena sobhati. Himavati himapatasamaye himayuttoti
himavati gimhakale himanca vamatiti himavati. Sampattam janam
gandhena madayatiti gandhamadano. Mahabhutaganalayoti devagananivaso.
Disa bhatiti sabbadisa ekobhasa viya karoti. Pavatiti gandhena
sabba disa vayati. Evanti evam sambhavopi pannayogena
sabba disa bhati ceva pavati ca. Yasassimati tejasampattiya
yasassima. Accimaliti accihi yutto. Jalamano vane gaccheti
gacchasankhate mahavane jalanto carati. Analoti atitto. Gatamaggassa
kanhabhavena kanhavattani. Yanne ahutivasena ghatam asnatiti
ghatasano. Dhumo ketukiccam assa sadhetiti dhumaketu.
Uttamahevanandahoti ahevanam vuccati vanasando uttamavanasandam dahatiti
---------------------------------------------------------------------------------------------
page266.
Attho. Nissiveti rattibhage. Pabbataggasminti pabbatasikhare.
Bahutejoti bahuindano. Virocatiti sabba disa obhasati.
Evanti evam mama kanittho sambhavakumaro daharopi pannayogena
virocati. Bhadranti bhadramassajaniyam javasampattiya jananti na
sarirena. Vahiyeti vahitabbe bhare sati bharavahataya ayam uttamoti
balibaddam jananti. Dohenati dohasampattiya dhenum sukhirati
jananti. Bhasamananti ettha nanabhasamanam jananti. Missam
balehi panditanti suttam aharitabbam.
Sucirato evam tasmim sambhavam vannente panham pucchitva
janissamiti kaham pana te kumara kanitthoti pucchi. Athassa so
sihapanjaram vivaritva hattham pasaretva so eso pasadadvare
antaravithiyam kumarakehi saddhim suvannavanno kilati ayam mama
kanittho upasankamitva tam pucchatha buddhalilaya te panham
kathessatiti aha. Sucirato tassa vacanam sutvava pasada oruyha
kumarassa santikam agamasi. Kaya velayati. Kumarassa
nivatthasatakam mocetva khandhe khipitva ubhohi hatthehi pamsum gahetva
thitavelaya.
Tamattham avikaronto sattha
svadhippaga bharadvajo sambhavassa upantikam
tamaddasa mahabrahma kilamanam bahipureti
gathamaha.
---------------------------------------------------------------------------------------------
page267.
Tattha bahipureti bahinivesane.
Mahasattopi brahmanam agantva purato thitam disva tata
kenatthenagatositi pucchitva tata kumara aham jambudipatale
ahindanto maya pucchitam panham kathetum samattham alabhitva tava
santikam agatomhiti vutte sakalajambudipe kira avinicchito panho
mama santikam agato aham nanena mahallakoti hirottappam
patilabhitva hatthagatam pamsum chaddetva khandhato satakam adaya
nivasetva puccha brahmana buddhalilaya te kathessamiti
sabbannuppavaranam pavaresi. Tato brahmano
rannoham pahito duto korabyassa yasassino
attham dhammanca pucchesi iccabravi yudhitthilo
tam tvam atthanca dhammanca sambhava akkhahi pucchitoti.
Gathaya panham pucchi.
Tassattho sambhavapanditassa guno gaganamajjhe punnacando
viya pakato ahosi.
Atha nam tenahi sunahiti vatva dhammayagapanham visajjento
taggha te ahamakkhissam yathapi kusalo tatha
raja ca kho tam janati yadi kahati va na vati
gathamaha.
Tassa antaravithiyam thatva madhurassarena dhammam desentassa saddo
dvadasayojanikam sakalabaranasinagaram avatthari. Atha raja ca
---------------------------------------------------------------------------------------------
page268.
Uparajadayo ca sabbe sannipatimsu. Mahasatto mahajanassa majjhe
dhammadesanam patthapesi.
Tattha tagghati ekamsavacanam. Yathapi kusaloti yatha atikusalo
sabbannubuddho acikkhati tatha te ekamseneva ahamakkhissanti
attho. Raja ca kho tanti aham tam panham yatha tumhakam
raja janitum sakkoti tatha kathessami tato uttarim raja
evam tam janati yadi karissati va na va karissati karontassa
va akarontassa va tasseva tam bhavissati mayham pana doso
natthiti dipeti.
Evam imaya gathaya panhakathanam patijanitva idani
dhammayagapanham kathento aha
ajja suveti samseyya ranna puttho sucirata
ma katva avasi raja atthe jate yudhitthilo.
Ajjhattanneva samseyya ranna puttho sucirata
kummaggam na niveseyya yatha mulho acetaso.
Attanam nativatteyya adhammam na samacare
atitthe nappatareyya anatthe na yuto siya.
Yo ca etani thanani kattum janati khattiyo
sada so vaddhate raja sukkapakkheva candima.
Natinanca piyo hoti mittesu ca virocati
kayassa bheda sappanno saggam so upapajjatiti.
---------------------------------------------------------------------------------------------
page269.
Tattha samseyyati katheyya. Idam vuttam hoti tata sucirata
sace tumhakam ranna ajja danam dema silam rakkhama
uposathakammam karomati koci puttho maharaja ajja tava panam hanama
kame paribhunjama suram pivama kusalam pana karissama suveti
ranno samseyya katheyya tassa atimahantassapi amaccassa vacanam
katva tumhakam raja yudhitthilagotto tatharupe atthe jate tam
divasam pamadena vitinamento ma avasi tassa vacanam akatva
uppannam kusalacittam aparihapetva kusalapatisamyuttam kammam karotuyeva
idamassa katheyyasiti. Evam mahasatto imaya gathaya ajjeva
kiccam atappam ko janna maranam suveti bhaddekarattasuttanca
appamado amatam padam pamado maccuno padanti appamadovadanca
kathesi. Ajjhattannevati tata sucirata sambhavapandito taya
dhammayagapanhe pucchito kim kathesiti ranna puttho samano
tumhakam ranno ajjhattanneva samseyya niyakajjhattasankhatam
khandhapancakam hutva abhavato aniccanti katheyyasi. Ettavata
mahasatto
sabbe sankhara aniccati yada pannaya passati
anicca vata sankhara uppadavayadhammino
uppajjitva nirujjhanti tesam vupasamo sukhoti
evam vibhavitam aniccatam kathesi. Kummagganti brahmana yatha
mulho acetano andhabalaputhujjano dvasatthiditthigatasankhatam kummaggam
---------------------------------------------------------------------------------------------
page270.
Sevati evam tava raja tam kummaggam na seveyya niyyanikam
dasakusalakammapathamattameva sevatu evamassa vadeyyasiti. Attananti
imam sugatiyam thitam attabhavam nativatteyya yena kammena tisso
kusalasampattiyo sabbakamamagge atikkamitva apaye nibbattanti
tam kammam na kareyyati attho. Adhammanti tividhaduccaritasankhatam
adhammam na samacareyya. Atittheti dvasatthiditthisankhate atitthe
nappatareyya na otareyya. Na tareyyatipi patho. Attano
ditthanugatim apajjantam janam otareyya. Anattheti akarane.
Na yutoti yuttapayutto na siya. Brahmana yadi te raja
dhammayagapanhe vattitukamo imasmim ovade vattatuti tassa
katheyyasiti ayamettha adhippayo. Sadati satatam. Idam vuttam hoti
yo khattiyo etani karanani katum janati so raja
sukkapakkhe cando viya sada vaddhati. Virocatiti mittamaccanam
majjhe attano silacarananadihi gunehi sobhati virocatiti.
Evam mahasatto gaganatale candam utthapento viya buddhalilaya
brahmanassa panham kathesi. Mahajano nadanto selento
appothento sadhukarasahassani akasi celukkhepe ceva angulipothe ca
pavattesi hatthapilandhanadini khipi. Evam khittadhanam kotippattam
ahosi. Rajapissa tuttho mahantam yasam adasi. Suciratopi
nikkhasahassena pujam katva suvannapatte jatihingulakena panhavisajjanam
likhitva indapattanagaram gantva ranno dhammayagapanham kathesi.
---------------------------------------------------------------------------------------------
page271.
Raja tasmim dhamme vattitva saggapuram puresi.
Sattha imam dhammadesanam aharitva na bhikkhave idaneva
pubbepi tathagato mahapannoyevati vatva jatakam samodhanesi
tada dhananjayaraja anando ahosi sucirato anuruddho vidhuro
ariyakassapo bhadrakaro moggallano sanjayamanavo
sariputto sambhavapandito ahamevati.
Sambhavajatakam nitthitam.
Pancamam.
-------------
The Pali Atthakatha in Roman Book 41 page 255-271.
http://84000.org/tipitaka/atthapali/read_rm.php?B=41&A=5256&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=41&A=5256&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=27&i=2352
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=9525
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=10288
The Pali Tipitaka in Roman Character :-
http://84000.org/tipitaka/read/roman_read.php?B=27&A=10288
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]