AtthaPali Vol.54

2. Abhidhammabhajaniyavannana [725] Tattha tisso patisambhida lokiya, atthapatisambhida lokiyalokuttaramissaka. Sa hi nibbanarammanamaggaphalanananam vasena lokuttarapi hoti, abhidhammabhajaniyam ^1- kusalakusalavipakakiriyanam vasena catuhi varehi vibhattam. Tattha yattakani hettha cittuppadakande ^2- kusalacittani vibhattani, tesam sabbesampi vasena ekekasmim cittaniddese catasso catasso patisambhida vibhattati veditabba. Akusalacittesupi eseva nayo. Vipakakiriyavaresu vipakakiriyanam atthena sangahitatta dhammapatisambhidam chaddetva ekekasmim vipakacittepi kiriyacittepi ^3- tisso tissova @Footnote: ¹ cha.Ma. abhidhammabhajaniye ² abhi. 34/1/21 ³ cha.Ma. vipakacitte ca kiriyacitte ca

--------------------------------------------------------------------------------------------- page419.

Patisambhida vibhatta. Pali pana mukhamattameva dassetva sankhitta, sa hettha agatavittharavaseneva veditabba. Kasma pana yatha kusalakusalavaresu "tesam vipake nanam atthapatisambhida"ti vuttam, evamidha "yesam dhammanam ime vipaka, tesu nanam dhammapatisambhida"ti evam na vuttanti? hettha vuttatta. Yadevam tesam vipake nanam atthapatisambhidati hettha vuttatta ayam atthapatisambhidapi idha na vattabba siyati. No na vattabba. Kasma? hettha vipakakiriyacittuppadavasena avuttatta. Kiriyavare ca yesam dhammanam ime kiriyati vacanameva na yujjatiti dvisupi imesu varesu tisso tissova patisambhida vibhatta. Tattha yaya niruttiya tesam dhammanam pannatti hotiti yaya niruttiya tesam phasso hotitiadina nayena vuttanam dhammanam ayam phasso, ayam vedanati evam pannatti hoti. Tatra dhammaniruttabhilape nananti tasmim atthe ca dhamme ca pavattamanaya tassa dhammaniruttiya sabhavapannattiya abhilape nanam. Abhilapasaddam arammanam katva uppannam nanameva idhapi kathitam. Yena nanenati yena patibhanapatisambhidananena. Tani nanani janatiti itarani tini patisambhidananani janati. Idani yatha yam nanam tani nanani janati, tatha tassa tesu pavattim dassetum imani nanani idamatthajotakaniti vuttam. Tattha idamatthajotakaniti imassa atthassa jotakani pakasakani, imam nama attham jotenti pakasenti paricchindantiti attho. Iti nanesu nananti imina akarena pavattam tisu nanesu nanam patibhanapatisambhida nama. Tattha kincapi ayam patibhanapatisambhida "imissa idam kiccam, imissa idam kiccan"ti itarasam patisambhidanam kiccam janati, sayampana tasam kiccam katum

--------------------------------------------------------------------------------------------- page420.

Na sakkoti bahussutadhammakathiko viya appassutadhammakathikassa. Dve kira bhikkhu eko bahussuto eko appassuto. Te ekatova ekam dhammakathamaggam ugganhimsu. Tattha appassuto sarasampanno ahosi, itaro mandassaro. Tesu appassuto gatagatatthane attano sarasampattiya sakalaparisam khobhetva dhammam kathesi. Dhammam sunamana hatthatutthamanasa hutva "yatha esa dhammam kathesi, eko tipitakadharo manne bhavissati"ti vadanti. Bahussutabhikkhu pana "dhammassavane janissatha `ayam tipitakadharo va no va"ti aha. So kincapi evamaha, yatha pana so sakalaparisam khobhetva dhammam kathetum sakkoti, evamassa kathanasamatthata natthi. Tattha kincapi patibhanapatisambhida bahussuto viya appassutassa itarasam kiccam janati, sayam pana tam kiccam katum na sakkotiti veditabbam. Sesamettha ^1- uttanatthameva. [746] Evam kusalacittuppadadivasena patisambhida vibhajitva idani tasam uppattitthanabhutam khettam dassetum puna catasso patisambhidatiadimaha. Tattha tisso patisambhida kamavacarakusalato catusu nanasampayuttesu cittuppadesuti idam sekkhanam vasena vuttam. Tesampi hi dhammapaccavekkhanakale hettha vuttam pancappakaram dhammam arammanam katva catusu nanasampayuttakusalacittesu dhammapatisambhida uppajjati. Tatha niruttipaccavekkhanakale saddam arammanam katva niruttipatisambhida, nanapaccavekkhanakale sabbatthakananam arammanam katva patibhanapatisambhidati. Kiriyato catusuti idam pana asekkhanam vasena vuttam. Tesanhi dhammapaccavekkhanakale hettha vuttam pancappakaram dhammam arammanam katva catusu nanasampayuttakiriyacittesu dhammapatisambhida uppajjati. Tatha niruttipaccavekkhanakale saddam arammanam katva niruttipatisambhida, nanapaccavekkhanakale sabbatthakananam arammanam katva patibhanapatisambhidati. @Footnote: ¹ cha.Ma. sesam

--------------------------------------------------------------------------------------------- page421.

Atthapatisambhida etesu ceva uppajjatiti idam pana sekkhasekkhanam vasena vuttam. Tatha hi sekkhanam atthapaccavekkhanakale hettha vuttappabhedam attham arammanam katva catusu nanasampayuttakusalacittesu ayam uppajjati, maggaphalakale ca maggaphalesu. Asekkhassa panattham paccavekkhanakale hettha vuttappabhedameva attham arammanam katva catusu nanasampayuttakiriyacittesu uppajjati, phalakale ca uparime samannaphaleti evameta sekkhasekkhanam uppajjamana imasu bhumisu uppajjantiti bhumidassanattham ayam nayo dassitoti. Abhidhammabhajaniyavannana nitthita. -----------

The Pali Atthakatha in Roman Book 54 page 418-421. http://84000.org/tipitaka/atthapali/read_rm.php?B=54&A=9890&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=54&A=9890&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=35&i=784 เนื้อความพระไตรปิฎกฉบับหลวง :- http://84000.org/tipitaka/read/r.php?B=35&A=10143 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=35&A=8078 The Pali Tipitaka in Roman Character :- http://84000.org/tipitaka/read/roman_read.php?B=35&A=8078 Contents of The Tipitaka Volume 35 http://84000.org/tipitaka/read/?index_35