|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
2. Selasuttavannana [396] Evamme sutanti selasuttam. Tattha anguttarapesutiadi potaliyasutte vittharitameva. Addhatelasehiti addhena telasehi, dvadasahi satehi pannasaya ca bhikkhuhi saddhinti vuttam hoti. Te pana savakasannipate sannipatita bhikkhuyeva sabbe ehibhikkhupabbajjaya pabbajita khinasava. Keniyoti tassa namam, jatiloti tapaso. So kira brahmanamahasalo, dhanarakkhanatthaya pana tapasapabbajjam samadaya ranno pannakaram datva 1- bhumibhagam gahetva tattha assamam karetva vasahi pancahi sakatastehi vanijjam payojetva kulasahassassa nissayo hutva, assamepi cassa eko talarukkho divase divase ekam suvannamayam talaphalam 2- muccatiti vadanti. So diva kasayani dhareti, jata ca bandhati, rattim kamasampattim anubhavati. Dhammiya kathayati panakanisamsapatisamyuttava dhammiya kathaya. Ayam hi keniyo tucchahattho bhagavato dassanaya gantum lajjayamano "vikalabhojana viratanampi panakam kappati"ti cintetva susankhatam badarapanam 3- pancahi kajasatehi gahapetva agamasi. Evam gatabhavo cassa "athakho keniyassa jatilassa etadahosi kim nu kho aham samanassa gotamassa harapeyyan"ti bhesajjakkhandhake 4- palim arulhoyeva. Dutiyampi kho bhagavati kasma punappunam patikkhipi? titthiyanam Patikkhepapasannataya, akaranametam, natthi buddhanam paccayahetu evarupam kohannam. Ayam pana addhatelasani bhikkhusatani disva ettakanamyeva bhikkham patiyadessati, sveva selo tihi purisasatehi saddhim pabbajissati. Ayuttam kho pana navake annato pesetva imeheva saddhim gantum, ime va annato pesetva navakehi saddhim gantum. Athapi sabbe gahetva gamissami, 5- bhikkhaharo nappahossati. Tato bhikkhusu pindaya carantesu manussa ujjhayissanti "carissami keniyo samanam gotamam nimantetva yapanamattam datum nasakkhi"ti, sayampi vippatisari @Footnote: 1 Si. katva 2 Si. sovanniyaphalam 3 Ma. susankhatam paramapanam @4 vi. maha. 5/300/83 5 Ma.,ka. agamissati--------------------------------------------------------------------------------------------- page288.
Bhavissati. Patikkhepe pana kate "samano gotamo punappunam `tvanca brahmanesu abhippasanno'ti brahmananam namam ganhati"ti cintetva brahmanepi nimantetukamo bhavissati, tato brahmane patiyekkam nimantessati, te tena nimantita 1- bhikkhu hutva bhunjissanti. Evamassa saddha anurakkhita bhavissatiti punappunam patikkhipi. Kincapi kho bhoti imina idam dipeti "bho gotama kim jatam yadi aham brahmanesu abhippasanno, adhivasetu bhavam gotamo, aham brahmananampi datum sakkomi tumhakampi"ti. Kayaveyyavatikanti kayaveyyavaccam. Mandalamalanti dussamandapam. [397] Avahoti kannagahanam. Vivahoti kannadanam. So me nimantitoti so maya nimantito. Atha brahmano paripakkopanissayatta buddhasaddam sutvava amatenevabhisitto pasadam avikaronto buddhoti bho keniya vadesiti aha. Keniyo yathabhutam acikkhanto buddhoti bho sela vadamiti aha. Tato nam punapi dalhikaranattham pucchi, itaropi tatheva arocesi. [398] Athassa kappasahassehipi 2- buddhasaddasseva dullabhabhavam sampassato. Etadahositi etam 3- "ghosopi kho"tiadi ahosi. Nilavanarajiti nilavanarukkhapanti. Pade padanti padapamane padam. Accasanne va 4- atidure va pade nikkhipamane saddo utthati, tam patisedhento evamaha. Sihava ekacarati ganavasi siho sihapotakadihi saddhim pamadam apajjati, ekacaro appamatto hoti. Iti appamadaviharam dassento ekacarasihena opammam karoti. Ma me bhontoti acaram sikkhapento aha. Ayam hettha adhippayo:- sace tumhe kathavaram alabhitva mama kathaya antare katham pavesessatha, "antevasike sikkhapetum nasakkhi"ti mayham garaha uppajjissati, tasma okasam passitva manteyyathati. No ca kho nam janamiti vipassipi bodhisatto caturasitisahassattherapabbajitaparivaro sattamasani bodhisattacarikam cari. Buddhuppadakalo viya ahosi. Amhakampi bodhisatto chabbassani @Footnote: 1 Si. tato nimantita 2 Si. kappasatasahassehipi @3 ka. evam 4 cha.Ma. hi--------------------------------------------------------------------------------------------- page289.
Bodhisattacarikam cari. Evam paripunnasariralakkhanehi samannagatapi buddha na honti. Tasma brahmano "no ca kho nam janami"ti aha. [399] Paripunnakayoti lakkhanehi paripunnataya ahinangataya ca paripunnasariro. Suruciti sundarasarirappabho. Sujatoti arohaparinahasampattiya santhanasampattiya ca sunibbatto. Carudassanoti rucirampi passantanam atittijanako manoharadassano. Suvannavannoti suvannasadisavanno. 1- Susukkadathoti sutthu sukkadatho. Mahapurisalakkhanati pathamam vuttabyanjananeva vacanantarena nigamento aha. Idani tesu lakkhanesu attano cittarucitani gahetva thomento pasannanettotiadimaha. Bhagava hi pancavannapasadasampattiya pasannanetto. Punnacandasadisamukhataya sumukho, arohaparinahasampattiya. Braha, 2- brahmujugattataya uju, jutimantataya patapava. Yampi 3- cettha pubbe vuttam, tam "majjhe samanasamghassa"ti imina pariyayena thomayata 4- puna vuttam. Ediso hi evam virocati. Uttaragathayapi eseva nayo. Uttamavanninoti uttamavannasampannassa. Rathesabhoti uttamasarathi. Jambusandassati jambudipassa. Pakatena issariyam thomento aha, cakkavatti pana catunnampi dipanam issaro hoti. Khattiyati jatikhattiya. Bhogiti bhogiya. Rajanoti ye keci rajjam karenta. Rajabhirajati rajunam pujaniyo, adhiraja hutva, cakkavattiti adhippayo. Manujindoti manussadhipati paramissaro hutva. Evam vutte bhagava "ye te bhavanti arahanto sammasambuddha te sake vanne bhannamane attanam patum karonti"ti imam selassa manoratham purento rajahamasmitiadimaha. Tatrayam adhippayo:- yam mam tvam sela "raja arahasi bhavitun"ti yacasi, 5- ettha appossukko hohi, rajahamasmi. Sati ca rajatte yatha anno raja yojanasatam va anusasati yojanasahassam va, @Footnote: 1 Si. suvannavannasadiso 2 Ma.,ka. brahma 3 Ma.,ka. yam tam @4 Si. thomayato, Ma. thomayanto 5 Ma. vadesi--------------------------------------------------------------------------------------------- page290.
Cakkavatti hutvapi catudipapariyantamattam va, nahameva paricchinnavisayo, aham hi dhammaraja anuttaro bhavaggato avicipariyantam katva tiriyam appamanalokadhatuyo anusasami. Yavata hi apadadvipadadibheda satta, aham tesam aggo. Na hi me koci silena va .pe. Vimuttinanadassanena va patibhago atthi, svaham evam dhammaraja anuttaro anuttareneva catusatipatthanadibhedena dhammena cakkam vattemi. Idam pajahatha, idam upasampajja viharathati anacakkam, idam kho pana bhikkhave dukkham ariyasaccantiadina pariyattidhammena dhammacakkameva va. Cakkam appativattiyanti yam cakkam appativattiyam hoti samanena va .pe. Kenaci va lokasminti. Evam attanam avikarontam bhagavantam disva pitisomanassajato selo puna dalhikaranattham sambuddho patijanasiti gathadvayamaha. Tattha ko nu senapatiti dhammaranno 1- bhoto dhammena pavattitassa cakkassa anuvattako senapati koti 2- pucchi. Tena ca samayena bhagavato dakkhinapasse ayasma sariputto nisinno hoti suvannapunjo viya siriya sobhamano, tam dassento bhagava maya pavattitanti gathamaha. Tattha anujato tathagatanti tathagatam hetum anujato, tathagatena hetuna jatoti attho. Apica avajato anujato atijatoti tayo putta. Tesu avajato dussilo, so tathagatassa putto nama na hoti. Atijato nama pitara uttaritaro, tadisopi tathagatassa putto natthi. Tathagatassa pana eko anujataputtova hoti, tam dassento evamaha. Evam "ko nu senapati"ti panham byakaritva yam selo aha "sambuddho patijanasi"ti, tatra nam nikkankham katukamo "naham patinnamatteneva patijanami, apicaham imina karanena buddho"ti napetum abhinneyyanti gathamaha. Tatra abhinneyyanti vijja ca vimutti ca. Bhavetabbam maggasaccam. Pahatabbam @Footnote: 1 cha.Ma. ranno 2 cha.Ma. ko nuti--------------------------------------------------------------------------------------------- page291.
Samudayasaccam. Hetuvacanena pana phalasiddhito tesam phalani nirodhasaccadukkhasaccanipi vuttaneva honti. Evam sacchikatabbam sacchikatam parinnatabbam parinnatanti idamettha sangahitanti catusaccabhavanaphalanca vimuttinca dassento "bujjhitabbam bujjhitva buddho jatosmi"ti yuttahetuna buddhabhavam sadheti. Evam nippariyayena attanam avikatva attani kankhavitaranattham brahmanam abhitarayamano 1- vinayassuti gathattayamaha. 2- Tattha sallakattoti ragadisallakantano. Anuttaroti yatha bahiravejjena vupasamitarogo imasminnevattabhave kuppati, na evam. Maya vupasamitassa pana rogassa bhavantarepi uppatti natthi, tasma aham anuttaroti attho. Brahmabhutoti setthabhuto. Atituloti tulam atito, nirupamoti attho. Marasenappamaddanoti kama te pathama senati evam agataya marasenaya pamaddano. Sabbamitteti khandhakilesabhisankharamaccudevaputtamarasankhate sabbapaccatthike. Vasikatvati attano vase vattetva. Akutobhayoti kutoci abhayo. Evam vutte selo brahmano tavadeva bhagavati sanjatapasado pabbajjapekkho hutva imam bhontoti gathattayamaha. Tattha kanhabhijatikoti candaladinicakule jato. Tato tepi manavaka pabbajjapekkha hutva evance ruccati bhototi gathamahamsu. Atha selo tesu manavakesu tutthacitto te ca dassento pabbajjam yacanto "brahmana"ti gathamaha. Tato bhagava yasma selo atite padumuttarassa bhagavato sasane tesamyeva tinnam purisasatanam ganasettho hutva tehi saddhim parivenam karetva danadini ca punnani katva tena kammena devamanussasampattim anubhavamano pacchime bhave tesamyeva acariyo hutva nibbatto, tanca tesam kammam vimuttiparipakaya paripakkam ehibhikkhubhavassa ca upanissayabhutam, tasma te sabbeva ehibhikkhupabbajjam pabbajento svakkhatanti gathamaha. Tattha sanditthikanti sayameva datthabbam paccakkham. Akalikanti magganantaraphaluppattiya na kalantare pattabbaphalam. @Footnote: 1 Si. abhittharayamano, cha.Ma. aticariyamano 2 ka. gathadvayamaha--------------------------------------------------------------------------------------------- page292.
Yattha amoghati yasmim maggabrahmacariye appamattassa sikkhattayapuranena sikkhato pabbajja amogha hoti, saphalati attho. Evanca vatva "etha bhikkhavo"ti bhagava avoca. Te sabbe pattacivaradhara hutva akasenagantva vassasatikatthera viya suvinita bhagavantam abhivadayimsu. Evamimam tesam ehibhikkhubhavam sandhaya "alattha kho selo"tiadi vuttam. [400] Imahiti imahi keniyassa cittanukulahi gathahi. Tattha aggiparicariyam vina brahmananam yannabhavato "aggihuttamukha yanna"ti vuttam. Aggihuttasettha aggijuhanappadhanati attho. Vede sajjhayantehi pathamam sajjhayitabbato savitti "../../bdpicture/chandaso mukhan"ti vutta. Manussanam setthato raja "mukhan"ti vutto. Nadinam adharato patisaranato ca sagaro "mukhan"ti vutto. Candayogavasena "ajja kattika ajja rohini"ti pannapanato 1- alokakaranato somabhavato ca "nakkhattanam mukham cando"ti vuttam. Tapantanam aggatta adicco "tapatam mukhan"ti vutto. Dakkhineyyanam pana aggatta visesena tasmim samaye buddhappamukham samgham sandhaya "punnam akankhamananam, samgho ve yajatam mukhan"ti vuttam. Tena samgho punnassa ayamukhanti dasseti. Yantam sarananti annam byakaranagathamaha. Tassattho:- pancahi cakkhuhi cakkhuma bhagava yasma mayam ito atthame divase tam saranam agatamha, 2- tasma attana tava sasane anuttarena damathena dantamha, aho te saranassa anubhavoti. Tato param bhagavantam dvihi gathahi thometva tatiyavandanam yacanto bhikkhavo tisata imetiadimahati. Papancasudaniya majjhimanikayatthakathaya selasuttavannana nitthita. -------------- @Footnote: 1 cha.Ma. sannanato 2 Si. agamma 3 Si. sattarattenaThe Pali Atthakatha in Roman Book 9 page 287-292. http://84000.org/tipitaka/atthapali/read_rm.php?B=9&A=7233&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=9&A=7233&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=13&i=604 เนื้อความพระไตรปิฎกฉบับหลวง :- http://84000.org/tipitaka/read/r.php?B=13&A=9484 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=13&A=11207 The Pali Tipitaka in Roman Character :- http://84000.org/tipitaka/read/roman_read.php?B=13&A=11207 Contents of The Tipitaka Volume 13 http://84000.org/tipitaka/read/?index_13
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]