อรรถกถาเล่มที่ ๑๓ ภาษาบาลีอักษรไทย
 สํ.อ. (สารตฺถ.๓)

                          ๗. อานาปานวคฺค
                     ๑. อฏฺฐิกมหปฺผลสุตฺตาทิวณฺณนา
    [๒๓๘] สตฺตมาทีสุ อฏฺฐิกสญฺญาติ อฏฺฐิกํ อฏฺฐิกนฺติ ภาเวนฺตสฺส
อุปฺปนฺนสญฺญา. ตํ ปเนตํ ภาวยโต ยาว นิมิตฺตํ น อุปฺปชฺชติ, ตาว ฉวิปิ
จมฺมมฺปิ อุปฏฺฐาติ. นิมิตฺเต ปน อุปฺปนฺเน ฉวิจมฺมานิ เนว อุปฏฺฐหนฺติ,
สงฺขวณฺโณ สุทฺธอฏฺฐิกสงฺฆาโตว อุปฏฺฐาติ หตฺถิกฺขนฺธคตํ ธมฺมิกติสฺสราชานํ
โอโลเกนฺตสฺส สามเณรสฺส วิย, ปฏิมคฺเค หสมานํ อิตฺถึ โอโลเกนฺตสฺส
เจติยปพฺพตวาสิโน ติสฺสตฺเถรสฺส วิย จาติ. วตฺถูนิ วิสุทฺธิมคฺเค ๒-
วิตฺถาริตานิ. สติ วา อุปาทิเสเสติ คหณเสเส อุปาทานเสเส วิชฺชมานมฺหิ.
                      ๒-๑๐. ปุฬวกสุตฺตาทิวณฺณนา
    [๒๓๙-๒๔๗] ปุฬวกสญฺญาติ ปุฬวนฺติ ภาเวนฺตสฺส อุปฺปนฺนสญฺญา.
วินีลกสญฺญาทีสุปิ เอเสว นโย. วินิจฺฉยกถา ปเนตฺถ สทฺธึ ภาวนานเยน
@เชิงอรรถ: ๑ ฉ.ม. ปสฺสทฺธนฺติ         ๒ วิสุทฺธิ. ๑/๒๕ (สฺยา)
วิสุทฺธิมคฺเค ๑- วุตฺตา. เมตฺตาทโย ติกจตุกฺกชฺฌานวเสน เวทิตพฺพา, อุเปกฺขา
จตุตฺถชฺฌานวเสเนว.
                         ---------------
                           ๘. นิโรธวคฺค
                       ๑-๑๐. อสุภสุตฺตาทิวณฺณนา
    [๒๔๘-๒๕๗] อสุภสญฺญาติ อสุเภ ปฐมชฺฌานสญฺญา. มรณสญฺญาติ
"อวสฺสํ มริตพฺพํ, มรณปฏิพทฺธํ เม ชีวิตนฺ"ติ อภิณฺหํ ปจฺจเวกฺขนฺตสฺส
อุปฺปนฺนสญฺญา. อาหาเร ปฏิกูลสญฺญาติ โอทนกุมฺมาสาทิมฺหิ อชฺโฌหรณีเย ๒-
ปฏิกูลสญฺญา. สพฺพโลเก อนภิรติสญฺญาติ สกลโลกสฺมึ อนภิรตึ อุปฺปาเทนฺตสฺส
อุปฺปนฺนสญฺญา. ปหานสญฺญา วิราคสญฺญาติ เทฺว ปุพฺพภาคา, นิโรธสญฺญา
มิสฺสกา. เอวเมตานิ อฏฺฐิกสญฺญาทีนิ วีสติ กมฺมฏฺฐานานิ นิทฺทิฏฺฐานิ. เตสํ
นวสุ อปฺปนา โหนฺติ, เอกาทส อุปจารชฺฌานิกา. เสสา ปเนตฺถ วินิจฺฉยกถา
วิสุทฺธิมคฺเค ๓- อาคตาว. คงฺคาเปยฺยาลาทโย มคฺคสํยุตฺเต วุตฺตนเยเนว เวทิตพฺพา.

             อรรถกถาภาษาบาลีอักษรไทย เล่มที่ ๑๓ หน้า ๒๔๕-๒๔๖.
http://84000.org/tipitaka/atthapali/read_th.php?B=13&A=5342&modeTY=2
             The Pali Atthakatha in Roman :-
http://84000.org/tipitaka/atthapali/read_rm.php?B=13&A=5342&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=19&i=641
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=19&A=3640
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=19&A=3430
             The Pali Tipitaka in Roman Character :-
http://84000.org/tipitaka/read/roman_read.php?B=19&A=3430
             สารบัญพระไตรปิฎกเล่มที่ ๑๘
http://84000.org/tipitaka/read/?index_19