|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
[142] Adhiccapattikoti kadaci apajjati. 1- So kincapi lajji hoti pakatatto, dubbacatta panassa bhikkhu tatheva patipajjanti. [144] Saddhamattakena vahati pemamattakenati acariyupajjhayesu appamattikaya gehassitasaddhaya appamattakena gehassitapemena yapeti. Patisandhiggahanasadisa hi ayam pabbajja nama, navapabbajito pabbajjaya gunam ajananto acariyupajjhayesu pemamattena yapeti, tasma evarupa sanganhitabba anugganhitabba. 2- Appamattakampi hi sangaham labhitva pabbajjaya thita abhinnappatta mahasamana bhavissanti. Ettakena kathamaggena "ovaditabbayuttakam ovadanti, na itaran"ti idameva bhagavata dassitam. [145] Annaya santhahimsuti arahatte patitthahimsu. Sattesu hayamanesuti patipattiya hayamanaya satta hayanti nama. Saddhamme antaradhayamaneti patipattisaddhamme antaradhayamane. Patipattisaddhammopi hi patipattipurakesu sattesu asati antaradhayati 3- nama. Asavatthaniyati asava titthanti etesuti asavatthaniya. Yesu ditthadhammikasamparayika parupavadavippatisaravadhabandhanadayo ceva apayadukkhavisesabhuta ca asava titthantiyeva. Tasma 4- nesam te karanam hontiti attho. Te asavatthaniya vitikkamadhamma yava na samghe patubhavanti, na tava sattha savakanam sikkhapadam pannapetiti ayamettha yojana. Evam akalam dassetva puna kalam dassetum yato ca kho bhaddalitiadimaha. Tattha yatoti yada, yasmim kaleti vuttam hoti. Sesam vuttanusareneva veditabbam. Ayam va ettha sankhepattho:- yasmim kale asavatthaniya dhammati sankham gata vitikkamadosa samghe patubhavanti, tada sattha savakanam sikkhapadam pannapeti. Kasma? tesamyeva asavatthaniyadhammasankhatanam vitikkamadosanam patighataya. Evam asavatthaniyanam dhammanam anuppattim sikkhapadapannattiya akalam, uppattinca kalanti vatva idani tesam dhammanam anuppattikalanca @Footnote: 1 cha.Ma. kadaci kadaci apattim 2 cha.Ma. ayam patho na dissati @3 Ma. antaradhanesu 4 cha.Ma. yasma--------------------------------------------------------------------------------------------- page116.
Uppattikalanca dassetum na tava bhaddali idhekaccetiadimaha. Tattha mahattanti mahantabhavam. Samgho hi yava na theramajjhimanam vasena mahattappatto hoti, tava senasanani pahonti, sasane ekacce asavatthaniya 1- dhamma na uppajjanti. Mahattappatte pana te uppajjanti, atha sattha sikkhapadam pannapeti. Tattha mahattappatte samghe pannattasikkhapadani:- "yo pana bhikkhu anupasampannena uttaridvirattatirattam sahaseyyam kappeyya pacittiyam. 2- Ya pana bhikkhuni anuvassam vutthapeyya pacittiyam. 3- Ya pana bhikkhuni ekam vassam dve vutthapeyya pacittiyan"ti 4- imina nayena veditabbani. Labhagganti labhassa aggam. Samgho hi yava na labhaggappatto hoti, na tava labham paticca asavatthaniya dhamma uppajjanti. Patte pana uppajjanti, atha sattha sikkhapadam pannapeti:- "yo pana bhikkhu acelakassa va paribbajakassa va paribbajikaya va sahattha khadaniyam va bhojaniyam va dadeyya pacittiyan"ti. 5- Idanhi labhaggappatte samghe sikkhapadam pannattam. Yasagganti yasassa aggam. Samgho hi yava na yasaggappatto hoti, na tava yasam paticca asavatthaniya dhamma uppajjanti. Patte pana uppajjanti, atha sattha sikkhapadam pannapeti "suramerayapane pacittiyan"ti. 6- Idanhi yasaggappatte samghe sikkhapadam pannattam. Bahusaccanti bahussutabhavam. Samgho hi yava na bahusaccappatto hoti, na tava asavatthaniya dhamma uppajjanti. Bahusaccappatte pana yasma ekampi nikayam dvepi nikaye pancapi nikaye uggahetva ayoniso ummajjamana @Footnote: 1 Si. senasane paticca asavatthaniya 2 vi. mahavi. 2/51/132 musavadavagga @3 vi. bhikkhuni. 3/1171/206 kumaribhutavagga 4 vi. bhikkhuni. 3/1175/207 @kumaribhutavagga 5 vi. mahavi. 2/270/245 acelakavagga 6 vi. mahavi. 2/327/271 @surapanavagga--------------------------------------------------------------------------------------------- page117.
Puggala rasena rasam samsandetva uddhammam ubbinayam satthusasanam dipenti. Atha sattha "yo pana bhikkhu evam vadeyya tathaham bhagavata dhammam desitam ajanami 1- .pe. Samanuddesopi ce evam vadeyya"tiadina 2- nayena sikkhapadam pannapeti. Rattannutappattoti ettha rattiyo janantiti rattannu. Attano pabbajitadivasato patthaya bahurattiyo jananti, cirapabbajitati vuttam hoti. Rattannunam bhavam rattannutam. Tatra rattannutappatte samghe upasenavangantaputtam arabbha sikkhapadam pannattanti veditabbam. So hayasma unadasavasse bhikkhu upasampadente disva ekavasso saddhiviharikam upasampadesi. Atha bhagava sikkhapadam pannapesi "na bhikkhave unadasavassena upasampadetabbo, yo upasampadeyya apatti dukkatassa"ti. 3- Evam pannatte sikkhapade puna bhikkhu "dasavassamha dasavassamha"ti bala abyatta upasampadenti. Atha bhagava aparampi sikkhapadam pannapesi "na bhikkhave balena abyattena upasampadetabbo, yo upasampadeyya, apatti dukkatassa. Anujanami bhikkhave byattena bhikkhuna patibalena dasavassena va atirekadasavassena va upasampadetun"ti. 3- Rattannutappattakale dve sikkhapadani pannattaniti. 4- [146] Ajaniyasusupamadhammapariyayam desesinti tarunajaniyaupamam katva dhammam desayim. Tatthati 5- tasmim asarane. Na kho bhaddali eseva hetuti na esa sikkhaya aparipurakaribhavoyeva eko hetu. [147] Mukhadhane karanam karetiti khalibandhadihi 6- mukhatthapane sadhukam givam pagganhapetum karanam kareti. Visukayikanitiadihi visevanacaram katheti. Sabbaneva hetani annamannavevacanani. Tasmim thaneti tasmim visevanacare. @Footnote: 1 vi. mahavi. 2/418/307 sappanakavagga 2 vi. mahavi. 2/429/314 sappanakavagga @3 vi. maha. 4/75/76 acariyavattakatha 4 cha.Ma. iti-saddo na dissati @5 cha.Ma. tatrati 6 cha.Ma. khalinabandhadihi--------------------------------------------------------------------------------------------- page118.
Parinibbayatiti nibbisevano hoti, tam visevanam jahatiti attho. Yugadhaneti yugatthapane yugassa sadhukam gahanattham. Anukkameti cattaropi pade ekappahareneva ukkhipane ca nikkhipane ca parasenaya hi 1- avate thatva asim gahetva agacchantassa assassa pade chindanti. 2- Tasmim samaye esa ekappahareneva cattaropi pade ukkhipissatiti rajjubandhanavidhanena etam karanam karenti. 3- Mandaleti yatha asse nisinnoyeva bhumiyam patitam avudham gahetum sakkoti, evam karanattham mandale karanam kareti. Khurakaseti aggaggakhurehi pathavikamane rattim okkantakalasmim hi yatha padasaddo na suyyati, tadattham ekasmim thane sannam datva aggaggakhureheva gamanam sikkhapenti, tam sandhayetam vuttam. Dhareti 4- sighavahane. "dhave"tipi patho. 5- Attano parajaye sati palayanattham, param palayantam anubandhitva gahanatthanca etam karanam kareti. Ravattheti ravatthaya. 6- Yuddhakalasmim hi hatthisu va koncanadam karontesu assesu va hasantesu rathesu va nighosantesu yodhesu va ukkutthim karontesu tassa ravassa abhayitva parasenapavesanattham idam karanam 7- kariyati. Rajaguneti ranna janitabbagune. Kutakannaranno kira gulavanno nama asso ahosi. Raja pacinadvarena nikkhamitva cetiyapabbatam gamissamiti kadambanaditiram 8- sampatto. Asso tire thatva udakam otaritum na icchati, raja assacariyam amantetva "aho taya asso sikkhapito udakam otaritum na icchati"ti aha. Acariyo susikkhapito deva asso, etassa 9- hi cittam `sacaham udakam otarissami, valam temissati, vale tinte ranno ange udakam pateyya'ti evam tumhakam sarire udakapatanabhayena na otarati, valam ganhapetha"ti aha. Raja tatha karesi. Asso vegena otaritva paragato. @Footnote: 1 Si. parasena yahim 2 Si. chindati 3 cha.Ma. karonti 4 cha.Ma. cha.Ma. javeti @5 Si. dhaveti sighajavane, dhavanetipi patho 6 cha.Ma. davatteti davattaya 7 cha.Ma. ayam karana @8 Ma. kotumbanaditiram, cha. kalambanaditiram 9 cha.Ma. evamassa--------------------------------------------------------------------------------------------- page119.
Etadattham idam karanam 1- kariyati. Rajavamseti assarajavamse. Vamso heso 2- assarajanam, tatharupena paharena chinnabhinnasarirapi assaroham parasenaya apatetva bahi niharantiyeva. Etadattham karanam karetiti attho. Uttame javeti javasampattiyam, yatha uttamajavo hoti, evam karanam karetiti attho. Uttame hayeti uttamahayabhave, yatha uttamahayo hoti, evam karanam karetiti attho. Tattha pakatiya uttamahayova uttamahayakaranam arahati, na anno. Uttamahayakaranaya evam hayo 3- uttamajavam patipajjati, na annoti. Tatridam vatthu:- eko kira raja ekam sindhavapotakam labhitva sindhavabhavam ajanitvava imam sikkhapehiti acariyassa adasi. Acariyopi tassa sindhavabhavam ajananto tam masakhadakaghotakanam karanesu upaneti. So attano ananucchavikatta karanam na patipajjati. So tam dametum asakkonto "kutasso ayam maharaja"ti vissajjapesi. Athekadivasam eko assacariyapubbako daharo upajjhayabhandakam gahetva gacchanto tam parikhapitthe carantam disva "anaggho bhante sindhavapotako"ti upajjhayassa kathesi. Sace raja janeyya, mangalassam nam kareyyati. Thero aha "micchaditthiko tata raja appeva nama budadhasasane pasideyya ranno kathehi"ti. So gantva "maharaja anaggho sindhavapotako atthi"ti kathesi. Taya dittho tatati. Ama maharajati. Kim laddhum vattatiti. Tumhakam bhunjanakasuvannathale tumhakam bhunjanakabhattam tumhakam pivanakaraso tumhakam gandha tumhakam malati. Raja sabbam dapesi. Daharo gahapetva agamasi. Asso gandham ghayitvava "mayham gunajananakaacariyo atthi manne"ti sisam ukkhipitva olokento atthasi. Daharo gantva "bhattam bhunja"ti accharam pahari. Asso agantva suvannathale bhattam bhunji, rasam pivi. Atha nam gandhehi vilimpitva rajapilandhanam pilandhitva "purato purato gaccha"ti accharam pahari. @Footnote: 1 cha.Ma. ayam karana 2 cha.Ma. ceso 3 cha.Ma. eva ca hayo--------------------------------------------------------------------------------------------- page120.
So daharassa purato purato gantva mangalassatthane atthasi. Daharo "ayam te maharaja anaggho sindhavapotako iminava nam niyamena katipaham patijaggapehi"ti vatva nikkhami. Atha katipahaccayena agantva assassa anubhavam passissasi maharajati. Sadhu acariya kuhim thatva passamati. Uyyanam gaccha maharajati. Raja assam gahapetva agamasi. Daharo accharam paharitva "etam rukkham anupariyahi"ti assassa sannam adasi. Asso pakkhanditva rukkham anuparigantva agato. Raja neva gacchantam na agacchantam addasa. Dittho te maharajati. Na dittho tatati. Valanjakadandam etam rukkham nissaya thapethati vatva accharam pahari "valanjakadandam gahetva ehi"ti. Asso pakkhanditva mukhena gahetva agato. Dittho 1- maharajati. Na dittho 1- tatati. Puna accharam pahari "uyyanassa pakaramatthakena caritva ehi"ti. Asso tatha akasi. Dittho maharajati. Na dittho tatati. Rattakambalam aharapetva assassa pade bandhapetva tatheva sannam adasi. Asso ullanghitva pakaramatthakena anupariyayi. Balavata purisena avinchanaalataggisikha viya uyyanapakaramatthake pannayittha. Asso gantva samipe thito. Dittham maharajati. Dittham tatati. Mangalapokkharanipakaramatthakena 2- anupariyahiti sannam adasi. Puna "pokkharanim otaritva padumapattesu carikam carahi"ti sannam adasi. Pokkharanim otaritva sabbapadumapatte caritva agamasi, ekam pattampi anakkantam va phalitam va chinditam va khanditam va nahosi. Dittham maharajati. Dittham tatati. Accharam paharitva tam hatthatalam upanamesi. Dhatupatthaddho langhitva hatthatale atthasi. Dittham maharajati. Dittham tatati. Evam uttamahayo evam uttamakaranaya uttamajavam patipajjati. @Footnote: 1 cha.Ma. dittham 2 cha.Ma. mangalapokkharanipakaramatthake--------------------------------------------------------------------------------------------- page121.
Uttame sakhalyeti muduvacaya. Muduvacaya hi "tata tvam ma cintayi, ranno mangalasso bhavissasi, rajabhojanadini labhissasi"ti uttamahayakaranam karetabbam. 1- Tena vuttam "uttame sakhalye"ti. Rajabhoggoti ranno upabhogo. 2- Ranno angantveva sankham gacchatiti yattha katthaci gacchantena hattham viya padam viya anohayeva gantabbam hoti. Tasma anganti sankham gacchati, catusu va senangesu ekam angam hoti. Asekkhaya sammaditthiyati arahattaphalasammaditthiya. Sammasankappadayopi tamsampayuttava. Sammananam pubbe vuttasammaditthiyeva. Thapetva pana attha phalangani sesa dhamma vimuttiti veditabba. Sesam sabbattha uttanameva. Ayam pana desana ugghatitannupuggalavasena arahattanikutam gahetva nitthapitati. Papancasudaniya majjhimanikayatthakathaya bhaddalisuttavannana nitthita. Pancamam. ---------------The Pali Atthakatha in Roman Book 9 page 115-121. http://84000.org/tipitaka/pitaka_item/read_rm.php?B=9&A=2894&modeTY=2&pagebreak=1 อรรถกถาบาลีอักษรไทย :- http://84000.org/tipitaka/pitaka_item/read_th.php?B=9&A=2894&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=13&i=160 เนื้อความพระไตรปิฎกฉบับหลวง :- http://84000.org/tipitaka/read/r.php?B=13&A=2962 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=13&A=3320 The Pali Tipitaka in Roman Character :- http://84000.org/tipitaka/read/roman_read.php?B=13&A=3320 Contents of The Tipitaka Volume 13 http://84000.org/tipitaka/read/?index_13
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]