PaliRoman Vol.19

[1355] Evamme sutam ekam samayam bhagava kimilayam viharati veluvane . tatra kho bhagava ayasmantam kimilam amantesi katham bhavito nu kho kimila anapanassatisamadhi katham bahulikato mahapphalo hoti mahanisamsoti. Evam vutte ayasma kimilo tunhi ahosi. [1356] Dutiyampi kho bhagava . tatiyampi kho bhagava ayasmantam kimilam amantesi katham bhavito nu kho kimila anapanassatisamadhi katham bahulikato mahapphalo hoti mahanisamsoti . tatiyampi kho ayasma kimilo tunhi ahosi. [1357] Evam vutte ayasma anando bhagavantam etadavoca etassa bhagava kalo etassa sugata kalo yam bhagava anapanassatisamadhim bhaseyya bhagavato sutva bhikkhu dharessantiti . Tenahananda sunahi sadhukam manasikarohi bhasissamiti . evam bhanteti kho ayasma anando bhagavato paccassosi . bhagava etadavoca katham bhavito ca ananda anapanassatisamadhi katham bahulikato mahapphalo hoti mahanisamso . idhananda bhikkhu arannagato va rukkhamulagato va sunnagaragato va nisidati pallankam abhujitva ujum kayam panidhaya parimukham satim upatthapetva . so satova assasati .pe. patinissagganupassi assasissamiti sikkhati Patinissagganupassi passasissamiti sikkhati . evam bhavito kho ananda anapanassatisamadhi evam bahulikato mahapphalo hoti mahanisamso. [1358] Yasmim samaye ananda bhikkhu digham va assasanto digham assasamiti pajanati digham va passasanto digham passasamiti pajanati . rassam va assasanto rassam assasamiti pajanati rassam va passasanto rassam passasamiti pajanati . sabbakayapatisamvedi assasissamiti sikkhati sabbakayapatisamvedi passasissamiti sikkhati . passambhayam kayasankharam assasissamiti sikkhati passambhayam kayasankharam passasissamiti sikkhati . kaye kayanupassi ananda bhikkhu tasmim samaye viharati atapi sampajano satima vineyya loke abhijjhadomassam . tam kissa hetu . kayannataraham ananda etam vadami yadidam assasappassasam . tasma tihananda kaye kayanupassi bhikkhu tasmim samaye viharati atapi sampajano satima vineyya loke abhijjhadomanassam. [1359] Yasmim samaye ananda bhikkhu pitipatisamvedi assasissamiti sikkhati pitipatisamvedi passasissamiti sikkhati . sukhapatisamvedi assasissamiti sikkhati sukhapatisamvedi passasissamiti sikkhati . Cittasankharapatisamvedi assasissamiti sikkhati cittasankharapatisamvedi passasissamiti sikkhati . passambhayam cittasankharam assasissamiti sikkhati Passambhayam cittasankharam passasissamiti sikkhati . vedanasu vedananupassi ananda bhikkhu tasmim samaye viharati atapi sampajano satima vineyya loke abhijjhadomanassam . tam kissa hetu . Vedanannataraham ananda etam vadami yadidam assasappassasanam ^1- sadhukam manasikaram . tasma tihananda vedanasu vedananupassi bhikkhu tasmim samaye viharati atapi sampajano satima vineyya loke abhijjhadomanassam. [1360] Yasmim samaye ananda bhikkhu cittapatisamvedi assasissamiti sikkhati cittapatisamvedi passasissamiti sikkhati . abhippamodayam cittam .pe. samadaham cittam . vimocayam cittam assasissamiti sikkhati vimocayam cittam passasissamiti sikkhati . citte cittanupassi ananda bhikkhu tasmim samaye viharati atapi sampajano satima vineyya loke abhijjhadomanassam . tam kissa hetu . naham ananda mutthassatissa asampajanassa anapanassatisamadhibhavanam vadami . tasma tihananda citte cittanupassi bhikkhu tasmim samaye viharati atapi sampajano satima vineyya loke abhijjhadosanassam. [1361] Yasmim samaye ananda bhikkhu aniccanupassi assasissamiti sikkhati .pe. viraganupassi nirodhanupassi patinissagganupassi assasissamiti sikkhati patinissagganupassi passasissamiti sikkhati . @Footnote: ¹ Yu. assasapassasam. Dhammesu dhammanupassi ananda bhikkhu tasmim samaye viharati atapi sampajano satima vineyya loke abhijjhadomanassam . so yantam hoti abhijjhadomanassanam pahanam tampannaya disva sadhukam ajjhupekkhita hoti . tasma tihananda dhammesu dhammanupassi bhikkhu tasmim samaye viharati atapi sampajano satima vineyya loke abhijjhadomanassam. [1362] Seyyathapi ananda catummahapathe ^1- maha pamsupunjo puratthimaya cepi disaya agaccheyya sakatam va ratho va upahanateva tam pamsupunjam . pacchimaya cepi disaya agaccheyya . uttaraya cepi disaya agaccheyya . dakkhinaya cepi disaya agaccheyya sakatam va ratho va upahanateva tam pamsupunjam . evameva kho ananda bhikkhu kaye kayanupassi viharantopi upahanateva papake akusale dhamme . vedanasu citte dhammesu dhammanupassi viharantopi upahanateva papake akusale dhammeti. Ekadhammavaggo pathamo. Tassuddanam ekadhammo ca bojjhango suddhikam ^2- ca dve phala arittho kappino dipo vesali kimilena cati. ----------- @Footnote: ¹ Ma. Yu. catumahapathe. ² Yu. suddhakanca.

The Pali Tipitaka in Roman Character Volume 19 page 408-411. https://84000.org/tipitaka/read/roman_read.php?B=19&A=7919&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=19&A=7919&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=1355&items=8 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=19&siri=308 Study Atthakatha :- https://84000.org/tipitaka/attha/attha.php?b=19&i=1355 The Pali Atthakatha in Thai :- https://84000.org/tipitaka/atthapali/read_th.php?B=13&A=7640 The Pali Atthakatha in Roman :- https://84000.org/tipitaka/atthapali/read_rm.php?B=13&A=7640 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19