PaliRoman Vol.2

Tatiyasikkhapadam [429] Tena samayena buddho bhagava sakkesu viharati kapilavatthusmim nigrodharame . tena kho pana samayena chabbaggiya bhikkhu bhikkhunupassayam upasankamitva chabbaggiya bhikkhuniyo ovadanti . bhikkhuniyo chabbaggiya bhikkhuniyo etadavocum etha ayye ovadam gamissamati. Yampi ^1- mayam ayye gaccheyyama ovadassa karana ayya chabbaggiya idheva amhe ovadantiti . bhikkhuniyo ujjhayanti khiyanti vipacenti katham hi nama chabbaggiya bhikkhu bhikkhunupassayam upasankamitva bhikkhuniyo ovadantiti ^[2]- . athakho ta bhikkhuniyo bhikkhunam etamattham arocesum. Ye te bhikkhu appiccha .pe. te ujjhayanti khiyanti vipacenti katham hi nama chabbaggiya bhikkhu bhikkhunupassayam upasankamitva bhikkhuniyo ovadantiti .pe. saccam kira tumhe bhikkhave bhikkhunupassayam upasankamitva bhikkhuniyo ovadathati . saccam bhagavati . vigarahi buddho bhagava katham hi nama tumhe moghapurisa bhikkhunupassayam upasankamitva bhikkhuniyo ovadissatha netam moghapurisa appasannanam va pasadaya .pe. Evanca pana bhikkhave imam sikkhapadam uddiseyyatha {429.1} yo pana bhikkhu bhikkhunupassayam upasankamitva bhikkhuniyo ovadeyya pacittiyanti. @Footnote: ¹ Ma. Yu. yam hi . ² Si. sabbaggiya bhikkhuniyo ovadam na gacchissantiti. {429.2} Evancidam bhagavata bhikkhunam sikkhapadam pannattam hoti. [430] Tena kho pana samayena mahapajapati gotami gilana hoti. Thera bhikkhu yena mahapajapati gotami tenupasankamimsu upasankamitva mahapajapatim gotamim etadavocum kacci te gotami khamaniyam kacci yapaniyanti. Na me ayya khamaniyam na yapaniyam inghayya dhammam desethati. Na tava ^1- bhagini kappati bhikkhunupassayam upasankamitva bhikkhuniya dhammam desetunti kukkuccayanta na desesum . athakho bhagava pubbanhasamayam nivasetva pattacivaramadaya yena mahapajapati gotami tenupasankami upasankamitva pannatte asane nisidi . nisajja kho bhagava mahapajatim gotamim etadavoca kacci te gotami khamaniyam kacci yapaniyanti . pubbe me bhante thera bhikkhu agantva dhammam desenti tena me phasu hoti idani pana bhagavata patikkhittanti kukkuccayanta na desenti tena me na phasu hotiti . athakho bhagava mahapajatim gotamim dhammiya kathaya sandassetva samadapetva samuttejetva sampahamsetva utthayasana pakkami . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave bhikkhunupassayam upasankamitva gilanam bhikkhunim ovaditum evanca pana bhikkhave imam sikkhapadam uddiseyyatha {430.1} yo pana bhikkhu bhikkhunupassayam upasankamitva bhikkhuniyo ovadeyya annatra samaya @Footnote: ¹ Ma. ayam saddo natthi. Pacittiyam tatthayam samayo gilana hoti bhikkhuni ayam tattha samayoti. [431] Yo panati yo yadiso .pe. Bhikkhuti .pe. Ayam imasmim atthe adhippeto bhikkhuti . bhikkhunupassayo nama yattha bhikkhuniyo ekarattampi vasanti . upasankamitvati tattha gantva . bhikkhuniyo nama ubhatosanghe upasampanna . ovadeyyati atthahi garudhammehi ovadati apatti pacittiyassa . annatra samayati thapetva samayam . gilana nama bhikkhuni na sakkoti ovadaya va samvasaya va gantum. [432] Upasampannaya upasampannasanni bhikkhunupassayam upasankamitva annatra samaya ovadati apatti pacittiyassa . Upasampannaya vematiko bhikkhunupassayam upasankamitva annatra samaya ovadati apatti pacittiyassa . upasampannaya anupasampannasanni bhikkhunupassayam upasankamitva annatra samaya ovadati apatti pacittiyassa. {432.1} Annena dhammena ovadati apatti dukkatassa . Ekato upasampannam ovadati apatti dukkatassa . anupasampannaya upasampannasanni apatti dukkatassa . anupasampannaya vematiko apatti dukkatassa . anupasampannaya anupasampannasanni anapatti. [433] Anapatti samaye uddesam dento paripuccham dento Osarehi ayyati vuccamano osareti panham pucchati panham puttho katheti annassatthaya bhanantam bhikkhuniyo sunanti sikkhamanaya samaneriya ummattakassa adikammikassati. Tatiyasikkhapadam nitthitam. -------

The Pali Tipitaka in Roman Character Volume 2 page 277-280. https://84000.org/tipitaka/read/roman_read.php?B=2&A=4998&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=4998&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=429&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=59 Study Atthakatha :- https://84000.org/tipitaka/attha/attha.php?b=2&i=429 The Pali Atthakatha in Thai :- https://84000.org/tipitaka/atthapali/read_th.php?B=2&A=7871 The Pali Atthakatha in Roman :- https://84000.org/tipitaka/atthapali/read_rm.php?B=2&A=7871 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2