|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
Catutthasikkhapadam [434] Tena samayena buddho bhagava savatthiyam viharati jetavane anathapindikassa arame . tena kho pana samayena thera bhikkhu bhikkhuniyo ovadanta labhino honti civarapindapatasenasana- gilanapaccayabhesajjaparikkharanam . chabbaggiya bhikkhu evam vadenti 1- na bahukata thera bhikkhu bhikkhuniyo ovaditum amisahetu thera bhikkhu bhikkhuniyo ovadantiti . ye te bhikkhu appiccha .pe. Te ujjhayanti khiyanti vipacenti katham hi nama chabbaggiya bhikkhu evam vakkhanti na bahukata thera bhikkhu bhikkhuniyo ovaditum amisahetu thera bhikkhu bhikkhuniyo ovadantiti .pe. saccam kira tumhe bhikkhave evam vadetha na bahukata thera bhikkhu bhikkhuniyo ovaditum amisahetu thera bhikkhu bhikkhuniyo ovadantiti . saccam bhagavati . vigarahi buddho bhagava katham nama tumhe moghapurisa evam vakkhatha na bahukata thera bhikkhu bhikkhuniyo ovaditum amisahetu thera bhikkhu bhikkhuniyo ovadantiti netam moghapurisa appasannanam va pasadaya .pe. evanca pana bhikkhave imam sikkhapadam uddiseyyatha {434.1} yo pana bhikkhu evam vadeyya amisahetu [2]- bhikkhu bhikkhuniyo ovadantiti pacittiyanti. @Footnote: 1 Ma. Yu. vadanti . 2 Ma. thera.--------------------------------------------------------------------------------------------- page282.
[435] Yo panati yo yadiso .pe. Bhikkhuti .pe. Ayam imasmim atthe adhippeto bhikkhuti . amisahetuti civarahetu pindapatahetu senasanahetu gilanapaccayabhesajjaparikkharahetu sakkarahetu garukarahetu mananahetu vandanahetu pujanahetu. [436] Evam vadeyyati upasampannam sanghena sammatam bhikkhunovadakam avannam kattukamo ayasam kattukamo mankukattukamo evam vadeti civarahetu pindapatahetu senasanahetu gilanapaccayabhesajja- parikkharahetu sakkarahetu garukarahetu mananahetu vandanahetu pujanahetu ovadatiti bhanati apatti pacittiyassa. [437] Dhammakamme dhammakammasanni evam vadeti apatti pacittiyassa . dhammakamme vematiko evam vadeti apatti pacittiyassa . dhammakamme adhammakammasanni evam vadeti apatti pacittiyassa. [438] Upasampannam sanghena asammatam bhikkhunovadakam avannam kattukamo ayasam kattukamo mankukattukamo evam vadeti civarahetu pindapatahetu senasanahetu gilanapaccayabhesajjaparikkharahetu sakkarahetu garukarahetu mananahetu vandanahetu pujanahetu ovadatiti bhanati apatti dukkatassa. [439] Anupasampannam sanghena sammatam va asammatam va bhikkhunovadakam avannam kattukamo ayasam kattukamo mankukattukamo evam--------------------------------------------------------------------------------------------- page283.
Vadeti civarahetu pindapatahetu senasanahetu gilanapaccaya- bhesajjaparikkharahetu sakkarahetu garukarahetu mananahetu vandanahetu pujanahetu ovadatiti bhanati apatti dukkatassa. [440] Adhammakamme dhammakammasanni apatti dukkatassa . Adhammakamme vematiko apatti dukkatassa . adhammakamme adhammakammasanni apatti dukkatassa. [441] Anapatti pakatiya civarahetu pindapatahetu senasanahetu gilanapaccayabhesajjaparikkharahetu sakkarahetu garukarahetu mananahetu vandanahetu pujanahetu ovadantam bhanati ummattakassa adikammikassati. Catutthasikkhapadam nitthitam. -------The Pali Tipitaka in Roman Character Volume 2 page 281-283. https://84000.org/tipitaka/read/roman_read.php?B=2&A=5063&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=5063&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=434&items=8 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=60 Study Atthakatha :- https://84000.org/tipitaka/attha/attha.php?b=2&i=434 The Pali Atthakatha in Thai :- https://84000.org/tipitaka/atthapali/read_th.php?B=2&A=7898 The Pali Atthakatha in Roman :- https://84000.org/tipitaka/atthapali/read_rm.php?B=2&A=7898 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]