|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
Pancamasikkhapadam [648] Tena samayena buddho bhagava rajagahe viharati veluvane kalandakanivape . tena kho pana samayena rajagahe sattarasavaggiya daraka sahayaka honti . upali darako tesam pamukho 1- hoti. Athakho upalissa matapitunam 2- etadahosi kena nu kho upayena upali amhakam accayena sukhanca jiveyya na ca kilameyyati . Athakho upalissa matapitunam etadahosi sace kho upali lekham sikkheyya evam kho upali amhakam accayena sukhanca jiveyya na ca kilameyyati. {648.1} Athakho upalissa matapitunam etadahosi sace kho upali lekham sikkhissati anguliyo 3- dukkha bhavissanti sace kho upali gananam sikkheyya evam kho upali amhakam accayena sukhanca jiveyya na ca kilameyyati . athakho upalissa matapitunam etadahosi sace kho upali gananam sikkhissati urassa dukkho bhavissati sace kho upali rupam sikkheyya evam kho upali amhakam accayena sukhanca jiveyya na ca kilameyyati . athakho upalissa matapitunam etadahosi sace kho upali rupam sikkhissati akkhinissa dukkhani 4- bhavissanti ime kho samana sakyaputtiya sukhasila sukhasamacara subhojanani bhunjitva nivatesu @Footnote: 1 Ma. Yu. pamokkho . 2 Yu. matapitunnam . 3 Yu. anguliyassa 4 Ma. akkhini @dukkha.--------------------------------------------------------------------------------------------- page422.
Sayanesu sayanti sace kho upali samanesu sakyaputtiyesu pabbajeyya evam kho upali amhakam accayena sukhanca jiveyya na ca kilameyyati. [649] Assosi kho upali darako matapitunam imam kathasallapam. Athakho upali darako yena te daraka tenupasankami upasankamitva te darake etadavoca etha mayam ayya samanesu sakyaputtiyesu pabbajissamati . sace kho tvam ayya pabbajissasi evam mayampi pabbajissamati . athakho te daraka ekamekassa matapitaro upasankamitva etadavocum anujanatha amhakam agarasma anagariyam pabbajjayati . athakho tesam darakanam matapitaro sabbepime daraka samanacchanda kalyanadhippayati anujanimsu . Te bhikkhu upasankamitva pabbajjam yacimsu. {649.1} Te bhikkhu pabbajesum upasampadesum . te rattiya paccusasamayam paccutthaya rodanti yagum detha bhattam detha khadaniyam dethati . bhikkhu evamahamsu agamethavuso yava ratti vibhayati sace yagu bhavissati pivissatha sace bhattam bhavissati bhunjissatha sace khadaniyam bhavissati khadissatha no ce bhavissati yagu va bhattam va khadaniyam va pindaya caritva bhunjissathati . evampi kho te bhikkhu bhikkhuhi vuccamana rodantiyeva yagum detha bhattam detha khadaniyam dethati senasanam uhadantipi ummihantipi.--------------------------------------------------------------------------------------------- page423.
[650] Assosi kho bhagava rattiya paccusasamayam paccutthaya darakasaddam sutvana ayasmantam anandam amantesi kim nu kho so ananda darakasaddoti . athakho ayasma anando bhagavato etamattham arocesi . athakho bhagava etasmim nidane etasmim pakarane bhikkhusangham sannipatapetva bhikkhu patipucchi saccam kira bhikkhave bhikkhu janam unavisativassam puggalam upasampadentiti . saccam bhagavati . vigarahi buddho bhagava katham hi nama te bhikkhave moghapurisa janam unavisativassam puggalam upasampadessanti unavisativasso bhikkhave puggalo akkhamo hoti sitassa unhassa jighacchaya pipasaya damsamakasavatatapasirimsapasamphassanam 1- duruttanam duragatanam vacanapathanam uppannanam saririkanam vedananam dukkhanam tibbanam kharanam katukanam asatanam amanapanam panaharanam anadhivasakajatiko hoti visativasso ca 2- kho bhikkhave puggalo khamo hoti sitassa unhassa jighacchaya pipasaya damsamakasavatatapasirimsapa- samphassanam duruttanam duragatanam vacanapathanam uppannanam saririkanam vedananam dukkhanam tibbanam kharanam katukanam asatanam amanapanam panaharanam adhivasakajatiko hoti netam bhikkhave appasannanam va pasadaya pasannanam va bhiyyobhavaya .pe. Evanca pana bhikkhave imam sikkhapadam uddiseyyatha {650.1} yo pana bhikkhu janam unavisativassam puggalam upasampadeyya so ca puggalo @Footnote: 1 Ma. sabbattha-sarisapa- . 2 Ma. va..--------------------------------------------------------------------------------------------- page424.
Anupasampanno te ca bhikkhu garayha idam tasmim pacittiyanti. [651] Yo panati yo yadiso .pe. Bhikkhuti .pe. Ayam imasmim atthe adhippeto bhikkhuti . janati nama samam va janati anne va tassa arocenti so va aroceti . unavisativasso nama appattavisativasso . upasampadessamiti ganam va acariyam va pattam va civaram va pariyesati simam va sammannati apatti dukkatassa. Nattiya dukkatam . dvihi kammavacahi dukkata . kammavaca- pariyosane upajjhayassa apatti pacittiyassa ganassa ca acariyassa ca apatti dukkatassa. [652] Unavisativasse unavisativassasanni upasampadeti apatti pacittiyassa . unavisativasse vematiko upasampadeti apatti dukkatassa . unavisativasse paripunnavisativassasanni upasampadeti anapatti . paripunnavisativasse unavisativassasanni apatti dukkatassa . puripunnavisativasse vematiko apatti dukkatassa . Paripunnavisativasse paripunnavisativassasanni anapatti. [653] Anapatti unavisativassam puggalam paripunnavisativassasanni upasampadeti paripunnavisativassam paripunnavisativassasanni upasampadeti ummattakassa adikammikassati. Pancamasikkhapadam nitthitam ---------The Pali Tipitaka in Roman Character Volume 2 page 421-424. https://84000.org/tipitaka/read/roman_read.php?B=2&A=7569&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=7569&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=648&items=6 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=101 Study Atthakatha :- https://84000.org/tipitaka/attha/attha.php?b=2&i=648 The Pali Atthakatha in Thai :- https://84000.org/tipitaka/atthapali/read_th.php?B=2&A=9723 The Pali Atthakatha in Roman :- https://84000.org/tipitaka/atthapali/read_rm.php?B=2&A=9723 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]