|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 4 : PALI ROMAN Vinaya Pitaka Vol 4 : Vinaya. Mahā (1)
[118] Athakho bhagava rajagahe yathabhirantam viharitva yena kapilavatthu tena carikam pakkami anupubbena carikam caramano yena kapilavatthu tadavasari . tatra sudam bhagava sakkesu viharati kapilavatthusmim nigrodharame . athakho bhagava pubbanhasamayam nivasetva pattacivaramadaya yena suddhodanassa sakkassa nivesanam tenupasankami upasankamitva pannatte asane nisidi . athakho rahulamata devi rahulam kumaram 1- etadavoca eso te rahula pita gacchassa 2- dayajjam yacahiti . athakho rahulo kumaro @Footnote: 1 sabbattha rahulakumaranti dissati . 2 gaccha assati.--------------------------------------------------------------------------------------------- page168.
Yena bhagava tenupasankami upasankamitva bhagavato purato atthasi sukha te samana chayati . athakho bhagava utthayasana pakkami . Athakho rahulo kumaro bhagavantam pitthito pitthito anubandhi dayajjam me samana dehi dayajjam me samana dehiti . athakho bhagava ayasmantam sariputtam amantesi tenahi tvam sariputta rahulam kumaram pabbajehiti. Kathaham bhante rahulam kumaram pabbajemiti. {118.1} Athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave tihi saranagamanehi samanerapabbajjam evanca pana bhikkhave pabbajetabbo pathamam kesamassum oharapetva kasayani vatthani acchadapetva ekamsam uttarasangam karapetva bhikkhunam pade vandapetva ukkutikam nisidapetva anjalim pagganhapetva evam vadehiti vattabbo buddham saranam gacchami dhammam saranam gacchami sangham saranam gacchami dutiyampi buddham saranam gacchami dutiyampi dhammam saranam gacchami dutiyampi sangham saranam gacchami tatiyampi buddham saranam gacchami tatiyampi dhammam saranam gacchami tatiyampi sangham saranam gacchamiti anujanami bhikkhave imehi tihi saranagamanehi samanerapabbajjanti. {118.2} Athakho ayasma sariputto rahulam kumaram pabbajesi. Athakho suddhodano sakko yena bhagava tenupasankami upasankamitva @Footnote: 1 padacchedo yebhuyyena pana gacchassuti dissati.--------------------------------------------------------------------------------------------- page169.
Bhagavantam abhivadetva ekamantam nisidi ekamantam nisinno kho suddhodano sakko bhagavantam etadavoca ekaham bhante bhagavantam varam yacamiti . atikkantavara kho gotama tathagatati . yanca bhante kappati yanca anavajjanti . tam vadehi gotamati . bhagavati me bhante pabbajite anappakam dukkham ahosi tatha nande adhimattam rahule puttapemam bhante chavim chindati chavim chetva cammam chindati cammam chetva mamsam chindati mamsam chetva nharum chindati nharum chetva atthim chindati atthim chetva atthiminjam ahacca titthati sadhu bhante ayya ananunnatam matapituhi puttam na pabbajeyyunti. {118.3} Athakho bhagava suddhodanam sakkam dhammiya kathaya sandassesi samadapesi samuttejesi sampahamsesi . athakho suddhodano sakko bhagavata dhammiya kathaya sandassito samadapito samuttejito sampahamsito utthayasana bhagavantam abhivadetva padakkhinam katva pakkami . athakho bhagava etasmim nidane etasmim pakarane dhammim katham katva bhikkhu amantesi na bhikkhave ananunnato matapituhi putto pabbajetabbo yo pabbajeyya apatti dukkatassati. {118.4} Athakho bhagava kapilavatthusmim yathabhirantam viharitva yena savatthi tena carikam pakkami anupubbena carikam carimano yena savatthi tadavasari . tatra sudam bhagava savatthiyam viharati jetavane anathapindikassa arame.--------------------------------------------------------------------------------------------- page170.
[119] Tena kho pana samayena ayasmato sariputtassa upatthakakulam ayasmato sariputtassa santike darakam pahesi imam darakam thero pabbajetuti . athakho ayasmato sariputtassa etadahosi bhagavata pannattam na ekena dve samanera upatthapetabbati ayanca me rahulo samanero katham nu kho maya patipajjitabbanti . bhagavato etamattham arocesi . Anujanami bhikkhave byattena bhikkhuna patibalena ekena dve samanere upatthapetum yavatake va pana ussahati ovaditum anusasitum tavatake upatthapetunti. [120] Athakho samaneranam etadahosi kati nu kho amhakam sikkhapadani kattha ca amhehi sikkhitabbanti . bhagavato etamattham arocesum . anujanami bhikkhave samaneranam dasa sikkhapadani tesu ca samanerehi sikkhitum panatipata veramani adinnadana veramani abrahmacariya veramani musavada veramani suramerayamajja- pamadatthana veramani vikalabhojana veramani naccagitavaditavisukadassana veramani malagandhavilepanadharanamandanavibhusanatthana veramani uccasayanamahasayana veramani jataruparajatapatiggahana veramani anujanami bhikkhave samaneranam imani dasa sikkhapadani imesu ca samanerehi sikkhitunti.The Pali Tipitaka in Roman Character Volume 4 page 167-170. https://84000.org/tipitaka/read/roman_read.php?B=4&A=3442&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=4&A=3442&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=4&item=118&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=4&siri=40 Study Atthakatha :- https://84000.org/tipitaka/attha/attha.php?b=4&i=118 The Pali Atthakatha in Thai :- https://84000.org/tipitaka/atthapali/read_th.php?B=3&A=1483 The Pali Atthakatha in Roman :- https://84000.org/tipitaka/atthapali/read_rm.php?B=3&A=1483 Contents of The Tipitaka Volume 4 https://84000.org/tipitaka/read/?index_4 https://84000.org/tipitaka/english/?index_4
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]