|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 5 : PALI ROMAN Vinaya Pitaka Vol 5 : Vinaya. Mahā (2)
Kosambikkhandhakam [238] Tena samayena buddho bhagava kosambiyam viharati ghositarame . tena kho pana samayena annataro bhikkhu apattim apanno hoti . so tassa apattiya apattiditthi hoti anne bhikkhu tassa apattiya anapattiditthino honti . So aparena samayena tassa apattiya anapattiditthi hoti anne bhikkhu tassa apattiya apattiditthino honti . Athakho te bhikkhu tam bhikkhum etadavocum apattim tvam *- avuso apanno passasetam apattinti. Natthi me avuso apatti yamaham passeyyanti. {238.1} Athakho te bhikkhu samaggim labhitva tam bhikkhum apattiya adassane ukkhipimsu . so ca bhikkhu bahussuto hoti agatagamo dhammadharo vinayadharo matikadharo pandito byatto medhavi lajji kukkuccako sikkhakamo . athakho so bhikkhu sanditthe sambhatte bhikkhu upasankamitva etadavoca anapatti esa avuso nesa apatti anapannomhi namhi apanno anukkhittomhi namhi ukkhitto adhammikenamhi kammena ukkhitto kuppena atthanarahena hotha me ayasmanto dhammato vinayato pakkhati . alabhi kho so bhikkhu sanditthe sambhatte bhikkhu pakkhe . janapadanam [1]- ca sanditthanam sambhattanam bhikkhunam santike dutam pahesi anapatti esa avuso @Footnote: 1 Ma. Yu. pisaddo. @* mikarkr khagoe tavam peDna tvam--------------------------------------------------------------------------------------------- page313.
Nesa apatti anapannomhi namhi apanno anukkhittomhi namhi ukkhitto adhammikenamhi kammena ukkhitto kuppena atthanarahena hontu me ayasmanto dhammato vinayato pakkhati . Alabhi kho so bhikkhu janapadepi sanditthe sambhatte bhikkhu pakkhe. {238.2} Athakho te ukkhittanuvattaka bhikkhu yena ukkhepaka bhikkhu tenupasankamimsu upasankamitva ukkhepake bhikkhu etadavocum anapatti esa avuso nesa apatti anapanno eso bhikkhu neso bhikkhu apanno anukkhitto eso bhikkhu neso bhikkhu ukkhitto adhammikena kammena ukkhitto kuppena atthanarahenati. {238.3} Evam vutte ukkhepaka bhikkhu ukkhittanuvattake bhikkhu etadavocum apatti esa avuso nesa anapatti apanno eso bhikkhu neso bhikkhu anapanno ukkhitto eso bhikkhu neso bhikkhu anukkhitto dhammikena kammena ukkhitto akuppena thanarahena ma kho tumhe ayasmanto etam ukkhittakam bhikkhum anuvattittha anuparivarethati. Evampi kho te ukkhittanuvattaka bhikkhu ukkhepakehi bhikkhuhi vuccamana tatheva tam ukkhittakam bhikkhum anuvattimsu anuparivaresum. [239] Athakho annataro bhikkhu yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho so bhikkhu bhagavantam etadavoca idha bhante annataro bhikkhu apattim apanno ahosi so tassa apattiya apattiditthi--------------------------------------------------------------------------------------------- page314.
Ahosi anne bhikkhu tassa apattiya anapattiditthino ahesum so aparena samayena tassa apattiya anapattiditthi ahosi anne bhikkhu tassa apattiya apattiditthino ahesum athakho te bhante bhikkhu tam bhikkhum etadavocum apattim tvam avuso apanno passasetam apattinti natthi me avuso apatti yamaham passeyyanti athakho te bhante bhikkhu samaggim labhitva tam bhikkhum apattiya adassane ukkhipimsu so ca bhante bhikkhu bahussuto agatagamo dhammadharo vinayadharo matikadharo pandito byatto medhavi lajji kukkuccako sikkhakamo athakho so bhante bhikkhu sanditthe sambhatte bhikkhu upasankamitva etadavoca anapatti esa avuso nesa apatti anapannomhi namhi apanno anukkhittomhi namhi ukkhitto adhammikenamhi kammena ukkhitto kuppena atthanarahena hotha me ayasmanto dhammato vinayato pakkhati alabhi kho so bhante bhikkhu sanditthe sambhatte bhikkhu pakkhe janapadanampi sanditthanam sambhattanam [1]- santike dutam pahesi anapatti esa avuso nesa apatti anapannomhi namhi apanno anukkhittomhi namhi ukkhitto adhammikenamhi kammena ukkhitto kuppena atthanarahena hontu me ayasmanto dhammato vinayato pakkhati alabhi kho so bhante bhikkhu janapadepi sanditthe @Footnote: 1 Ma. bhikkhunam.--------------------------------------------------------------------------------------------- page315.
Sambhatte bhikkhu pakkhe {239.1} athakho te bhante ukkhittanuvattaka bhikkhu yena ukkhepaka bhikkhu tenupasankamimsu upasankamitva ukkhepake bhikkhu etadavocum anapatti esa avuso nesa apatti anapanno eso bhikkhu neso bhikkhu apanno anukkhitto eso bhikkhu neso bhikkhu ukkhitto adhammikena kammena ukkhitto kuppena atthanarahenati evam vutte [1]- bhante ukkhepaka bhikkhu ukkhittanuvattake bhikkhu etadavocum apatti esa avuso nesa anapatti apanno eso bhikkhu neso bhikkhu anapanno ukkhitto eso bhikkhu neso bhikkhu anukkhitto dhammikena kammena ukkhitto akuppena thanarahena ma kho tumhe ayasmanto etam ukkhittakam bhikkhum anuvattittha anuparivarethati evampi kho te bhante ukkhittanuvattaka bhikkhu ukkhepakehi bhikkhuhi vuccamana tatheva tam ukkhittakam bhikkhum anuvattanti anuparivarentiti. {239.2} Athakho bhagava bhinno bhikkhusangho bhinno bhikkhusanghoti utthayasana yena ukkhepaka bhikkhu tenupasankami upasankamitva pannatte asane nisidi . nisajja kho bhagava ukkhepake bhikkhu etadavoca ma kho tumhe bhikkhave patibhati no patibhati noti yasmim va tasmim va bhikkhum ukkhipitabbam mannittha. {239.3} Idha pana bhikkhave bhikkhu apattim apanno hoti . so tassa apattiya anapattiditthi hoti anne bhikkhu tassa apattiya apattiditthino @Footnote: 1 Po. Ma. te.--------------------------------------------------------------------------------------------- page316.
Honti . te ce bhikkhave bhikkhu tam bhikkhum evam jananti ayam kho ayasma bahussuto .pe. sikkhakamo sace mayam imam bhikkhum apattiya adassane ukkhipissama na mayam imina bhikkhuna saddhim uposatham karissama vina imina bhikkhuna uposatham karissama bhavissati sanghassa tatonidanam bhandanam kalaho viggaho vivado sanghabhedo sangharaji sanghavavatthanam sanghananakarananti . bhedagarukehi bhikkhave bhikkhuhi na so bhikkhu apattiya adassane ukkhipitabbo. {239.4} Idha pana bhikkhave bhikkhu apattim apanno hoti. So tassa apattiya anapattiditthi hoti anne bhikkhu tassa apattiya apattiditthino honti . te ce bhikkhave bhikkhu tam bhikkhum evam jananti ayam kho ayasma bahussuto .pe. sikkhakamo sace mayam imam bhikkhum apattiya adassane ukkhipissama na mayam imina bhikkhuna saddhim pavaressama vina imina bhikkhuna pavaressama na mayam imina bhikkhuna saddhim sanghakammam karissama vina imina bhikkhuna sanghakammam karissama na mayam imina bhikkhuna saddhim asane nisidissama vina imina bhikkhuna asane nisidissama na mayam imina bhikkhuna saddhim yagupane nisidissama vina imina bhikkhuna yagupane nisidissama na mayam imina bhikkhuna saddhim bhattagge nisidissama vina imina bhikkhuna bhattagge nisidissama na mayam imina bhikkhuna saddhim ekacchanne vasissama vina imina--------------------------------------------------------------------------------------------- page317.
Bhikkhuna ekacchanne vasissama na mayam imina bhikkhuna saddhim yathavuddham abhivadanam paccutthanam anjalikammam samicikammam karissama vina imina bhikkhuna yathavuddham abhivadanam paccutthanam anjalikammam samicikammam karissama bhavissati sanghassa tatonidanam bhandanam kalaho viggaho vivado sanghabhedo sangharaji sanghavavatthanam sanghananakarananti . bhedagarukehi bhikkhave bhikkhuhi na so bhikkhu apattiya adassane ukkhipitabboti. {239.5} Athakho bhagava ukkhepakanam bhikkhunam etamattham bhasitva utthayasana yena ukkhittanuvattaka bhikkhu tenupasankami upasankamitva pannatte asane nisidi . nisajja kho bhagava ukkhittanuvattake bhikkhu etadavoca ma kho tumhe bhikkhave apattim apajjitva namha apanna namha apannati apattim na patikatabbam mannittha. {239.6} Idha pana bhikkhave bhikkhu apattim apanno hoti . So tassa apattiya anapattiditthi hoti anne bhikkhu tassa apattiya apattidatthino honti . so ce bhikkhave bhikkhu te bhikkhu evam janati ime kho ayasmanto 1- bahussuta .pe. Sikkhakama nalam mamam va karana annesam va karana chanda dosa moha bhaya agatim gantum sace mam ime bhikkhu apattiya adassane ukkhipissanti na maya saddhim uposatham karissanti vina maya uposatham karissanti @Footnote: 1 Si. Yu. ayasmanta.--------------------------------------------------------------------------------------------- page318.
Bhavissati sanghassa tatonidanam bhandanam kalaho viggaho vivado sanghabhedo sangharaji sanghavavatthanam sanghananakarananti . bhedagarukena bhikkhave bhikkhuna paresampi saddhaya sa apatti desetabba. {239.7} Idha pana bhikkhave bhikkhu apattim apanno hoti . So tassa apattiya anapattiditthi hoti anne bhikkhu tassa apattiya apattiditthino honti . so ce bhikkhave bhikkhu te bhikkhu evam janati ime kho ayasmanto bahussuta .pe. Sikkhakama nalam mamam va karana annesam va karana chanda dosa moha bhaya agatim gantum sace mam ime bhikkhu apattiya adassane ukkhipissanti na maya saddhim pavaressanti vina maya pavaressanti na maya saddhim sanghakammam karissanti vina maya sanghakammam karissanti na maya saddhim asane nisidissanti vina maya asane nisidissanti na maya saddhim yagupane nisidissanti vina maya yagupane nisidissanti na maya saddhim bhattagge nisidissanti vina maya bhattagge nisidissanti na maya saddhim ekacchanne vasissanti vina maya ekacchanne vasissanti na maya saddhim yathavuddham abhivadanam paccutthanam anjalikammam samicikammam karissanti vina maya yathavuddham abhivadanam paccutthanam anjalikammam samicikammam karissanti bhavissati sanghassa tatonidanam bhandanam kalaho viggaho vivado sanghabhedo sangharaji sanghavavatthanam--------------------------------------------------------------------------------------------- page319.
Sanghananakarananti . bhedagarukena bhikkhave bhikkhuna paresampi saddhaya sa apatti desetabbati . athakho bhagava ukkhittanuvattakanam bhikkhunam etamattham bhasitva utthayasana pakkami.The Pali Tipitaka in Roman Character Volume 5 page 312-319. https://84000.org/tipitaka/read/roman_read.php?B=5&A=6461&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=5&A=6461&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=5&item=238&items=2 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=5&siri=58 Study Atthakatha :- https://84000.org/tipitaka/attha/attha.php?b=5&i=238 The Pali Atthakatha in Thai :- https://84000.org/tipitaka/atthapali/read_th.php?B=3&A=5476 The Pali Atthakatha in Roman :- https://84000.org/tipitaka/atthapali/read_rm.php?B=3&A=5476 Contents of The Tipitaka Volume 5 https://84000.org/tipitaka/read/?index_5 https://84000.org/tipitaka/english/?index_5
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]