PaliRoman Vol.7

[349] Athakho devadattassa rahogatassa patisallinassa evancetaso parivitakko udapadi kam ^5- nu kho aham pasadeyyam yasmim @Footnote: ¹ Yu. rakkhito. ² Yu. ayam patho natthi. ³ Yu. itisaddo natthi. @⁴ Ma. Yu. sukhim. ⁵ Yu. kim.

--------------------------------------------------------------------------------------------- page164.

Me pasanne bahu labhasakkaro uppajjeyyati . athakho devadattassa etadahosi ayam kho ajatasattu kumaro taruno ceva ayatim bhaddo ca yannunaham ajatasattum kumaram pasadeyyam tasmim me pasanne bahu labhasakkaro uppajjissatiti . athakho devadatto senasanam samsametva pattacivaramadaya yena rajagaham tena pakkami anupubbena yena rajagaham tadavasari . athakho devadatto sakavannam patisamharitva kumarakavannam abhinimmitva ^1- ahimekhalikaya ajatasattussa kumarassa uccanke ^2- paturahosi. {349.1} Athakho ajatasattu kumaro bhito ahosi ubbiggo ussanki utrasto . athakho devadatto ajatasattum kumaram etadavoca bhayasi mam tvam kumarati . ama bhayami kosi tvanti . aham devadattoti . sace kho tvam bhante ayyo devadatto ingha sakeneva vannena patubhavassuti. {349.2} Athakho devadatto kumarakavannam patisamharitva sanghatipattacivaradharo ajatasattussa kumarassa purato atthasi . Athakho ajatasattu kumaro devadattassa imina iddhipatihariyena abhippasanno pancahi rathasatehi sayam patam upatthanam gacchati . Panca ca thalipakasatani bhattabhiharo abhihariyyati . Athakho devadattassa labhasakkarasilokena abhibhutassa pariyadinnacittassa evarupam icchagatam uppajji aham bhikkhusangham @Footnote: ¹ Ma. Yu. abhinimminitva. ² Ma. Yu. ucchange. Ra. uccange.

--------------------------------------------------------------------------------------------- page165.

Pariharissamiti saha cittuppada va devadatto tassa iddhiya parihayi. [350] Tena kho samayena kakkudho ^1- nama koliyaputto ayasmato mahamoggallanassa upatthako adhuna kalakato annataram manomayam kayam upapanno . tassa evarupo attabhavapatilabho hoti seyyathapi nama dve va tini va magadhikani ^2- gamakkhettani. So tena attabhavapatilabhena neva attanam na param byabadheti . Athakho kakkudho devaputto yenayasma mahamoggallano tenupasankami upasankamitva ayasmantam mahamoggalanam abhivadetva ekamantam atthasi . ekamantam thito kho kakkudho devaputto ayasmantam mahamoggallanam etadavoca devadattassa bhante labhasakkarasilokena abhibhutassa pariyadinnacittassa evarupam icchagatam uppajji aham bhikkhusangham pariharissamiti saha cittuppada va bhante devadatto tassa iddhiya parihinoti . idamavoca kakkudho devaputto idam vatva ayasmantam mahamoggallanam abhivadetva padakkhinam katva tattheva antaradhayi. [351] Athakho ayasma mahamoggallano yena bhagava tenupasankami upasankamitva bhagavantam abhivadetva ekamantam @Footnote: ¹ Ma. Yu. Ra. kakudho. ² Ma. Yu. magadhakani.

--------------------------------------------------------------------------------------------- page166.

Nisidi . ekamantam nisinno kho ayasma mahamoggallano bhagavantam etadavoca kakkudho nama bhante koliyaputto mama upatthako adhuna kalakato annataram manomayam kayam upapanno tassa evarupo attabhavapatilabho seyyathapi nama dve va tini va magadhikani gamakkhettani so tena attabhavapatilabhena neva attanam na param byabadheti athakho bhante kakkudho devaputto yenaham tenupasankami upasankamitva mam abhivadetva ekamantam atthasi ekamantam thito kho bhante kakkudho devaputto mam etadavoca devadattassa bhante labhasakkarasilokena abhibhutassa pariyadinnacittassa evarupam icchagatam uppajji aham bhikkhusangham pariharissamiti saha cittuppada va bhante devadatto tassa iddhiya parihinoti idamavoca bhante kakkudho devaputto idam vatva mam abhivadetva padakkhinam katva tattheva antaradhayiti . Kim pana te moggallana kakkudho devaputto cetasa ceto paricca vidito yankinci kakkudho devaputto bhasati sabbantam tatheva hoti no annathati . cetasa ceto paricca vidito va me bhante kakkudho devaputto yankinci kakkudho devaputto bhasati sabbantam tatheva hoti no annathati . rakkhassetam moggallana vacam rakkhassetam moggallana vacam idani so moghapuriso attana va attanam patukarissati.

--------------------------------------------------------------------------------------------- page167.

[352] Pancime moggallana sattharo santo samvijjamana lokasmim . katame panca . idha moggallana ekacco sattha aparisuddhasilo samano parisuddhasilomhiti patijanati parisuddham me silam pariyodatam asankilitthanti ca ^1- . tamenam savaka evam jananti ayam kho bhavam sattha aparisuddhasilo samano parisuddhasilomhiti patijanati parisuddham me silam pariyodatam asankilitthanti ca mayam ceva kho pana gihinam aroceyyama nassassa manapam yam kho panassa amanapam kathantam ^2- mayam tena samudacareyyama sammannati kho pana civarapindapatasenasanagilanapaccayabhesajjaparikkharena yam tumo karissati tumo va tena pannayissatiti . evarupam kho moggallana sattharam savaka silato rakkhanti . evarupo ca pana sattha savakehi silato rakkham paccasimsati. [353] Puna caparam moggalana idhekacco sattha aparisuddhajivo samano parisuddhajivomhiti patijanati parisuddho me ajivo pariyodato asankilitthoti ca . tamenam savaka evam jananti ayam kho bhavam sattha aparisuddhajivo samano parisuddhajivomhiti patijanati parisuddho me ajivo pariyodato asankilitthoti ca mayam ceva kho pana gihinam aroceyyama nassassa manapam yam kho panassa amanapam kathantam mayam tena samudacareyyama @Footnote: ¹ Yu. casaddo na pannayati. ² Ma. Yu. katham nam.

--------------------------------------------------------------------------------------------- page168.

Sammannati kho pana civarapindapatasenasanagilanapaccaya- bhesajjaparikkharena yam tumo karissati tumo va tena pannayissatiti. Evarupam kho moggallana sattharam savaka ajivato rakkhanti . Evarupo ca pana sattha savakehi ajivato rakkham paccasimsati. [354] Puna caparam moggallana idhekacco sattha aparisuddha- dhammadesano samano parisuddhadhammadesanomhiti patijanati parisuddha me dhammadesana pariyodata asankilitthati ca . tamenam savaka evam jananti ayam kho bhavam sattha aparisuddhadhammadesano samano parisuddhadhammadesanomhiti patijanati parisuddha me dhammadesana pariyodata asankilitthati ca mayam ceva kho pana gihinam aroceyyama nassassa manapam yam kho panassa amanapam kathantam mayam tena samudacareyyama sammannati kho pana civarapindapatasenasana- gilanapaccayabhesajjaparikkharena yam tumo karissati tumo va tena pannayissatiti . evarupam kho moggallana sattharam savaka dhammadesanato rakkhanti . evarupo ca pana sattha savakehi dhammadesanato rakkham paccasimsati. [355] Puna caparam moggallana idhekacco sattha aparisuddha- veyyakarano samano parisuddhaveyyakaranomhiti patijanati parisuddham me veyyakaranam pariyodatam asankilitthanti ca . tamenam savaka evam jananti ayam kho bhavam sattha aparisuddhaveyyakarano

--------------------------------------------------------------------------------------------- page169.

Samano parisuddhaveyyakaranomhiti patijanati parisuddham me veyyakaranam pariyodatam asankilitthanti ca mayam ceva kho pana gihinam aroceyyama nassassa manapam yam kho panassa amanapam kathantam mayam tena samudacareyyama sammannati kho pana civarapindapata- senasanagilanapaccayabhesajjaparikkharena yam tumo karissati tumo va tena pannayissatiti . evarupam kho ^1- moggallana sattharam savaka veyyakaranato rakkhanti . evarupo ca pana sattha savakehi veyyakaranato rakkham paccasimsati. [356] Puna caparam moggallana idhekacco sattha aparisuddha- nanadassano samano parisuddhananadassanomhiti patijanati parisuddham me nanadassanam pariyodatam asankilitthanti ca . tamenam savaka evam jananti ayam kho bhavam sattha aparisuddhananadassano samano parisuddhananadassanomhiti patijanati parisuddham me nanadassanam pariyodatam asankilitthanti ca mayam ceva kho pana gihinam aroceyyama nassassa manapam yam kho panassa amanapam kathantam mayam tena samudacareyyama sammannati kho pana civarapindapata- senasanagilanapaccayabhesajjaparikkharena yam tumo karissati tumo va tena pannayissatiti . evarupam kho ^1- moggallana sattharam savaka nanadassanato rakkhanti . evarupo ca pana sattha savakehi nanadassanato rakkham paccasimsati . ime kho moggalana @Footnote: ¹ Ma. kho pana.

--------------------------------------------------------------------------------------------- page170.

Panca sattharo santo samvijjamana lokasmim. [357] Aham kho pana moggallana parisuddhasilo samano parisuddhasilomhiti patijanami parisuddham me silam pariyodatam asankilitthanti ca ^1- na ca mam savaka silato rakkhanti na caham savakehi silato rakkham paccasimsami . parisuddhajivo samano .pe. parisuddhadhammadesano samano .pe. parisuddhaveyyakarano .pe. parisuddhananadassano samano parisuddhananadassanomhiti patijanami parisuddham me nanadassanam pariyodatam asankilitthanti ca ^1- na ca mam savaka nanadassanato rakkhanti na caham savakehi nanadassanato rakkham paccasimsamiti. [358] Athakho bhagava kosambiyam yathabhirantam viharitva yena rajagaham tena carikam pakkami anupubbena carikancaramano yena rajagaham tadavasari . tatra sudam bhagava rajagahe viharati veluvane kalandakanivape. [359] Athakho sambahula bhikkhu yena bhagava tenupasankamimsu upasankamitva bhagavantam abhivadetva ekamantam nisidimsu . ekamantam nisinna kho te bhikkhu bhagavantam etadavocum devadattassa bhante ajatasattu kumaro pancahi rathasatehi sayam patam upatthanam gacchati panca ca thalipakasatani bhattabhiharo abhihariyyatiti . Ma bhikkhave devadattassa labhasakkarasilokam pihayittha yavakivanca @Footnote: ¹ Yu. casaddo natthi.

--------------------------------------------------------------------------------------------- page171.

Bhikkhave devadattassa ajatasattu kumaro pancahi rathasatehi sayam patam upatthanam gamissati panca ca thalipakasatani bhattabhiharo abhihariyyissati haniyeva bhikkhave devadattassa patikankha kusalesu dhammesu no vuddhi seyyathapi bhikkhave candassa kukkurassa nasaya pittam bhindeyyum evam hi so bhikkhave kukkuro bhiyyoso mattaya candataro assa evameva kho bhikkhave yavakivanca devadattassa ajatasattu kumaro pancahi rathasatehi sayam patam upatthanam gamissati panca ca thalipakasatani bhattabhiharo abhihariyyissati haniyeva bhikkhave devadattassa patikankha kusalesu dhammesu no vuddhi. {359.1} Attavadhaya bhikkhave devadattassa labhasakkarasiloko udapadi parabhavaya devadattassa labhasakkarasiloko udapadi seyyathapi bhikkhave kadali attavadhaya phalam deti parabhavaya phalam deti evameva kho bhikkhave attavadhaya devadattassa labhasakkarasiloko udapadi parabhavaya devadattassa labhasakkarasiloko udapadi seyyathapi bhikkhave velu attavadhaya phalam deti parabhavaya phalam deti evameva kho bhikkhave attavadhaya devadattassa labhasakkarasiloko udapadi parabhavaya devadattassa labhasakkarasiloko udapadi seyyathapi bhikkhave nalo attavadhaya phalam deti parabhavaya phalam deti evameva kho bhikkhave attavadhaya devadattassa labhasakkarasiloko udapadi parabhavaya devadattassa labhasakkarasiloko

--------------------------------------------------------------------------------------------- page172.

Udapadi seyyathapi bhikkhave assatari attavadhaya gabbham ganhati parabhavaya gabbham ganhati evameva kho bhikkhave attavadhaya devadattassa labhasakkarasiloko udapadi parabhavaya devadattassa labhasakkarasiloko udapaditi. [360] Phalam ve kadalim hanti phalam velum phalam nalam sakkaro kapurisam hanti gabbho assatarim yathati. Pathamabhanavaram nitthitam.

The Pali Tipitaka in Roman Character Volume 7 page 163-172. https://84000.org/tipitaka/read/roman_read.php?B=7&A=3274&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=7&A=3274&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=7&item=349&items=12 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=7&siri=48 Study Atthakatha :- https://84000.org/tipitaka/attha/attha.php?b=7&i=349 Contents of The Tipitaka Volume 7 https://84000.org/tipitaka/read/?index_7 https://84000.org/tipitaka/english/?index_7