|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
[1102] Asavaniddese pancakamaguniko rago kamasavo nama. Ruparupabhavesu chandarago jhananikanti sassataditthisahagato 3- rago bhavavasena patthana bhavasavo nama. Dvasatthi ditthiyo ditthasavo nama. Atthasu thanesu annanam avijjasavo nama. Tattha tattha agatesu pana asavesu asammohattham ekavidhadibhedo veditabbo. Atthato hete ciraparivasiyatthena asavati evam ekavidhava honti. Vinaye pana "ditthadhammikanam asavanam samvaraya samparayikanam asavanam patighataya"ti 4- duvidhena agata. Suttante salayatane tava "tayome avuso asava kamasavo bhavasavo avijjasavo"ti 5- tividhena agata, nibbedhikapariyaye "atthi bhikkhave asava nirayagamaniya, atthi asava tiracchanayonigamaniya, atthi asava pittivisayagamaniya, @Footnote: 1 cha.Ma. vinneyya 2 Si.,Ma. vinneyyatta 3 cha.Ma. sassataditthisahajato @4 vinaYu. 1/39/26 5 sam.sala. 18/504/315 (sya), an. chakka. 22/334/463 (sya) Atthi asava manussalokagamaniya, atthi asava devalokagamaniya"ti 1- pancavidhena agata, chakkanipate ahuneyyasutte "atthi asava samvara pahatabba, atthi asava patisevana pahatabba, atthi asava adhivasana pahatabba, atthi asava parivajjana pahatabba, atthi asava vinodana pahatabba, atthi asava bhavana pahatabba"ti 2- chabbidhena agata, sabbasavapariyaye 3- dassanapahatabbehi saddhim sattavidhena agata. Idha panete kamasavadibhedato catubbidhena agata. Tatrayam vacanattho:- pancakamagunasankhate kame asavo kamasavo. Ruparupasankhate kammato ca upapattito ca duvidhepi bhave asavo bhavasavo. Ditthieva asavo ditthasavo. Avijjava asavo avijjasavo. [1103] Kamesuti pancasu kamagunesu. Kamacchandoti kamasankhato chando, na kattukamyatachando, na dhammacchando. Kamanavasena rajanavasena ca kamoyeva rago kamarago. Kamanavasena nandanavasena ca kamova nanditi kamanandi. Evam sabbattha kamattham viditva tanhayanatthena kamatanha, sinehanatthena kamasineho, paridayhanatthena kamaparilaho, mucchanatthena kamamuccha, gilitva parinitthapanatthena kamajjhosananti veditabbam. Ayam vuccatiti ayam atthahi padehi vibhatto kamasavo nama vuccati. [1104] Bhavesu bhavachandoti ruparupabhavesu bhavapatthanavaseneva pavatto chando bhavachando. Sesapadanipi iminava nayena veditabbani. [1105] Sassato lokoti vatiadihi dasahakarehi ditthippabhedova vutto. Tattha sassato lokoti ettha khandhapancakam "loko"ti gahetva "ayam loko nicco dhuvo sabbakaliko"ti ganhantassa "sassatan"ti gahanakarappavatta ditthi. Asassatoti tameva lokam "ucchijjati vinassati"ti ganhantassa ucchedagahanakarappavatta ditthi. Antavati parittakasinalabhino suppamatte va saravamatte @Footnote: 1 an. chakka. 22/334/463 (sya) 2 an. chakka. 22/329/434 (sya) @3 Ma.mu. 12/14/10 Va kasine samapannassa antosamapattiyam pavattitaruparupadhamme "loko"ti ca kasinaparicchedantena ca "antava"ti ganhantassa "antava loko"ti gahanakarappavatta ditthi, sa sassataditthipi hoti ucchedaditthipi vipulakasinalabhino pana tasmim kasine samapannassa antosamapattiyam pavattitaruparupadhamme "loko"ti ca kasinaparicchedantena ca "ananto"ti ganhantassa "anantava loko"ti gahanakarappavatta ditthi, sa sassataditthipi hoti ucchedaditthipi. Tam jivam tam sariranti bhedanadhammassa sarirasseva "jivan"ti gahitatta sarire ucchijjamane "jivampi ucchijjati"ti ucchedagahanakarappavatta ditthi. Dutiyapade sarirato annassa jivassa gahitatta sarire ucchijjamanepi "jivam na ucchijjati"ti sassatagahanakarappavatta ditthi. Hoti tathagato param maranatiadisu satto tathagato nama, "so param marana hoti"ti ganhato pathama sassataditthi. "na hoti"ti ganhato dutiya ucchedaditthi. "hoti ca na ca hoti"ti ganhato tatiya ekaccasassataditthi. "neva hoti na na hoti"ti ganhato catuttha amaravikkhepaditthi. Ime dhamma asavati ime kamasavanca bhavasavanca ragavasena ekato katva sankhepato tayo, vittharato cattaro dhamma asava nama. Yo pana brahmavimanakapparukkhabharanesu chandarago uppajjati, so kamasavo hoti na hotiti? na hoti. Kasma? pancakamagunikassa ragassa idheva pahinatta. Hetugocchakam pana patva lobho hetu nama hoti, ganthagocchakam patva abhijjhakayagantho nama, kilesagocchakam patva lobho kileso nama hoti. Ditthisahajato pana rago kamasavo hoti na hotiti? na hoti, ditthirago nama hoti. Vuttam hetam "ditthiragaratte purisapuggale dinnadanam nama 1- na mahapphalam hoti na mahanisamsan"ti. 2- @Footnote: 1 cha.Ma. ayam saddo natthi 2 khu. pati. 31/310/205-6 (sya) Ime pana asave kilesapatipatiyapi aharitum vattati maggapatipatiyapi. Kilesapatipatiya kamasavo anagamimaggena pahiyati, bhavasavo arahattamaggena, ditthasavo sotapattimaggena, avijjasavo arahattamaggena. Maggapatipatiya sotapattimaggena ditthasavo pahiyati, anagamimaggena kamasavo, arahattamaggena bhavasavo avijjasavo cati.The Pali Atthakatha in Roman Book 53 page 427-430. http://84000.org/tipitaka/atthapali/read_rm.php?B=53&A=10632&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=53&A=10632&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=34&i=708 เนื้อความพระไตรปิฎกฉบับหลวง :- http://84000.org/tipitaka/read/r.php?B=34&A=6261 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=34&A=5643 The Pali Tipitaka in Roman Character :- http://84000.org/tipitaka/read/roman_read.php?B=34&A=5643 Contents of The Tipitaka Volume 34 http://84000.org/tipitaka/read/?index_34
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]