|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
2. Rupakanda uddesavannana [583] Idani rupakandam bhajetva dassetum puna "katame dhamma abyakata"tiadi araddham. Tattha kincapi hettha cittuppadakande vipakabyakatanceva kiriyabyakatanca nissesam katva bhajitam, rupabyakatanibbanabyakatani pana akathitani. Tani kathetum catubbidhampi abyakatam samodhanetva dassento "kusalakusalanam dhammanam vipaka"tiadimaha. Tattha kusalakusalananti catubhumikakusalananceva akusalananca. Ettavata 1- vipakabyakatam kusalavipakakusalavipakavasena dvihi padehi pariyadiyitva dassitam. Yasma pana tam sabbampi kamavacaram va hoti rupavacaradisu va annataram, tasma "kamavacara"tiadina nayena tadeva vipakabyakatam bhummantaravasena pariyadiyitva dassitam. Yasma pana tam vedanakkhandhopi hoti .pe. Vinnanakkhandhopi, tasma puna tam sampayuttacatukkhandhavasena pariyadiyitva dassitam. Evam vipakabyakatam kusalakusalavasena, bhummantaravasena, sampayuttakkhandhavasenati tihi nayehi pariyadaya dassetva puna kiriyabyakatam dassento "ye ca dhamma kirika"tiadimaha. Tattha "kamavacara rupavacara arupavacara, vedanakkhandho .pe. Vinnanakkhandho"ti vattabbam bhaveyya, hettha pana gahitamevati nayam dassetva nissajji. 2- Idani avibhattam dassento "sabbam ca rupam asankhata ca dhatu"ti aha. Tattha sabbam ca rupanti padena pancavisati rupani channavuti rupakotthasa nippadesato gahitati veditabba. Asankhata ca dhatuti padena nibbanam nippadesato gahitam. Ettavata abyakata dhammati padam niddittham 3- hoti. [584] Tattha katamam sabbam rupanti idam kasma gahitam? hettha Rupabyakatam sankhepena kathitam, idani tam ekakadukatikacatukka .pe. Ekadasakavasena vittharato bhajetva dassetum idam gahitam. Tassattho:- yam vuttam "sabbanca rupam, asankhata ca dhatu"ti, tasmim dvaye katamam sabbam rupam nama. Idani tam dassento @Footnote: 1 cha.Ma. evam tava 2 cha.Ma. nissajjitam 3 cha.Ma. nitthitam--------------------------------------------------------------------------------------------- page356.
"cattaro ca mahabhuta"tiadimaha. Tattha cattaroti gananaparicchedo, tena tesam unadhikabhavam nivareti. Casaddo sampindanattho, tena "na kevalam cattaro mahabhutava rupam, annampi atthi"ti upadayarupam sampindeti. Mahabhutati ettha mahantapatubhavadihi karanehi mahabhutata veditabba. Evam 1- etani hi mahantapatubhavato mahabhutasamannato mahapariharato mahavikarato mahantabhutatta cati imehi karanehi "mahabhutani"ti vuccanti. Tattha mahantapatubhavatoti etani hi anupadinnakasantanepi upadinnakasantanepi mahantani patubhutani, tesam anupadinnakasantane evam mahantapatubhavato veditabba. Ekam hi cakkavalam ayamato ca vittharato ca yojananam dvadasa satasahassani catuttimsa satani 2- pannasanca yojanani. Parikkhepato pana 3-:- - sabbam satasahassani chattimsa parimandalam dasaceva sahassani addhuddhani satani ca. Tattha:- duve satasahassani cattari nahutani ca ettakam bahalattena sankhatayam vasundhaRa. Tassayeva sandharakam:- cattari satasahassani attheva nahutani ca ettakam bahalattena jalam vate patitthitam. Tassapi sandharako:- nava satasahassani maluto nabhamuggato satthiceva sahassani esa lokassa santhiti. Evam santhite cettha yojananam:- caturasitisahassani ajjhogalho mahannave accuggato tavadeva sinerupabbatuttamo. @Footnote: 1 cha.Ma. ayam saddo na dissati 2 cha.Ma. tini sahassani cattari satani @3 cha.Ma. ayam saddo na dissati * visuddhi. 1/263 chaanussatiniddesa--------------------------------------------------------------------------------------------- page357.
Tato upaddhupaddhena pamanena yathakkamam ajjhogalhuggata dibba nanaratanacittita. Yugandharo isindharo karaviko sudassano nemindharo vinatako assakanno giribraha. Ete satta mahasela sinerussa samantato maharajanamavasa devayakkhanisevita. Yojananam satanucco himava panca pabbato yojananam sahassani tini ayamavitthato 1- caturasitisahassehi kutehi patimandito. Tipancayojanakkhandha- parikkhepa nagavhaya pannasayojanakkhandha- sakhayama samantato. Satayojanavitthinna tavadeva ca uggata jambu yassanubhavena jambudipo pakasito. Yancetam jambuya pamanam, tadeva asuranam cittapataliya, garulanam simbalirukkhassa, amaragoyane kadambassa, 2- uttarakurusu 3- kapparukkhassa, pubbavidehe sirisassa, tavatimsesu paricchattakassati. Tenahu porana:- "patali simbali jambu devanam parichattako kadambo kapparukkho ca sirisena bhavati sattamo"ti. 4- "dveasitisahassani ajjhogalho mahannave accuggato tavadeva cakkavalasiluccayo parikkhipitvana tam sabbam lokadhatumayam thito"ti. Upadinnakasantanepi macchakacchapadevadanavadisariravasena mahantaneva patubhutani. Vuttanhetam bhagavata "santi bhikkhave mahasamudde 5- yojanasatikapi attabhava"tiadi. @Footnote: 1 cha.Ma. ayatavitthato 2 cha.Ma. kadambarukkhassa 3 cha. uttarakurumhi @4 cha.Ma. sattamanti 5 vasanti mahasamudde (an. atthaka. 23/19/165), @santi mahasamudde (vinaYu. 7/385/210, khu.u. 25/45/167)--------------------------------------------------------------------------------------------- page358.
Mahabhutasamannatoti etani hi yatha mayakaro amanimyeva udakam manim katva dasseti, asuvannamyeva leddum suvannam katva dasseti, yatha ca sayam neva yakkho na pakkhi samano yakkhabhavampi pakkhibhavampi dasseti, evameva sayam anilaneva hutva nilam upadarupam dassenti. Apitani, alohitani, anodataneva hutva odatam upadarupam dassentiti mayakaramahabhutasamannato mahabhutani. Yatha ca yakkhadini mahabhutani yam ganhanti, neva tesam tassa anto, na bahitthanam upalabbhati, na ca tam nissaya na titthanti, evameva etanipi neva annamannassa anto na bahitthitani hutva upalabbhanti, na ca annamannam nissaya na titthantiti acinteyyatthanataya yakkhadimahabhutasamannatopi mahabhutani. Yatha ca yakkhinisankhatani mahabhutani manapehi vannasanthanavikkhepehi attano bhayanakabhavam paticchadetva satte vancenti, evameva etanipi itthipurisasariradisu manapena chavivannena manapena angapaccangasanthanena manapena ca hatthapadaangulibhamukavikkhepena attano kakkhalatadibhedam sarasalakkhanam paticchadetva balajanam vancenti, attano sabhavam datthum na denti. Iti vancakatthena yakkhinimahabhutasamannatopi mahabhutani. Mahapariharatoti mahantehi paccayehi pariharitabbato. Etani hi divase divase upanetabbatta mahantehi ghasacchadanadihi bhutani pavattaniti mahabhutani. Mahapariharani va bhutaniti mahabhutani. Mahavikaratoti bhutanam mahavikarato. Etani hi upadinnanipi anupadinnanipi mahavikarani honti. Tattha anupadinnanam kappavutthane vikaramahattam pakatam hoti, upadinnanam dhatukkhobhakale. Tatha hi:- bhumito vutthita yava brahmaloka vidhavati acci accimato loke dayhamanamhi tejasa. Kotisatasahassekam cakkavalam viliyati kuppitena yada loko salilena vinassati.--------------------------------------------------------------------------------------------- page359.
Kotisatasahassekam cakkavalam vikirati vayodhatuppakopena yada loko vinassati. Patthaddho bhavati kayo dattho katthamukhena va pathavidhatuppakopena hoti katthamukheva so. Putiko 1- bhavati kayo dattho putimukhena va apodhatuppakopena hoti putimukheva so. Santatto bhavati kayo dattho aggimukhena va tejodhatuppakopena hoti aggimukheva so. Sanchinno bhavati kayo dattho satthamukhena va vayodhatuppakopena hoti satthamukheva so. Iti mahavikarani bhutaniti mahabhutani. Mahantabhutatta cati etani hi mahantani mahata vayamena pariggahetabbatta bhutani vijjamanattati mahantabhutatta ca mahabhutani. Evam mahantapatubhavadihi karanehi mahabhutani. Catunnam ca mahabhutanam upadaya rupanti upayogatthe samivacanam. Cattari mahabhutani upadaya nissaya amuncitva pavattam rupanti attho. Idam vuccati sabbam rupanti idam cattari mahabhutani padapatipatiya nidditthani tevisati upadarupaniti sattavisatippabhedam sabbam rupam nama.The Pali Atthakatha in Roman Book 53 page 355-359. http://84000.org/tipitaka/atthapali/read_rm.php?B=53&A=8838&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=53&A=8838&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=34&i=501 เนื้อความพระไตรปิฎกฉบับหลวง :- http://84000.org/tipitaka/read/r.php?B=34&A=4133 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=34&A=3684 The Pali Tipitaka in Roman Character :- http://84000.org/tipitaka/read/roman_read.php?B=34&A=3684 Contents of The Tipitaka Volume 34 http://84000.org/tipitaka/read/?index_34
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]