บาลีพระไตรปิฎกเล่มที่ ๓๗ - พระอภิธรรมปิฎกเล่มที่ ๔

                                     อินฺทฺริยพทฺธกถา
     [๑๗๐๑]   อินฺทฺริยพทฺธญฺเญว ทุกฺขนฺติ ฯ อามนฺตา ฯ อินฺทฺริยพทฺธญฺเญว
@เชิงอรรถ: ^๑ ขุ. สุ. ๓๗๒ ฯ
พทฺธญฺเญว   อนิจฺจํ  สงฺขตํ  ปฏิจฺจสมุปฺปนฺนํ  ขยธมฺมํ  วยธมฺมํ  วิราคธมฺมํ
นิโรธธมฺมํ    วิปริณามธมฺมนฺติ    ฯ    น    เหวํ   วตฺตพฺเพ   ฯเปฯ
นนุ   อนินฺทฺริยพทฺธํ   อนิจฺจํ   สงฺขตํ   ปฏิจฺจสมุปฺปนฺนํ  ขยธมฺมํ  วยธมฺมํ
วิราคธมฺมํ    นิโรธธมฺมํ   วิปริณามธมฺมนฺติ   ฯ   อามนฺตา   ฯ   หญฺจิ
อนินฺทฺริยพทฺธํ    อนิจฺจํ    สงฺขตํ    ปฏิจฺจสมุปฺปนฺนํ   ขยธมฺมํ   วยธมฺมํ
วิราคธมฺมํ    นิโรธธมฺมํ    วิปริณามธมฺมํ   โน   วต   เร   วตฺตพฺเพ
อินฺทฺริยพทฺธญฺเญว ทุกฺขนฺติ ฯ
     [๑๗๐๒]   อนินฺทฺริยพทฺธํ   อนิจฺจํ   สงฺขตํ  ปฏิจฺจสมุปฺปนฺนํ  ฯเปฯ
วิปริณามธมฺมํ   ตญฺจ   น   ทุกฺขนฺติ   ฯ   อามนฺตา   ฯ   อินฺทฺริยพทฺธํ
อนิจฺจํ   สงฺขตํ   ฯเปฯ  วิปริณามธมฺมํ  ตญฺจ  น  ทุกฺขนฺติ  ฯ  น  เหวํ
วตฺตพฺเพ   ฯเปฯ   อินฺทฺริยพทฺธํ   อนิจฺจํ   สงฺขตํ  ฯเปฯ  วิปริณามธมฺมํ
ตญฺจ    ทุกฺขนฺติ   ฯ   อามนฺตา   ฯ   อนินฺทฺริยพทฺธํ   อนิจฺจํ   สงฺขตํ
ฯเปฯ วิปริณามธมฺมํ ตญฺจ ทุกฺขนฺติ ฯ น เหวํ วตฺตพฺเพ ฯเปฯ
     [๑๗๐๓]   อินฺทฺริยพทฺธญฺเญว  ทุกฺขนฺติ  ฯ  อามนฺตา  ฯ นนุ ยทนิจฺจํ
ตํ   ทุกฺขํ   วุตฺตํ   ภควตา   อนินฺทฺริยพทฺธํ  อนิจฺจนฺติ  ฯ  อามนฺตา  ฯ
หญฺจิ    ยทนิจฺจํ   ตํ   ทุกฺขํ   วุตฺตํ   ภควตา   อนินฺทฺริยพทฺธํ   อนิจฺจํ
โน วต เร วตฺตพฺเพ อินฺทฺริยพทฺธญฺเญว ทุกฺขนฺติ ฯ
     [๑๗๐๔]   น  วตฺตพฺพํ  อินฺทฺริยพทฺธญฺเญว  ทุกฺขนฺติ  ฯ  อามนฺตา ฯ
ยถา   อินฺทฺริยพทฺธสฺส   ทุกฺขสฺส   ปริญฺญาย   ภควติ  พฺรหฺมจริยํ  วุสฺสติ
เอวเมว    อนินฺทฺริยพทฺธสฺส   ทุกฺขสฺส   ปริญฺญาย   ภควติ   พฺรหฺมจริยํ
วุสฺสตีติ   ฯ   น   เหวํ   วตฺตพฺเพ   ฯเปฯ  ยถา  อินฺทฺริยพทฺธํ  ทุกฺขํ
ปริญฺญาตํ    น    ปุน    อุปฺปชฺชติ    เอวเมว   อนินฺทฺริยพทฺธํ   ทุกฺขํ
ปริญฺญาตํ  น  ปุน  อุปฺปชฺชตีติ  ฯ  น  เหวํ  วตฺตพฺเพ  ฯเปฯ  เตน  หิ
อินฺทฺริยพทฺธญฺเญว ทุกฺขนฺติ ฯ
                                     อินฺทฺริยพทฺธกถา ฯ
                                         -------------

เนื้อความพระไตรปิฎกฉบับภาษาบาลี อักษรไทย เล่มที่ ๓๗ หน้าที่ ๕๗๙-๕๘๑. https://84000.org/tipitaka/read/pali_read.php?B=37&A=11491&w=&modeTY=2 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=37&A=11491&modeTY=2 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=37&item=1701&items=4 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=37&siri=187 ศึกษาอรรถกถานี้ได้ที่ :- https://84000.org/tipitaka/attha/attha.php?b=37&i=1701 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=55&A=6580 The Pali Atthakatha in Roman :- https://84000.org/tipitaka/atthapali/read_rm.php?B=55&A=6580 สารบัญพระไตรปิฎกเล่มที่ ๓๗ https://84000.org/tipitaka/read/?index_37 https://84000.org/tipitaka/english/?index_37