PaliRoman Vol.11

page38.

Udumbarikasuttam [18] Evamme sutam . Ekam samayam bhagava rajagahe viharati gijjhakute pabbate . tena kho pana samayena nigrodho paribbajako udumbarikaya paribbajakarame pativasati mahatiya paribbajakaparisaya saddhim timsamattehi paribbajakasatehi . athakho sandhano gahapati divadivasseva rajagaha nikkhami bhagavantam dassanaya . athakho sandhanassa gahapatissa etadahosi akalo kho tava ^1- bhagavantam dassanaya patisallino bhagava manobhavaniyanampi bhikkhunam asamayo dassanaya patisallina manobhavaniya bhikkhu yannunaham yena udumbarikaya paribbajakaramo yena nigrodho paribbajako tenupasankameyyanti . athakho sandhano gahapati yena udumbarikaya paribbajakaramo yena nigrodho paribbajako tenupasankami. [19] Tena kho pana samayena nigrodho paribbajako mahatiya paribbajakaparisaya saddhim nisinno hoti unnadiniya uccasaddamahasaddaya anekavihitam tiracchanakatham kathentiya seyyathidam rajakatham corakatham mahamattakatham senakatham bhayakatham yuddhakatham annakatham panakatham vatthakatham sayanakatham malakatham gandhakatham natikatham yanakatham gamakatham nigamakatham janapadakatham nagarakatham itthikatham purisakatham ^2- surapanakatham ^3- visikhakatham kumbhatthanakatham pubbapetakatham nanattakatham lokakkhayikam katham samuddakkhayikam @Footnote: ¹ Ma. tavasaddo natthi . ² Ma. ayam na dissati . ³ Po. Ma. Yu. surakatham.

--------------------------------------------------------------------------------------------- page39.

Katham itibhavabhavakatham iti va. {19.1} Addasa kho nigrodho paribbajako sandhanam gahapatim durato va agacchantam disva sakam parisam santhapesi ^1- appasadda bhonto hontu ma bhonto saddamakattha ayam samanassa gotamassa savako agacchati sandhano gahapati yavata kho pana samanassa gotamassa savaka gihi odatavasana rajagahe pativasanti ayam tesam annataro sandhano gahapati appasaddakama kho panayasmanto ^2- appasaddassa vannavadino appevanama appasaddam parisam viditva upasankamitabbam manneyyati. Evam vutte te paribbajaka tunhi ahesum. [20] Athakho sandhano gahapati yena nigrodho paribbajako tenupasankami upasankamitva nigrodhena paribbajakena saddhim sammodi sammodaniyam katham saraniyam vitisaretva ekamantam nisidi . ekamantam nisinno kho sandhano gahapati nigrodham paribbajakam etadavoca annatha kho ime bhonto annatitthiya paribbajaka sangamma samagamma unnadino uccasaddamahasadda anekavihitam tiracchanakatham anuyutta viharanti seyyathidam rajakatham corakatham .pe. itibhavabhavakatham iti va annatha kho pana so bhagava aranne vanapatthani pantani senasanani patisevati appasaddani appanighosani vijanavatani manussarahaseyyakani patisallanasaruppaniti. {20.1} Evam vutte nigrodho paribbajako sandhanam gahapatim etadavoca @Footnote: ¹ Po. Ma. Yu. santhapesi . ² Ma. Yu. panete ayasmanto appasaddavinita.

--------------------------------------------------------------------------------------------- page40.

Yagghe gahapati janeyyasi kena samano gotamo saddhim sallapati kena sakaccham samapajjati kena pannaveyyattiyam samapajjati sunnagarahata samanassa gotamassa panna aparisavacaro samano gotamo nalam sallapaya so antapantaneva ^1- sevati seyyathapi nama gokana pariyantacarini antapantaneva sevati evameva sunnagarahata samanassa gotamassa panna aparisavacaro samano gotamo nalam sallapaya so antapantaneva sevati ingha gahapati samano gotamo idam parisam agaccheyya ekapanheneva nam samsadeyyama tucchakumbhimva nam manne orodheyyamati. [21] Assosi kho bhagava dibbaya sotadhatuya visuddhaya atikkantamanusikaya sandhanassa gahapatissa nigrodhena paribbajakena saddhim imam kathasallapam . athakho bhagava gijjhakuta pabbata orohitva yena sumagadhaya tire moranivapo tenupasankami upasankamitva sumagadhaya tire moranivape abbhokase cankamati ^2-. Addasa kho nigrodho paribbajako bhagavantam sumagadhaya tire moranivape abbhokase cankamantam disva sakam parisam santhapesi appasadda bhonto hontu ma bhonto saddamakattha ayam samano gotamo sumagadhaya tire moranivape abbhokase cankamati appasaddakamo kho pana so ayasma appasaddassa vannavadi @Footnote: ¹ Ma. Yu. antamantaneva . ² Ma. Yu. cankami.

--------------------------------------------------------------------------------------------- page41.

Appevanama appasaddam parisam viditva upasankamitabbam manneyya sace samano gotamo imam parisam agaccheyya imantam panham puccheyyama ko nama so bhante bhagavato dhammo yena bhagava savake vineti yena bhagavata savaka vinita assasappatta patijananti ajjhasayam adibrahmacariyanti . evam vutte te paribbajaka tunhi ahesum. [22] Athakho bhagava yena nigrodho paribbajako tenupasankami. Athakho nigrodho paribbajako bhagavantam etadavoca etu kho bhante bhagava svagatam bhante bhagavato cirassam kho bhante bhagava imam pariyayamakasi yadidam idhagamanaya nisidatu bhante bhagava idamasanam pannattanti . nisidi bhagava pannatte asane . nigrodhopi kho paribbajako annataram nicam asanam gahetva ekamantam nisidi . Ekamantam nisinnam kho nigrodham paribbajakam bhagava etadavoca kayanottha nigrodha etarahi kathaya sannisinna ka ca pana vo antarakatha vippakatati. {22.1} Evam vutte nigrodho paribbajako bhagavantam etadavoca idha mayam bhante addasama bhagavantam sumagadhaya tire moranivape abbhokase cankamantam disva evam avocumha sace samano gotamo imam parisam agaccheyya imantam panham puccheyyama ko nama so bhante bhagavato dhammo yena bhagava savake vineti yena bhagavata savaka vinita

--------------------------------------------------------------------------------------------- page42.

Assasappatta patijananti ajjhasayam adibrahmacariyanti ayam kho no bhante antarakatha vippakata atha bhagava anuppattoti. {22.2} Dujjanam kho panetam nigrodha taya annaditthikena annakhantikena annarucikena annatra ayogena annatra acariyakena yenaham savake vinemi yena maya savaka vinita assasappatta patijananti ajjhasayam adibrahmacariyanti ingha tvam mam nigrodha sake acariyake adhijigucche panham puccha kathamsanta nu kho bhante tapojiguccha paripunna hoti katham aparipunnati . evam vutte te paribbajaka unnadino uccasaddamahasadda ahesum acchariyam vata bho abbhutam vata bho samanassa gotamassa mahiddhikata mahanubhavata yatra hi nama sakavadam thapessati paravadena pavaressatiti. [23] Athakho nigrodho paribbajako te paribbajake appasadde katva bhagavantam etadavoca mayam kho bhante tapojigucchavada tapojiguccham ^1- allina viharama kathamsanta nu kho bhante tapojiguccha paripunna hoti katham aparipunnati. {23.1} Idha nigrodha tapassi acelako hoti muttacaro hatthavalekhano ^2- na ehibhaddantiko na titthabhaddantiko na abhihatam na uddissa katam na nimantanam sadiyati so na kumbhimukha patigganhati na kalopimukha patigganhati na elakamantaram na udukkhalamantaram ^3- na musalamantaram na dandamantaram na dvinnam bhunjamananam na gabbhiniya na payamanaya @Footnote: ¹ Ma. Yu. tapojigucchasara tapojiguccha . ² Ma. Yu. hatthapalekhano. @³ Ma. ayam patho na dissati.

--------------------------------------------------------------------------------------------- page43.

Na parisantaragataya ^1- na sankittisu na yattha sa upatthita hoti na yattha makkhika sandasandacarini na maccham na mamsam na suram na merayam na thusodakam pivati. {23.2} So ekagariko va hoti ekalopiko dvagariko va hoti dvalopiko sattagariko va hoti sattalopiko ekissapi dattiya yapeti dvihipi dattihi yapeti sattahipi dattihi yapeti ekahikampi aharam ahareti dvihikampi aharam ahareti sattahikampi aharam ahareti iti evarupam addhamasikam pariyayabhattabhojananuyogamanuyutto viharati. {23.3} So sakabhakkho va hoti samakabhakkho va hoti nivarabhakkho va hoti daddulakabhakkho va hoti satabhakkho ^2- va hoti kannabhakkho va hoti acamabhakkho va hoti pinnakabhakkho va hoti tinabhakkho va hoti gomayabhakkho va hoti vanamulaphalaharo yapeti pavattaphalabhoji. {23.4} So sananipi dhareti masananipi dhareti chavadussanipi dhareti pamsukulanipi dhareti tiritanipi dhareti ajinanipi dhareti ajinakkhipampi dhareti kusacirampi dhareti vakacirampi dhareti phalakacirampi dhareti kesakambalampi dhareti valakambalampi dhareti ulukapakkhikampi dhareti kesamassulocakopi hoti kesamassulocananuyogamanuyutto ubhatthakopi hoti asanapatikkhitto ukkutikopi hoti ukkutikappadhanamanuyutto kantakapassayikopi hoti kantakapassaye seyyam kappeti phalakaseyyampi kappeti tandilaseyyampi ^3- kappeti ekapassayikopi hoti rajojalladharo @Footnote: ¹ Po. Ma. Yu. purisantaragataya . ² Ma. Yu. hatabhakkho. @³ Po. Ma. Yu. thandilaseyyampi.

--------------------------------------------------------------------------------------------- page44.

Abbhokasikopi hoti yathasanthatiko vekatikopi hoti vikata- bhojananuyogamanuyutto apanakopi hoti apanakattamanuyutto sayamtatiyakampi udakorohananuyogamanuyutto viharati . tam kim mannasi nigrodha yadi evam sante tapojiguccha paripunna hoti aparipunnati. Addha kho bhante evam sante tapojiguccha paripunna hoti no aparipunnati . evam paripunnayapi kho aham nigrodha tapojigucchaya anekavihite upakkilese vadamiti. [24] Yathakatham pana bhante bhagava evamparipunnaya tapojigucchaya anekavihite upakkilese vadatiti . idha nigrodha tapassi tapam samadiyati so tena tapasa attamano hoti paripunnasankappo . yampi nigrodha tapassi tapam samadiyati so tena tapasa attamano hoti paripunnasankappo ayampi kho nigrodha tapassino upakkileso hoti. {24.1} Puna caparam nigrodha tapassi tapam samadiyati so tena tapasa attanukkamseti param vambheti . yampi nigrodha tapassi tapam samadiyati so tena tapasa attanukkamseti param vambheti ayampi kho nigrodha tapassino upakkileso hoti. {24.2} Puna caparam nigrodha tapassi tapam samadiyati so tena tapasa majjati mucchati madamapajjati ^1- . yampi nigrodha tapassi tapam samadiyati so tena tapasa majjati mucchati madamapajjati ayampi kho nigrodha tapassino upakkileso hoti. {24.3} Puna caparam nigrodha tapassi tapam samadiyati so tena tapasa @Footnote: ¹ Ma. Yu. pamadamapajjati.

--------------------------------------------------------------------------------------------- page45.

Labhasakkarasilokam abhinibbatteti so tena labhasakkarasilokena attamano hoti paripunnasankappo . yampi nigrodha tapassi tapam samadiyati so tena tapasa labhasakkarasilokam abhinibbatteti so tena labhasakkarasilokena attamano hoti paripunnasankappo ayampi kho nigrodha tapassino upakkileso hoti . puna caparam nigrodha tapassi tapam samadiyati so tena tapasa labhasakkarasilokam abhinibbatteti so tena labhasakkarasilokena attanukkamseti param vambheti . yampi nigrodha tapassi tapam samadiyati so tena tapasa labhasakkarasilokam abhinibbatteti so tena labhasakkarasilokena attanukkamseti param vambheti ayampi kho nigrodha tapassino upakkileso hoti . puna caparam nigrodha tapassi tapam samadiyati so tena tapasa labhasakkarasilokam abhinibbatteti so tena labhasakkarasilokena majjati mucchati madamapajjati . yampi nigrodha tapassi tapam samadiyati so tena tapasa labhasakkarasilokam abhinibbatteti so tena labhasakkarasilokena majjati mucchati madamapajjati ayampi kho nigrodha tapassino upakkileso hoti. {24.4} Puna caparam nigrodha tapassi tapam samadiyati bhojanesu vodasam apajjati idam me khamati idam me na khamatiti. So yanca khvassa na khamati tam sapekkho pakhahati yam panassa khamati tam gadhito mucchito ajjhapanno anadinavadassavi anissaranapanno paribhunjati ayam kho nigrodha tapassino upakkileso hoti.

--------------------------------------------------------------------------------------------- page46.

Puna caparam nigrodha tapassi tapam samadiyati labhasakkarasilokanikantihetu sakkarissanti mam rajano rajamahamatta khattiya brahmana gahapatika titthiyati ayampi kho nigrodha tapassino upakkileso hoti. {24.5} Puna caparam nigrodha tapassi annataram samanam va brahmanam va kuto ^1- apasadeta hoti kim panayam sambahulajivo ^2- sabbasabbam sambhakkheti seyyathidam mulabijam khandhabijam phalubijam aggabijam bijabijameva pancamam asanivicakkam dantakutam samanappavadenati ayampi kho nigrodha tapassino upakkileso hoti . puna caparam nigrodha tapassi passati annataram samanam va brahmanam va kulesu sakkariyamanam garukariyamanam maniyamanam pujiyamanam . tassa evam hoti imamhi nama sambahulajivam kulesu sakkaronti garukaronti manenti pujenti mam pana tapassim lukhajivim kulesu na sakkaronti na garukaronti na manenti na pujentiti . iti so issamacchariyam kulesu uppadeta hoti ayampi kho nigrodha tapassino upakkileso hoti. {24.6} Puna caparam nigrodha tapassi apathakanisadi hoti ayampi kho nigrodha tapassino upakkileso hoti . puna caparam nigrodha tapassi attanam adassayamano kulesu carati idampi me tapasmim idampi me tapasminti ayampi kho nigrodha tapassino upakkileso hoti . Puna caparam nigrodha tapassi kincideva paticchannam sevati so khamati te idanti puttho samano akkhamamanam aha khamatiti @Footnote: ¹ Po. Ma. Yu. ayam na dissati . ² Si. Yu. bahulajivo.

--------------------------------------------------------------------------------------------- page47.

Khamamanam aha na khamatiti . iti so sampajanamusa bhasita hoti ayampi kho nigrodha tapassino upakkileso hoti . puna caparam nigrodha tapassi tathagatassa va tathagatasavakassa va dhammam desentassa santamyeva pariyayam anunneyyam nanujanati ayampi kho nigrodha tapassino upakkileso hoti. {24.7} Puna caparam nigrodha tapassi kodhano hoti upanahi. Yampi nigrodha tapassi kodhano hoti upanahi ayampi kho nigrodha tapassino upakkileso hoti . puna caparam nigrodha tapassi makkhi hoti palasi assuki hoti macchari satho hoti mayavi thaddho hoti atimani papiccho hoti papikanam icchanam vasangato micchaditthiko hoti antagahikaya ditthiya samannagato sanditthiparamasi hoti adhanagahi duppatinissaggi . Yampi kho nigrodha tapassi sanditthiparamasi hoti adhanagahi duppatinissaggi ayampi kho nigrodha tapassino upakkileso hoti. {24.8} Tam kim mannasi nigrodha yadime tapojiguccha upakkilesa va anupakkilesa vati . addha kho ime bhante tapojiguccha upakkilesa no anupakkilesa thanam kho panetam bhante vijjati yam idhekacco tapassi sabbeheva imehi upakkilesehi samannagato assa ko pana vado annatarannatarenati. [25] Idha nigrodha tapassi tapam samadiyati so tena tapasa na attamano hoti na paripunnasankappo . yampi nigrodha tapassi

--------------------------------------------------------------------------------------------- page48.

Tapam samadiyati so tena tapasa na attamano hoti na paripunnasankappo evam so tasmim thane parisuddho hoti . Puna caparam nigrodha tapassi tapam samadiyati so tena tapasa na attanukkamseti na param vambheti .pe. Evam so tasmim thane parisuddho hoti . Puna caparam nigrodha tapassi tapam samadiyati so tena tapasa na majjati na mucchati na madamapajjati .pe. Evam so tasmim thane parisuddho hoti. {25.1} Puna caparam nigrodha tapassi tapam samadiyati so tena tapasa labhasakkarasilokam abhinibbatteti so tena labhasakkarasilokena na attamano hoti na paripunnasankappo . yampi nigrodha tapassi .pe. Evam so tasmim thane parisuddho hoti . Puna caparam nigrodha tapassi tapam samadiyati so tena tapasa labhasakkarasilokam abhinibbatteti so tena labhasakkarasilokena na attanukkamseti na param vambheti . Yampi nigrodha tapassi .pe. evam so tasmim thane parisuddho hoti. Puna caparam nigrodha tapassi tapam samadiyati so tena tapasa labhasakkarasilokam abhinibbatteti so tena labhasakkarasilokena na majjati na mucchati na madamapajjati. Yampi nigrodha tapassi .pe. Evam so tasmim thane parisuddho hoti. {25.2} Puna caparam nigrodha tapassi tapam samadiyati ^1- bhojanesu na vodasam apajjati idam me khamati idam me na khamatiti . so yanca khvassa na khamati tam anapekkho pajahati yam panassa @Footnote: ¹ Ma. tapam samadiyatiti pathadvayam natthi.

--------------------------------------------------------------------------------------------- page49.

Khamati tam agadhito amucchito anajjhapanno adinavadassavi nissaranapanno paribhunjati evam so tasmim thane parisuddho hoti . Puna caparam nigrodha tapassi tapam samadiyati na so labhasakkarasiloka- nikantihetu sakkarissanti mam rajano rajamahamatta khattiya brahmana gahapatika titthiyati evam so tasmim thane parisuddho hoti. {25.3} Puna caparam nigrodha tapassi annataram samanam va brahmanam va na apasadeta hoti kim panayam sambahulajivo sabbasabbam sambhakkheti seyyathidam mulabijam khandhabijam phalubijam aggabijam bijabijameva pancamam asanivicakkam dantakutam samanappavadenati evam so tasmim thane parisuddho hoti . puna caparam nigrodha tapassi passati annataram samanam va brahmanam va kulesu sakkariyamanam garukariyamanam maniyamanam pujiyamanam . tassa na evam hoti imamhi nama sambahulajivam kulesu sakkaronti garukaronti manenti pujenti mam pana tapassim lukhajivim kulesu na sakkaronti na garukaronti na manenti na pujentiti. Iti so issa- macchariyam kulesu nuppadeta hoti evam so tasmim thane parisuddho hoti. {25.4} Puna caparam nigrodha tapassi na apathakanisadi hoti evam so tasmim thane parisuddho hoti . puna caparam nigrodha tapassi na attanam adassayamano kulesu carati idampi me tapasmim idampi me tapasminti evam so tasmim thane parisuddho hoti . puna caparam nigrodha tapassi

--------------------------------------------------------------------------------------------- page50.

Na kincideva paticchannam sevati so khamati te idanti puttho samano akkhamamanam aha na khamatiti khamamanam aha khamatiti . Iti so sampajanamusa na bhasita hoti evam so tasmim thane parisuddho hoti . puna caparam nigrodha tapassi tathagatassa va tathagatasavakassa va dhammam desentassa santamyeva pariyayam anunneyyam anujanati evam so tasmim thane parisuddho hoti. {25.5} Puna caparam nigrodha tapassi akkodhano hoti anupanahi. Yampi nigrodha tapassi akkodhano hoti anupanahi evam so tasmim thane parisuddho hoti . puna caparam nigrodha tapassi amakkhi hoti apalasi anissuki hoti amacchari asatho hoti amayavi athaddho hoti anatimani na papiccho hoti na papikanam icchanam vasangato na micchaditthiko hoti na antagahikaya ditthiya samannagato na sanditthiparamasi hoti na adhanagahi supatinissaggi . yampi nigrodha tapassi na sanditthiparamasi hoti na adhanagahi supatinissaggi evam so tasmim thane parisuddho hoti. {25.6} Tam kim mannasi nigrodha yadi evam sante tapojiguccha parisuddha va hoti aparisuddha vati . addha kho bhante evam sante tapojiguccha parisuddha hoti no aparisuddha aggappatta ca hoti ^1- sarappatta cati . na kho nigrodha ettavata tapojiguccha aggappatta sarappatta hoti apica kho pappatikapatta ca hotiti. @Footnote: ¹ Ma. Yu. ayam patho natthi.

--------------------------------------------------------------------------------------------- page51.

[26] Kittavata pana bhante tapojiguccha aggappatta sarappatta ca hoti sadhu bhante bhagava tapojigucchaya aggamyeva papetu saramyeva papetuti . idha nigrodha tapassi catuyamasamvarasamvuto hoti . kathanca nigrodha tapassi catuyamasamvarasamvuto hoti . Idha nigrodha tapassi na panam atipateti ^1- na panam atipatayati na panam atipatayato samanunno hoti na adinnam adiyati na adinnam adiyapeti na adinnam adiyato samanunno hoti na musa bhanati na musa bhanapeti na musa bhanato samanunno hoti na bhavitamasimsati na bhavitamasimsapeti na bhavitamasimsato samanunno hoti. Evam nigrodha tapassi catuyamasamvarasamvuto hoti. {26.1} Yato nigrodha tapassi catuyamasamvarasamvuto hoti aduncassa hoti tapassitaya . so abhiharati no hinayavattati . So vivittam senasanam bhajati arannam rukkhamulam pabbatam kandaram giriguham susanam vanapattham abbhokasam palasapunjam ^2- . so pacchabhattam pindapatapatikkanto nisidati pallankam abhujitva ujum kayam panidhaya parimukham satim upatthapetva . so abhijjham loke pahaya vigatabhijjhena cetasa viharati abhijjhaya cittam parisodheti byapadapadosam pahaya abyapannacitto viharati sabbapanabhutahitanukampi byapadapadosa cittam parisodheti thinamiddham pahaya vigatathinamiddho viharati alokasanni sato sampajano thinamiddha cittam parisodheti @Footnote: ¹ Si. Yu. atipapeti . ² Po. Ma. Yu. palalapunjam.

--------------------------------------------------------------------------------------------- page52.

Uddhaccakukkuccam pahaya anuddhato viharati ajjhattam vupasantacitto uddhaccakukkucca cittam parisodheti vicikiccham pahaya tinnavicikiccho viharati akathamkathi kusalesu dhammesu vicikicchaya cittam parisodheti. {26.2} So ime panca nivarane pahaya cetaso upakkilese pannaya dubbalikarane mettasahagatena cetasa ekam disam pharitva viharati tatha dutiyam tatha tatiyam tatha catuttham iti uddhamadho tiriyam sabbadhi sabbattataya sabbavantam lokam mettasahagatena cetasa vipulena mahaggatena appamanena averena abyapajjhena pharitva viharati . karunasahagatena cetasa . muditasahagatena cetasa . Upekkhasahagatena cetasa ekam disam pharitva viharati tatha dutiyam tatha tatiyam tatha catuttham iti uddhamadho tiriyam sabbadhi sabbattataya sabbavantam lokam upekkhasahagatena cetasa vipulena mahaggatena appamanena averena abyapajjhena pharitva viharati. {26.3} Tam kim mannasi nigrodha yadi evam sante tapojiguccha parisuddha va hoti aparisuddha vati . addha kho bhante evam sante tapojiguccha parisuddha hoti no aparisuddha aggappatta ca hoti sarappatta cati . na kho nigrodha ettavata tapojiguccha aggappatta va hoti sarappatta va apica kho tacapatta hotiti. [27] Kittavata pana bhante tapojiguccha aggappatta ca hoti sarappatta ca sadhu me bhante bhagava tapojigucchaya

--------------------------------------------------------------------------------------------- page53.

Aggamyeva papetu saramyeva papetuti . idha nigrodha tapassi catuyamasamvarasamvuto hoti . kathanca nigrodha tapassi catuyama- samvarasamvuto hoti .pe. yato nigrodha tapassi catuyamasamvarasamvuto hoti aduncassa hoti tapassitaya . so abhiharati no hinayavattati . So vivittam senasanam bhajati .pe. so ime panca nivarane pahaya cetaso upakkilese pannaya dubbalikarane mettasahagatena cetasa ekam disam pharitva viharati .pe. so anekavihitam pubbenivasam anussarati seyyathidam ekampi jatim dvepi jatiyo tissopi jatiyo catassopi jatiyo pancapi jatiyo .pe. dasapi jatiyo visampi jatiyo timsampi jatiyo cattalisampi jatiyo pannasampi jatiyo satampi jatiyo sahassampi jatiyo satasahassampi jatiyo ^1- anekepi samvattakappe anekepi vivattakappe anekepi samvattavivattakappe amutrasim evamnamo evamgotto evamvanno evamaharo evamsukhadukkhapatisamvedi evamayupariyanto so tato cuto amutra udapadim tatrapasim evamnamo evamgotto evamvanno evamaharo evamsukhadukkhapatisamvedi evamayupariyanto so tato cuto idhupapannoti iti sakaram sauddesam anekavihitam pubbenivasam anussarati. {27.1} Tam kim mannasi nigrodha yadi evam sante tapojiguccha parisuddha va hoti aparisuddha vati . Addha kho bhante evam sante tapojiguccha @Footnote: ¹ Ma. Yu. jatisatampi jatisahassampi jatisatasahassampiti dissati.

--------------------------------------------------------------------------------------------- page54.

Parisuddha hoti no aparisuddha aggappatta ca hoti sarappatta cati . na kho nigrodha ettavata tapojiguccha aggappatta va hoti sarappatta va apica kho pheggupatta hotiti. [28] Kittavata pana bhante tapojiguccha aggappatta ca hoti sarappatta ca sadhu me bhante bhagava tapojigucchaya aggamyeva papetu saramyeva papetuti . idha nigrodha tapassi catuyamasamvarasamvuto hoti . kathanca nigrodha tapassi catuyamasamvarasamvuto hoti .pe. Yato ca kho nigrodha tapassi catuyamasamvarasamvuto hoti aduncassa hoti tapassitaya . so abhiharati no hinayavattati . so vivittam senasanam bhajati .pe. so ime panca nivarane pahaya cetaso upakkilese pannaya dubbalikarane mettasahagatena cetasa .pe. Upekkhasahagatena cetasa vipulena mahaggatena appamanena averena abyapajjhena pharitva viharati. {28.1} So anekavihitam pubbenivasam anussarati seyyathidam ekampi jatim dvepi jatiyo .pe. iti sakaram sauddesam anekavihitam pubbenivasam anussarati . so dibbena cakkhuna visuddhena atikkantamanusakena satte passati cavamane upapajjamane hine panite suvanne dubbanne sugate duggate yathakammupage satte pajanati ime vata bhonto satta kayaduccaritena samannagata vaciduccaritena samannagata manoduccaritena samannagata ariyanam upavadaka micchaditthika micchaditthikammasamadana te kayassa

--------------------------------------------------------------------------------------------- page55.

Bheda param marana apayam duggatim vinipatam nirayam upapanna ime va pana bhonto satta kayasucaritena samannagata vacisucaritena samannagata manosucaritena samannagata ariyanam anupavadaka sammaditthika sammaditthikammasamadana te kayassa bheda param marana sugatim saggam lokam upapannati iti dibbena cakkhuna visuddhena atikkantamanusakena satte passati cavamane upapajjamane hine panite suvanne dubbanne sugate duggate yathakammupage satte pajanati . tam kim mannasi nigrodha yadi evam sante tapojiguccha parisuddha va hoti aparisuddha vati . addha kho bhante evam sante tapojiguccha parisuddha hoti no aparisuddha aggappatta ca hoti sarappatta cati. {28.2} Ettavata nigrodha tapojiguccha aggappatta ca hoti sarappatta ca . iti nigrodha yam mam tvam avacasi ko nama so bhagavato dhammo yena bhagava savake vineti yena bhagavata savaka vinita assasappatta patijananti ajjhasayam adibrahmacariyanti . Iti kho ^[1]- nigrodha thanam uttaritaranca panitataranca yenaham savake vinemi yena maya savaka vinita assasappatta patijananti ajjhasayam adibrahmacariyanti . evam vutte te paribbajaka unnadino uccasaddamahasadda ahesum ettha mayam na passama sacariyaka ettha mayam na passama sacariyaka na mayam ito bhiyyo uttaritaram pajanamati. @Footnote: ¹ Ma. Yu. tam.

--------------------------------------------------------------------------------------------- page56.

[29] Yada annasi sandhano gahapati annadatthu khodanime annatitthiya paribbajaka bhagavato bhasitam sussusanti sotam odahanti annacittam upatthapentiti atha nigrodham paribbajakam etadavoca iti kho bhante nigrodha yam mam tvam avacasi yagghe gahapati janeyyasi kena samano gotamo saddhim sallapati kena sakaccham samapajjati kena pannaveyyattiyam samapajjati sunnagarahata samanassa gotamassa panna aparisavacaro samano gotamo nalam sallapaya so antapantaneva sevati seyyathapi nama gokana pariyantacarini antapantaneva sevati evamevam sunnagarahata samanassa gotamassa panna aparisavacaro samano gotamo nalam sallapaya so antapantaneva sevati ingha gahapati samano gotamo imam parisam agaccheyya ekapanheneva nam samsadeyyama tucchakumbhiva nam manne orodheyyamati athakho ^1- so bhante bhagava araham sammasambuddho idhanuppatto aparisavacaram pana nam karotha gokanam pariyantacarinim karotha ekapanheneva nam samsadetha tucchakumbhiva nam manne ^2- orodhethati. Evam vutte nigrodho paribbajako tunhibhuto mankubhuto pattakkhandho adhomukho pajjhayanto appatibhano nisidi. [30] Athakho bhagava nigrodham paribbajakam tunhibhutam mankubhutam pattakkhandham adhomukham pajjhayantam appatibhanam viditva nigrodham @Footnote: ¹ Po. Ma. Yu. ayam kho . ² Ma. ayam na dissati.

--------------------------------------------------------------------------------------------- page57.

Paribbajakam etadavoca saccam nigrodha bhasita te esa vacati . Saccam bhante bhasita me esa vaca yathabalena yathamulhena yathaakusalenati . tam kim mannasi nigrodha kinti te sutam paribbajakanam vuddhanam mahallakanam acariyapacariyanam bhasamananam ye te ahesum atitamaddhanam arahanto sammasambuddha evamsute bhagavanto sangamma samagamma unnadino uccasaddamahasadda anekavihitam tiracchanakatham anuyutta viharimsu seyyathidam rajakatham corakatham .pe. itibhavabhavakatham iti va seyyathapi tvam etarahi sacariyako udahu evamsute bhagavanto arannavanapatthani pantani senasanani patisevanti appasaddani appanigghosani vijanavatani manussarahaseyyakani patisallanasaruppani seyyathapahametarahiti. {30.1} Sutametam bhante paribbajakanam vuddhanam mahallakanam acariyapacariyanam bhasamananam ye te ahesum atitamaddhanam arahanto sammasambuddha na evamsute bhagavanto evam sangamma samagamma unnadino uccasaddamahasadda anekavihitam tiracchanakatham anuyutta viharanti seyyathidam rajakatham corakatham .pe. itibhavabhavakatham iti va seyyathapahametarahi sacariyako evamsute bhagavanto arannavanapatthani pantani senasanani patisevanti appasaddani appanigghosani vijanavatani manussarahaseyyakani patisallanasaruppani seyyathapi bhagava etarahiti . tassa kho ^1- nigrodha vinnussa sato mahallakassa na etadahosi buddho so bhagava @Footnote: ¹ Ma. Yu. te.

--------------------------------------------------------------------------------------------- page58.

Sambodhaya dhammam deseti danto so bhagava damathaya dhammam deseti santo so bhagava samathaya dhammam deseti tinno so bhagava taranaya dhammam deseti parinibbuto so bhagava parinibbanaya dhammam desetiti. [31] Evam vutte nigrodho paribbajako bhagavantam etadavoca accayo mam bhante accagama yathabalam yathamulham yathaakusalam yvaham bhagavantam evam avacasim tassa me bhante bhagava accayam accayato patigganhatu ayatim samvarayati . taggha tam ^1- nigrodha accayo accagama yathabalam yathamulham yathaakusalam yam ^2- mantvam evam avacasi yato ca kho nigrodha accayam accayato disva yathadhammam patikarosi tam te mayam patigganhama vuddhi hesa nigrodha ariyassa vinaye yo accayam accayato disva yathadhammam patikaroti ayatim samvaramapajjati. {31.1} Aham pana nigrodha evam vadami etu vinnu puriso asatho amayavi ujujatiko ahamanusasami aham dhammam desemi yathanusittham tathapatipajjamano yassatthaya kulaputta sammadeva agarasma anagariyam pabbajanti tadanuttaram brahmacariyapariyosanam ditthe va dhamme sayam abhinna sacchikatva upasampajja viharissati satta vassani . Titthantu nigrodha satta vassani . etu vinnu puriso asatho amayavi ujujatiko ahamanusasami aham dhammam desemi yathanusittham tathapatipajjamano yassatthaya kulaputta sammadeva agarasma @Footnote: ¹ Po. Ma. tavam . ² Ma. yo..

--------------------------------------------------------------------------------------------- page59.

Anagariyam pabbajanti tadanuttaram brahmacariyapariyosanam ditthe va dhamme sayam abhinna sacchikatva upasampajja viharissati cha vassani . Panca vassani . cattari vassani . tini vassani. Dve vassani. Ekam vassam . titthatu nigrodha ekam vassam . Etu vinnu puriso asatho amayavi ujujatiko ahamanusasami aham dhammam desemi yathanusittham tathapatipajjamano yassatthaya kulaputta sammadeva agarasma anagariyam pabbajanti tadanuttaram brahmacariyapariyosanam ditthe va dhamme sayam abhinna sacchikatva upasampajja viharissati satta masani. {31.2} Titthantu nigrodha satta masani. Cha masani. Panca masani. Cattari masani. Tini masani. Dve masani. Ekam masam. Addhamasam. Titthatu nigrodha addhamaso . etu vinnu puriso asatho amayavi ujujatiko ahamanusasami aham dhammam desemi yathanusittham tathapatipajjamano yassatthaya kulaputta sammadeva agarasma anagariyam pabbajanti tadanuttaram brahmacariyapariyosanam ditthe va dhamme sayam abhinna sacchikatva upasampajja viharissati sattaham. {31.3} Siya kho pana te nigrodha evamassa antevasikamyata samano gotamo evamahati. Na kho panetam nigrodha evam datthabbam yo evam vo acariyo soyeva vo acariyo hotu. Siya kho pana te nigrodha evamassa uddesa no cavetukamo samano gotamo evamahati. Na kho panetam

--------------------------------------------------------------------------------------------- page60.

Nigrodha evam datthabbam yo evam te uddeso soyeva te uddeso hotu . siya kho pana te nigrodha evamassa ajiva no cavetukamo samano gotamo evamahati . na kho panetam nigrodha evam datthabbam yo ca te ajivo soyeva te ajivo hotu. Siya kho pana te nigrodha evamassa ye te dhamma akusala akusalasankhata sacariyakanam tesu patitthapetukamo samano gotamo evamahati . na kho panetam nigrodha evam datthabbam akusalayeva te dhamma ^1- hontu akusalasankhata sacariyakanam. {31.4} Siya kho pana te nigrodha evamassa ye te dhamma kusala kusalasankhata sacariyakanam tehi vivecetukamo samano gotamo evamahati . na kho panetam nigrodha evam datthabbam kusalayeva te dhamma hontu kusalasankhata sacariyakanam . iti khoham nigrodha neva antevasikamyata evam vadami napi uddesa cavetukamo evam vadami napi ajiva cavetukamo evam vadami napi ye te dhamma akusala akusalasankhata sacariyakanam tesu patitthapetukamo evam vadami napi ye te dhamma kusalasankhata sacariyakanam tehi vivecetukamo evam vadami . santi ca kho nigrodha akusala dhamma appahina sankilesika ponobbhavika sadaratha dukkhavipaka ayatim jatijaramaraniya yesaham pahanaya dhammam desemi . Yathapatipannanam vo sankilesika dhamma pahiyissanti vodaniya dhamma abhivaddhissanti pannaparipurim vepullattanca ditthe va @Footnote: ¹ Ma. Yu. akusala ceva vo dhamma.

--------------------------------------------------------------------------------------------- page61.

Dhamme sayam abhinna sacchikatva upasampajja viharissathati . evam vutte te paribbajaka tunhibhuta mankubhuta pattakkhandha adhomukha pajjhayanta appatibhana nisidimsu yatha tam marena pariyutthitacitta. [32] Athakho bhagavato etadahosi sabbepime moghapurisa phuttha marena papimata yatra hi nama ekassapi na evam bhavissati handa mayam annanatthampi samane gotame brahmacariyam carama kim karissati sattahoti . athakho bhagava udumbarikaya paribbajakarame sihanadam naditva vehasam abbhuggantva gijjhakute pabbate paccutthasi ^1- . Sandhano gahapati tavadeva rajagaham pavisiti. Udumbarikasuttam nitthitam dutiyam. ---------------- @Footnote: ¹ Ma. paccupatthasi.