|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 5 : PALI ROMAN Vinaya Pitaka Vol 5 : Vinaya. Mahā (2)
[162] Tena kho pana samayena annatarassa bhikkhuno bahum civaram uppannam hoti . so ca tam civaram matapitunam 1- datukamo hoti . bhagavato etamattham arocesum . matapitaroti kho bhikkhave dadamane kim vadeyyami 2- anujanami bhikkhave matapitunam datum na ca bhikkhave saddhadeyyam vinipatetabbam yo vinipateyya apatti dukkatassati. [163] Tena kho pana samayena annataro bhikkhu andhavane civaram nikkhipitva santaruttarena gamam pindaya pavisi . cora tam civaram avaharimsu . so bhikkhu duccolo hoti lukhacivaro . bhikkhu evamahamsu kissa tvam avuso duccolo lukhacivaroti 3- . idhaham avuso andhavane civaram nikkhipitva santaruttarena gamam pindaya pavisim cora tam civaram avaharimsu tenaham duccolo lukhacivaroti . bhagavato etamattham arocesum . Na bhikkhave santaruttarena gamo pavisitabbo yo paviseyya apatti dukkatassati . Tena kho pana samayena ayasma anando asatiya santaruttarena gamam pindaya pavisi . bhikkhu ayasmantam anandam etadavocum @Footnote: 1 Yu. matapitunnam. 2 Ma. Yu. vadeyyama. 3 Ma. lukhacivarositi.--------------------------------------------------------------------------------------------- page221.
Nanu [1]- avuso ananda bhagavata pannattam na santaruttarena gamo pavisitabboti kissa tvam avuso [2]- santaruttarena gamam pavitthoti. Saccam avuso bhagavata pannattam na santaruttarena gamo pavisitabboti apicaham avuso 3- asatiya pavitthoti . bhagavato etamattham arocesum. {163.1} Athakho bhagava etasmim nidane etasmim pakarane dhammim katham katva bhikkhu amantesi 4- pancime bhikkhave paccaya sanghatiya nikkhepaya gilano va hoti vassikasanketam va hoti nadiparam gantum va hoti aggalaguttiviharo va hoti atthatakathinam va hoti ime kho bhikkhave panca paccaya sanghatiya nikkhepaya. {163.2} Pancime bhikkhave paccaya uttarasangassa nikkhepaya gilano va hoti vassikasanketam va hoti nadiparam gantum va hoti aggalaguttiviharo va hoti atthatakathinam va hoti ime kho bhikkhave panca paccaya uttarasangassa nikkhepaya . pancime bhikkhave paccaya antaravasakassa nikkhepaya gilano va hoti vassikasanketam va hoti nadiparam gantum va hoti aggalaguttiviharo va hoti atthatakathinam va hoti ime kho bhikkhave panca paccaya antaravasakassa nikkhepaya . Pancime bhikkhave paccaya vassikasatikaya nikkhepaya gilano va hoti nissimam gantum va hoti nadiparam gantum va hoti aggalaguttiviharo va hoti vassikasatika akata va hoti @Footnote: 1 Ma. Yu. kho. 2 Po. Ma. ananda. 3 Ma. Yu. ayam patho natthi. @4 Ma. Yu. athakho bhagava ... amantesiti ime patha natthi.--------------------------------------------------------------------------------------------- page222.
Vippakata va ime kho bhikkhave panca paccaya vassikasatikaya nikkhepayati.The Pali Tipitaka in Roman Character Volume 5 page 220-222. https://84000.org/tipitaka/read/roman_read.php?B=5&A=4557&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=5&A=4557&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=5&item=162&items=2 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=5&siri=42 Study Atthakatha :- https://84000.org/tipitaka/attha/attha.php?b=5&i=162 The Pali Atthakatha in Thai :- https://84000.org/tipitaka/atthapali/read_th.php?B=3&A=4930 The Pali Atthakatha in Roman :- https://84000.org/tipitaka/atthapali/read_rm.php?B=3&A=4930 Contents of The Tipitaka Volume 5 https://84000.org/tipitaka/read/?index_5 https://84000.org/tipitaka/english/?index_5
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]